BHNG: తురపల్లి మండలం మదపురం గ్రామంలో పలు అభివృద్ధి కార్యక్రమాలకు ఎమ్మెల్సీ తీన్మార్ మల్లన్న శుక్రవారం శంకుస్థాపన చేశారు. గ్రామంలోని సీసీ రోడ్డు అండర్ డ్రైనేజ్ పనులను వేగంగా పూర్తి చేయాలన్నారు. ఈ కార్యక్రమంలో కాంగ్రెస్ జిల్లా ప్రధాన కార్యదర్శి కొమిరిశెట్టి నరసింహులు, మాజీ వైస్ ఎంపీపీ మహాదేవుని శ్రీనివాస్, ఎంపీడీవో ఝాన్సీ లక్ష్మీబాయి పాల్గొన్నారు.
NLR: నెల్లూరు నగర పాలక సంస్థ కార్యాలయంలో ముందస్తు సంక్రాంతి పండుగ సంబరాలను శుక్రవారం నిర్వహించారు. ఈ సంబరాల్లో ముఖ్య అతిధిలుగా నగర మేయర్ స్రవంతి జయవర్ధన్, కమిషనర్ సూర్య తేజలు పాల్గొన్నారు. ఈ సందర్భంగా మేయర్ మాట్లాడుతూ.. అన్ని రకాల సంప్రదాయక ఏర్పాట్లతో నెల్లూరు నగర పాలక సంస్థ ప్రాంగణంలో సంక్రాంతి వైభవం ఉట్టిపడుతోందని తెలిపారు.
SRD: జహీరాబాద్ ఎంపీ సురేష్ శెట్కార్‌ను శుక్రవారం హైదరాబాద్ లో TSIDC మాజీ చైర్మన్ మహమ్మద్ తన్వీర్, టీపీసీసీ సభ్యులు శ్రీనివాస్ మర్యాదపూర్వకంగా భేటీ అయ్యారు. ఈ సందర్భంగా రాజకీయ విశేషాలపై చర్చించారు. స్థానిక సంస్థల ఎన్నికలకు సంసిద్ధం కావాలని ఎంపీ సూచించారు. ఇందులో ఉమ్మడి జిల్లా జడ్పీకో ఆప్షన్ మెంబర్ రషీద్, గౌసోద్దీన్ జావీద్, హాన్నన్, ఉన్నారు.
CTR: 13వ తేదీ ప్రజా ఫిర్యాదుల పరిష్కార వేదిక కార్యక్రమాన్ని రద్దు చేస్తున్నట్లు జిల్లా కలెక్టర్ సుమిత్ కుమార్ శుక్రవారం ఓ ప్రకటనలో తెలిపారు. సోమవారం భోగి పండుగ సందర్భంగా ప్రభుత్వ సెలవు దినం కావడంతో జిల్లా సచివాలయంలో నిర్వహించే ప్రజా ఫిర్యాదుల పరిష్కార వేదిక కార్యక్రమాన్ని రద్దు చేస్తున్నట్లు చెప్పారు. కావున జిల్లా ప్రజలు సహకరించాలని కోరారు.
ATP: వజ్రకరూరు మండలం కొనకొండ్ల గ్రామంలో మస్తానమ్మ అనే మహిళ ఇంట్లో చోరీ జరిగింది. ఇంట్లో ఎవరూ లేని సమయంలో ఇంటి తాళాలు పగలగొట్టి బీరువాలో ఉన్న నగదు, బంగారం, వెండిని దొంగలు ఎత్తుకెళ్లారు. 2.5 తులాల బంగారం, రూ.18 వేలు నగదు, రెండు వెండి బ్రాస్లెట్లు ఎత్తుకెళ్లినట్లు బాధితులు తెలిపారు. పోలీసులు చోరీని పరిశీలించి కేసు నమోదు చేశారు.
SRD: అమీన్ పూర్ మున్సిపల్ సర్వసభ్య సమావేశం చైర్మన్ పాండురంగారెడ్డి అధ్యక్షతన శుక్రవారం నిర్వహించారు. వివిధ అభివృద్ధి పనుల కోసం 16.51 కోట్లతో సమావేశంలో ఆమోదం తెలిపినట్లు చైర్మన్ తెలిపారు. ఈ నిధులతో రోడ్లు, మురుగు కాల్వలు, ఇతర అభివృద్ధి పనులు చేపడతామని పేర్కొన్నారు. సమావేశంలో కమిషనర్ జ్యోతి రెడ్డి, వైస్ చైర్మన్ నరసింహ గౌడ్ పాల్గొన్నారు.
ప్రకాశం: కూటమి ప్రభుత్వం ఎన్నికల హామీలు ఇచ్చిన వాగ్దానం మేరకు పేదలకు ఇంటి స్థలం కల్పించి గృహాలు నిర్మించాలని సంతమాగులూరు మండలం సీపీఐ నాయకులు పేర్కొన్నారు. సీపీఐ నేతలు నిరసన తెలిపి తహసీల్దార్‌కి వినతి పత్రం అందించారు. అనంతరం వాళ్ళు మాట్లాడుతూ.. ఇల్లు లేని పేదలకు పట్టణాలలో రెండు సెంట్లు, గ్రామాలలో మూడు సెంట్లు చొప్పున స్థలాలు అందించాలన్నారు.
