Gautam Gambhir: తనకు ఎంతో ఇష్టమైన క్రికెట్‌ కోసం తాను రాజకీయాలకు గుడ్‌బై చెబుతున్నట్లు క్రికెటర్‌ గౌతమ్‌ గంభీర్(Gautam Gambhir) తన ఎక్స్‌ ఖాతాలో ట్వీట్‌ చేశారు. 2019 ఎన్నికల్లో ఆయన ఈస్ట్‌ ఢిల్లీ నియోజకవర్గం నుంచి బీజేపీ తరఫున పోటీ చేసి ఎంపీగా గెలుపొందారు. అయితే ప్రస్తుతం తాను రాజకీయాల నుంచి వైదొలుగుతున్నట్లు ట్వీట్‌ చేశారు. బీజేపీ జాతీయ అధ్యక్షుడు జేపీ నడ్డాను ట్యాగ్‌ చేస్తూ ఈ ట్వీట్‌ చేయడం గమనార్హం.
చదవండి : డచ్‌ పర్యాటకుడిపై లూటీ… నెల రోజులుగా బిచ్చగాళ్లతో టూరిస్ట్‌!
ప్రజలకు రాజకీయాల ద్వారా సేవ చేసే అవకాశం కల్పించిన ప్రధాని మోదీతో పాటు అమిత్‌ షాకు కూడా గంభీర్ ప్రత్యేకంగా కృతజ్ఞతలు చెప్పుకొచ్చారు. తనకు రాజకీయ బాధ్యతల నుంచి విముక్తి కలిగించాలని ప్రధాని మోదీని కోరారు. శనివారం చేసిన ఈ ట్వీట్‌ ప్రస్తుతం నెట్‌లో వైరల్‌గా మారింది. క్రికెట్‌ రంగంతో పాటు రాజకీయ వర్గాల్లోనూ ప్రస్తుతం ఇది చర్చినీయాంశంగా మారింది.
చదవండి : కులం, మతం పేరుతో ఓట్లడగొద్దు : ఈసీఐ
ఐపీఎల్‌ కోసమే గంభీర్(Gambhir) రాజకీయాలకు గుడ్ బై చెప్పారని వార్తలు వినిపిస్తున్నాయి. ఐపీఎల్‌(ipl) 2024 సీజన్‌లో కోల్‌కతా నైట్‌ రైడర్స్‌కు గంభీర్ మెంటర్‌గా వ్యవహరించబోతున్నారు. ఒకప్పుడు ఈ జట్టుకు ఆయన కెప్టెన్‌గా ఉన్న సంగతి అందరికీ తెలిసిందే. ఇప్పుడు మెంటర్‌గా ఆయన వ్యవహరించబోతున్నారు.
