ప్రభాస్ లేటెస్ట్ ఫిల్మ్ ‘ఆదిపురుష్'(Adipurush) సంక్రాంతి కానుకగా జనవరి 12న రిలీజ్ అయ్యేందుకు రెడీ అవుతోంది. రామాయణం ఆధారంగా తెరకెక్కుతున్న ఈ సినిమాను.. బాలీవుడ్ డైరెక్టర్ ఓం రౌత్ దర్శకత్వం వహిస్తున్నాడు. కృతి సనన్‌ సీత పాత్రలో నటిస్తుండగా.. సైఫ్ అలీఖాన్ రావణసురుడిగా కనిపించనున్నాడు. ఇక ఈ సినిమా టీజర్‌ను ఇటీవలె అయోధ్యలో గ్రాండ్‌గా లాంచ్ చేసిన సంగతి తెలిసిందే. కానీ ఆదిపురుష్‌కు షాక్ ఇచ్చేలా ఈ టిజర్‌ పై పెద్ద ఎత్తున ట్రోలింగ్ జరిగింది.
కానీ చిత్ర యూనిట్ మాత్రం ఈ సినిమా పై ఫుల్ కాన్ఫిడెన్స్‌తో ఉంది. అందుకే ప్రస్తుతం పోస్ట్ ప్రొడక్షన్ వర్క్‌ మీదే ఫుల్ ఫోకస్ పెట్టారు. ఈ నేపథ్యంలో ‘ఆది పురుష్’ మూవీ రన్ టైం గురించి సోషల్ మీడియాలో ఓ వార్త హల్ చల్ చేస్తోంది. ఈ సినిమాకు దాదాపు 3 గంటల 15 నిమిషాలు రన్ టైం లాక్ చేసినట్టు తెలుస్తోంది. ఇదే నిజమైతే.. ప్రేక్షకులను మూడున్నర గంటల పాటు థియేటర్లో కూర్చొబెడతారా అనే సందేహాలు వ్యక్తమవుతున్నాయి.
బాహుబలి, ఆర్ఆర్‌ఆర్, కెజియఫ్ వంటి సినిమాలు మూడు గంటకు అటు ఇటు నిడివివితో వచ్చాయి. ఈ సినిమాలన్నీ బ్లాక్ బస్టర్‌గా నిలిచాయి. కాకపోతే ఆదిపురుష్ టీజర్ టాక్ రివర్స్ అవడంతో.. ఈ రన్ టైం వర్కౌట్ అవుతుందా అనేది డౌట్‌గానే ఉంది. కానీ కంటెంట్ బలంగా ఉంటే.. ఆదిపురుష్ రన్ టైంను పెద్దగా పట్టించుకోరు. పైగా ఓం రౌత్ ఆదిపురుష్ అంతకు మించి ఉంటుందని అంటున్నాడు. కాబట్టి ఆదిపురుష్‌ను ఇప్పుడే తక్కువ అంచనా వేయలేం. మరి ఆదిపురుష్ బాక్సాఫీస్ దగ్గర ఎలాంటి వండర్స్ క్రియేట్ చేస్తుందో చూడాలి.
ఇది కూడా చూడండి: రెండు గుండె చప్పుళ్లు విన్నారా.. ‘యశోద'(Yashoda) ట్రైలర్ రిలీజ్!