బాపట్ల: కోడిపందాలు, పేకాట, మట్కా నిర్వహకులపై కఠిన చర్యలు తీసుకుంటామని ఎస్పీ తుషార్ డూడి హెచ్చరించారు. శుక్రవారం ఆయన మాట్లాడుతూ.. జిల్లాలో సంఘ వ్యతిరేక కార్యకలాపాలకు పాల్పడితే ఉపేక్షించేది లేదన్నారు. సంక్రాంతి సెలవులకు విహార యాత్రలకు వెళ్లేవారు స్థానిక పోలీసులకు సమాచారం అందించాలన్నారు. దొంగతనాలు ఇతర అసాంఘిక కార్యకలాపాలుపై చర్యలు తీసుకుంటామన్నారు.
ASR: కొయ్యూరు మండలం పనసలపాడు గ్రామంలో నూతన అంగన్వాడీ భవన నిర్మాణానికి మార్గం సుగమం అయింది. గ్రామంలో నెలకొన్న స్థల వివాదం నేపథ్యంలో ఎన్నో ఏళ్లుగా భవన నిర్మాణానికి ఆటంకాలు ఎదురయ్యాయి. శుక్రవారం మండల తహసీల్దార్ ఎస్ఎల్వీ ప్రసాద్, సర్వేయర్ నరసింహమూర్తి గ్రామంలో పర్యటించారు. గ్రామస్తులు, పెద్దలు చూపించిన స్థలంలోనే నూతన భవనం నిర్మించాలని నిర్ణయం తీసుకున్నారు.
CTR: కుప్పం రైల్వే స్టేషన్‌కు విచ్చేసిన సౌత్ వెస్ట్రన్ రైల్వే డీఆర్ఎంను స్థానికులు కలిసి వినతిపత్రం అందజేశారు. 21వ తేదీ నుంచి ఫిబ్రవరి 8వ తేదీ వరకు బెంగళూరు వైపు వెళ్లే రైళ్లు కుప్పంలో నిలపకపోవడంతో ప్రయాణికులకు కలిగే అసౌకర్యాలను డీఆర్ఎంకు వివరించారు. ప్రత్యామ్నాయంగా మల్లానూరు, గుడిపల్లి స్టేషన్లలో రైళ్లను ఆపాలని కోరారు.
MDK: జిన్నారం గ్రామ 8, 9వ, వార్డులోని మాల కుల సంఘానికి లక్ష రూపాయలతో టెంట్ హౌస్ సామాగ్రిని మాజీ సర్పంచ్ లావణ్య శ్రీనివాస్ రెడ్డి అందజేశారు. ఈ సందర్భంగా సంఘం సభ్యులు నాయకులకు ప్రత్యేక కృతజ్ఞతలు తెలిపారు. ఈ కార్యక్రమంలో వెంకటేశం గౌడ్, భోజి రెడ్డి, శ్రీనివాస్ గౌడ్, మంద రమేష్, నీలం మోహన్, బ్రహ్మేందర్ గౌడ్, నర్సింగ్ రావు, ఏర్పుల లింగం, మల్లేష్ ఉన్నారు.
TPT: చౌడేపల్లి మండల పుదిపట్ల గ్రామంలో వెలసియున్న శ్రీ వైష్ణవి మాత శుక్రవారం ప్రత్యేక పూజలు అందుకుంది. అమ్మవారి మూలవర్లను అభిషేకించిన అనంత వైకుంఠ ఏకాదశి సందర్భంగా అమ్మవారిని వెంకటేశ్వర స్వామి రూపంలో అలంకరించారు. గ్రామంలోని భక్తులు వైష్ణవి మాతను దర్శించుకున్నారు. మహిళలు భక్తిశ్రద్ధలతో నేతి దీపాలను వెలిగించి మొక్కులు చెల్లించుకున్నారు.
TPT: సంక్రాంతి పండుగకు స్వస్థలాలకు వచ్చే ప్రయాణికుల నుంచి అధిక చార్జీ వసూలు చేసినా, ప్రయాణ సమయంలో ప్రయాణికులకు అసౌకర్యం కలిగించినా చట్టపరమైన చర్యలు తీసుకుంటామని గూడూరు రవాణాశాఖ అధికారి హెచ్చరించారు. వాహనాలకు సరి అయిన రికార్డులు లేకపోయినా నిబంధనలకు విరుద్ధంగా బస్సులు తిరుగుతున్నా జప్తు చేస్తామని స్పష్టం చేశారు.
MDK: అప్పుల బాధ భరించలేక మనస్తాపానికి గురై ఆటో కార్మికుడు ఆత్మహత్యకు పాల్పడిన ఘటన నంగునూరు మండలంలో జరిగింది. స్థానికుల వివరాలు.. మండల కేంద్రానికి చెందిన జంగిటి నరసింహులు (36) ఆటో డ్రైవర్గా జీవనం కొనసాగిస్తున్నాడు. రెండేళ్ల క్రితం సొంతింటి నిర్మాణం కోసం సుమారు 5 లక్షల వరకు అప్పు చేశాడు. ఈ క్రమంలో చేసిన అప్పు తీరకపోగా భాద భరించలేక చనిపోయాడు.
SRCL: వేములవాడ పట్టణంలోని మహాలక్ష్మి వీధిలోని రేణుకా ఎల్లమ్మ వద్ద మహాలక్ష్మి రైతు మిత్ర సంఘం ఆధ్వర్యంలో నిర్వహించిన కాటిరేవుల మహోత్సవంలో ఎమ్మెల్యే ఆది శ్రీనివాస్ ముఖ్య అతిథిగా హాజరయ్యారు. ఈ సందర్భంగా రేణుకా ఎల్లమ్మ తల్లిని దర్శించుకుని ప్రత్యేక పూజలు నిర్వహించారు. వారు మాట్లాడుతూ.. అనాదిగా వస్తున్న కాటిరేవుల పండగను నిర్వహించుకోవడం అభినందనీయమన్నారు.
