BDK: సింగరేణి CMD బలరాం నాయక్‌కు శనివారం దళిత జర్నలిస్టుల ఫోరం ఆధ్వర్యంలో వినతిపత్రం అందజేశారు. దళిత జర్నలిస్టుల ఫోరం రాష్ట్ర నాయకులు రత్నాకర్ మాట్లాడుతూ.. సింగరేణి పరిధిలో పనిచేస్తున్న జర్నలిస్టులు సమావేశం కోసం సింగరేణి సంస్థ తరఫున ప్రత్యేక క్వార్టర్‌ను కేటాయించాలని సీఎండీకి వినతి పత్రం అందించినట్లు అయన తెలిపారు.
SRD: సదాశివపేట పట్టణంలో కాశమ్మ దేవాలయ విగ్రహ ప్రతిష్టాపన కార్యక్రమం శనివారం ఘనంగా నిర్వహించారు. కౌన్సిలర్ మాణిక్ రావు ఆధ్వర్యంలో ప్రతిష్టాపన కార్యక్రమం జరిగింది. మెదక్ పార్లమెంట్ సభ్యులు రఘునందన్ రావు, బీజేపీ జిల్లా అధ్యక్షురాలు గోదావరి అంజిరెడ్డి పాల్గొని ప్రత్యేక పూజలు చేశారు. వీరిని దేవాలయ కమిటీ సభ్యులు శాలువాతో ఘనంగా సన్మానించారు.
WGL: తెలంగాణ ప్రజా ప్రభుత్వం అర్హులైన ప్రతి ఒక్కరికీ సంక్షేమ పథకాలను అందించేందుకు కృషి చేస్తుందని ఎమ్మెల్యే నాగరాజు అన్నారు. కడిపికొండలో ఎమ్మెల్యే పర్యటించి మాట్లాడుతూ.. ప్రతిపక్షాలు మాటలను నమ్మి ప్రజలు మోసపోవద్దని, ఇల్లు లేని నిరు పేదలందరికీ అందించే బాధ్యత ప్రభుత్వం తీసుకుంటుందన్నారు. కార్యక్రమంలో మేయర్ గుండు సుధారాణి తదితరులు ఉన్నారు.
NRML: నిర్మల్ మండలంలోని అనంతపేట్ గ్రామంలోని కేజీబీవీ పాఠశాలను శనివారం డీఈవో రామారావు సందర్శించారు. ఈ సందర్భంగా విద్యార్థులను ఉద్దేశించి ఆయన మాట్లాడారు. ఉపాధ్యాయులు సమ్మెలో ఉన్నందున విద్యార్థులు పరీక్షలకు సన్నద్ధం కావాలని సూచించారు. విద్యార్థుల చదువులకు ఇబ్బందులు తలెత్తకుండా ఉండేందుకు ప్రత్యామ్నాయ ఏర్పాట్లను చేస్తున్నామని తెలిపారు.
KMR: జిల్లాలో ఇందిరమ్మ ఇళ్ల సర్వే వేగవంతంగా, నాణ్యతతో నిర్వహించాలని కలెక్టర్ ఆశిష్ సాంగ్వాన్ సూచించారు. శనివారం అధికారులతో సమీక్ష నిర్వహించారు. మొత్తం 2,38,682 మంది దరఖాస్తు చేసుకోగా 1,39,194 సర్వే పూర్తైందన్నారు. జనవరి 3వ తేదీలోగా సర్వే పూర్తి చేయాలని ఆదేశించారు. పన్ను వసూళ్లు, వనమహోత్సవం, ఉపాధి హామీ పథకాలు, మహిళా శక్తి కార్యక్రమాలపై చర్చించారు.
SRD: తమ ఉద్యోగాలను క్రమబద్ధీకరించాలని కోరుతూ శనివారం మెదక్ పార్లమెంట్ సభ్యులు రఘునందన్‌రావ్‌ను సమగ్ర శిక్షా ఉద్యోగులు కలిసి వినతి పత్రాన్ని అందజేశారు. రఘునందన్‌రావ్ మాట్లాడుతూ.. సమస్యలను ముఖ్యమంత్రి దృష్టికి తీసుకెళ్లి పరిష్కరించే దిశగా కృషి చేస్తానని ఆయన చెప్పారని ఉద్యోగులు తెలిపారు. ఈ కార్యక్రమంలో ఉద్యోగులు పాల్గొన్నారు.
NRML: ఇసుక అక్రమ రవాణా చేసే వారిపై కఠిన చర్యలు చేపట్టాలని కలెక్టర్ అభిలాష అభినవ్ అధికారులను ఆదేశించారు. శనివారం కలెక్టరేట్లో ఇసుక అక్రమ రవాణా నియంత్రణకు చేపట్టవలసిన చర్యలపై సంబంధిత శాఖల అధికారులతో ఆమె సమావేశం నిర్వహించారు. కలెక్టర్ మాట్లాడుతూ.. జిల్లాలో ఇసుక అక్రమ రవాణా చేసే వారిపై చర్యలు తీసుకోవాలని అధికారులకు ఆదేశించారు.
