BJP MP Laxman: లోక్‌సభ ఎన్నికల తర్వాత తెలంగాణ ప్రభుత్వంలో తిరుగుబాటు జరిగే అవకాశం ఉందని బీజేపీ ఎంపీ కే లక్ష్మణ్ ఆసక్తికర వ్యాఖ్యలు చేశారు. తుమ్మితే ఊడిపోయే ముక్కులా.. రాష్ట్రంలో కాంగ్రెస్ పార్టీకి 64 మంది ఎమ్మెల్యేలే ఉన్నారన్నారు. లోక్‌సభ ఎన్నికల ఫలితాల తర్వాత తెలంగాణ కర్ణాటక అవుతుందో, హిమాచల్ ప్రదేశ్ అవుతుందో చూద్దామన్నారు. అమలు చేయలేని హామీలతో కాంగ్రెస్ పార్టీ కర్ణాటక, హిమాచల్‌ప్రదేశ్‌, తెలంగాణలో అధికారంలోకి వచ్చిందని, అవి అమలు కాకపోవడంతో కర్ణాటక, హిమాచల్‌ప్రదేశ్‌లో ఎమ్మెల్యేలు, మంత్రులు తిరుగుబాటు చేస్తున్నారని చెప్పారు.
ఇది కూడా చూడండి: Horoscope Today: నేటి రాశిఫలాలు(2024 February 29th).. విదేశీయాన ప్రయత్నాలు లాభిస్తాయి
లోక్‌సభ ఎన్నికల తర్వాత తెలంగాణలో కూడా ఇదే పరిస్థితి వస్తుందన్నారు. కాంగ్రెస్ అధికారంలోకి వచ్చిన తర్వాత నేతలు, మంత్రులు ఇష్టమొచ్చినట్లు మాట్లాడుతున్నారని మండిపడ్డారు. ముఖ్యమంత్రి రేవంత్‌రెడ్డితోపాటు మంత్రుల వ్యవహారశైలి, హామీల అమలు, రాష్ట్ర బడ్జెట్‌ను పరిశీలిస్తే ప్రభుత్వం పరిస్థితి అగమ్యగోచరంగా ఉన్నదని విమర్శించారు. రాష్ట్రం అప్పుల కుప్పగా మారిందంటూనే అమలుకు సాధ్యం కాని హామీలు ఇచ్చి ప్రజలను మోసం చేశారని దుయ్యబట్టారు. కాంగ్రెస్ హామీలన్నీ నెరవేర్చాలంటే బడ్జెట్‌కు అదనంగా రూ.1.53 లక్షల కోట్లు అవసరమని చెప్పారు. ఎన్నికల సమయంలో రాష్ట్రంలోని ప్రతి ఒక్కరికీ సంక్షేమ పథకాలు అందిస్తామని చెప్పి.. ఇప్పుడు షరతులు విధిస్తున్నారని మండిపడ్డారు.
ఇది కూడా చూడండి: Madhya Pradesh: ఘోర రోడ్డు ప్రమాదం..14 మంది మృతి
