మునుగోడు ఎన్నికల హీట్ మొదలైంది. నోటిఫికేషన్ విడుదల కావడంతో ఒకరిపై మరొకరు విమర్శలు చేసుకుంటున్నారు. కాగా.. తాజాగా తెలంగాణ బీజేపీ చీఫ్ బండి సంజయ్… కేసీఆర్ పై తీవ్ర విమర్శలు చేశారు.
మునుగోడు ఎన్నికల్లో గెలుపు కోసం కేసీఆర్ తాంత్రిక పూజలు, క్షుద్ర పూజలు చేస్తున్నారని ఆరోపించారు. ఓ తాంత్రికుడు చెప్పిన కారణంగానే టీఆర్‌ఎస్‌ను బీఆర్‌ఎస్‌గా మార్చారని బండి సంజయ్ వివరించారు. ఇటీవలే ఓ పెద్ద స్వామీజీని కలిశానని..ఆయనే తనకీ విషయాలు చెప్పారని బండి సంజయ్ తెలిపారు.
నల్ల పిల్లితో మూడు నెలలకోసారి కేసీఆర్ తాంత్రిక పూజలు చేస్తారని బండి సంజయ్ తెలిపారు. కేసీఆర్‌కి చెందిన ఫార్మ్ హౌస్‌లో ముగ్గురు చనిపోయారని…అందులో ఒక యువకుడిని బలి ఇచ్చారనే ప్రచారం జరిగిందని బండి సంజయ్ తెలిపారు.
ఈ రాష్ట్రం, దేశం బాగుండాలని కేసీఆర్‌కు ఏ మాత్రం లేదని…తాను చేసేది అంతా తన కుటుంబం కోసమేనని ఆరోపించారు. కాళ్లు పైకి చేతులు కింద పెట్టినా మునుగోడులో టీఆర్‌ఎస్‌ గెలవదని బండి సంజయ్ అన్నారు. రాజగోపాల్ రెడ్డి భారీ మెజార్టీతో గెలవడం ఖాయమని ధీమా వ్యక్తం చేశారు.