HYD: కొండాపూర్‌లోని AMB మాల్లో శనివారం ఓ యువకుడు హల్చల్ చేసాడు. ఇన్స్టా ఫాలోవర్స్‌కు డబ్బులు ఇస్తానంటూ ప్రచారం చేసాడు. బౌన్సర్లతో మాల్‌కి వచ్చి హల్చల్ చేసాడు. గతంలో కూడా కూకట్‌పల్లిలో రోడ్లపై డబ్బులు విసిరి హల్చల్ చేసాడు. కాగా, దీనికి సంబందించిన పూర్తి సమాచారం తెలియాల్సి ఉంది.
SRD: వికలాంగుల సంక్షేమానికి ప్రభుత్వం ప్రత్యేక కృషి చేస్తుందని కలెక్టర్ వల్లూరు క్రాంతి అన్నారు. కలెక్టర్ కార్యాలయంలో వికలాంగుల వాయిస్ పత్రికను శనివారం ఆవిష్కరించారు. ఆమె మాట్లాడుతూ వికలాంగుల కోసం ప్రభుత్వం అమలు చేస్తున్న సంక్షేమ పథకాలను సద్వినియోగం చేసుకోవాలని కోరారు. కార్యక్రమంలో వికలాంగుల హక్కుల వేదిక రాష్ట్ర కార్యదర్శి అడివయ్య పాల్గొన్నారు.
SRCL: జనవరి 1 నుంచి ఆన్‌లైన్ ద్వారా అధికారులు సెలవు దరఖాస్తులు సమర్పించాలని అదనపు కలెక్టర్ ఖిమ్యా నాయక్ అన్నారు. శనివారం అదనపు కలెక్టర్ ఖిమ్యా నాయక్ సమీకృత జిల్లా కలెక్టరేట్‌లోని సమావేశ మందిరంలో e- HRM పోర్టల్ ద్వారా సెలవు మంజూరు దరఖాస్తుల నమోదుపై ఉద్యోగులకు నిర్వహించిన శిక్షణ కార్యక్రమంలో పాల్గొన్నారు.
HYD: అంబర్‌పేట డివిజన్లో దశల వారీగా అభివృద్ధి పనులు చేపడుతున్నామని కార్పొరేటర్ విజయ్ కుమార్ గౌడ్ తెలిపారు. శనివారం డివిజన్ పరిధిలోని బాపూనగర్లో రోడ్డు పనులను కార్పొరేటర్ పరిశీలించారు. పనులు వేగవంతం చేయాలని కాంట్రాక్టర్‌కు సూచించారు. అలాగే రోడ్డు ప్రమాదాలు నివారించేందుకు స్పీడ్ బ్రేకర్లను కూడా ఏర్పాటు చేస్తున్నట్లు తెలిపారు.
HYD: వివేకానంద నగర్ కాలనీ కమాన్ నుంచి రూ. 1 కోటి అంచనా వ్యయంతో నూతనంగా చేపడుతున్న రోడ్డు డివైడర్ పనులను ఎమ్మేల్యే, పీఎసీ ఛైర్మన్ అరెకపూడి గాంధీ, GHMC ఇంజినీరింగ్ విభాగం అధికారులు, ట్రాఫిక్ అధికారులతో కలిసి శనివారం పరిశీలించారు. ఈ సందర్భంగా ఆయన మాట్లాడుతూ.. పనులలో నాణ్యత తగ్గకుండా చూడాలన్నారు. అనంతరం అధికారులకు పలు సూచనలు చేశారు.
JGL: ఆస్ట్రేలియా గడ్డ మీద సెంచరీ చేసిన తెలుగు కుర్రాడు నితీష్ కుమార్ రెడ్డికి ధర్మపురి మాజీ ఎమ్మెల్యే, మాజీ మంత్రివర్యులు కొప్పుల ఈశ్వర్ అభినందనలు తెలిపారు. భవిష్యత్తులో ఇలాంటి మరిన్ని విజయాలు సాధిస్తూ ఉన్నత శిఖరాలను అధిరోహించాలని ఆకాంక్షించారు. అలాగే నితీష్ కుమార్ రెడ్డి తల్లిదండ్రులకు శుభాకాంక్షలు తెలిపారు.
HYD: ఆధ్యాత్మిక చింతనను ప్రతి ఒక్కరూ అలవర్చుకోవాలని కంటోన్మెంట్ ఎమ్మెల్యే శ్రీ గణేశ్ అన్నారు. శనివారం శని త్రయోదశి సందర్భంగా తాడ్బండ్‌లోని హనుమాన్ దేవాలయాన్ని ఎమ్మెల్యే దర్శించుకున్నారు. ఈ సందర్భంగా ప్రత్యేక పూజ కార్యక్రమాలు నిర్వహించారు. స్వామివారి ఆశీస్సులతో ప్రజలందరూ సంతోషంగా ఉండాలని కోరుకున్నట్లు తెలిపారు.
NRML: డంపింగ్ యార్డును సక్రమంగా నిర్వహించాలని కలెక్టర్ అభిలాష అభినవ్ అధికారులను ఆదేశించారు. శనివారం స్థానిక సంస్థల ఆదనపు కలెక్టర్ ఫైజాన్ అహ్మద్‌తో కలిసి నిర్మల్‌లోని సమీపంలో డంపింగ్ యార్డ్‌ను తనిఖీ చేశారు. ఈ సందర్భంగా కలెక్టర్ మాట్లాడుతూ.. డంపింగ్ యార్డ్ నిర్వహణను సమర్ధవంతంగా నిర్వహించాలని ఆదేశించారు.
