కన్నడ స్టార్ హీరో ఉపేంద్ర గురించి ప్రత్యేకంగా చెప్పనక్కర్లేదు. కన్నడలో హీరోగా సినిమాలు చేస్తునే.. తెలుగు సినిమాల్లో కీ రోల్ ప్లే చేసే ఛాన్స్ వస్తే వదులుకోవడం లేదు. గతంలో త్రివిక్రమ్ తెరకెక్కించిన సన్నాఫ్ సత్యమూర్తి సినిమాలో.. విలన్‌గా నటించాడు. అలాగే వరుణ్ తేజ్ ‘గని’ మూవీలోను కీలక పాత్రలో నటించాడు. అయితే ఈసారి మెగాపవర్ స్టార్ రామ్ చరణ్‌తో స్క్రీన్ షేర్ చేసుకోబోతున్నట్టు తెలుస్తోంది. ప్రస్తుతం శంకర్ దర్శకత్వంలో చరణ్ ఆర్సీ 15 ప్రాజెక్ట్ చేస్తున్న సంగతి తెలిసిందే. ఈ పాన్ ఇండియా ఫిల్మ్‌లో ఉపేంద్ర కూడా నటిస్తున్నాడనేది లేటెస్ట్ టాక్.
పొలిటికల్ బ్యాక్ డ్రాప్‌లో తెరకెక్కుతున్న ఈ సినిమాలో.. ఓ విప్లవ నాయకుడి పాత్ర ఉందట. అది రామ్ చరణ్ గురువు పాత్ర అని తెలుస్తోంది. సినిమా సెకండ్ హాఫ్‌లో వచ్చే ఈ స్పెషల్ రోల్ సినిమాకే హైలైట్ నిలవనుందట. అందుకే శంకర్.. ఉపేంద్రను తీసుకునే ఆలోచనలో ఉన్నట్లు తెలుస్తోంది. త్వరలోనే ఈ విషయంలో క్లారిటీ రానుందని అంటున్నారు. ఇకపోతే.. ఈ సినిమాలో రామ్ చరణ్ లుక్ కెరీర్ బెస్ట్ కానుందని అంటున్నారు. ఇప్పటికే లీక్ అయిన ఫోటోలు ఆ విషయం చెప్పకనే చెబుతున్నాయి. తండ్రి, కొడుకులుగా డ్యూయెల్ రోల్ చేస్తున్నాడు రామ్ చరణ్. తండ్రి క్యారెక్టర్లో సీఎంగా కనిపించబోతున్నాడట. ఇటీవలె పొలిటికల్ సీన్స్‌ను రాజమండ్రి పరిసర ప్రాంతాల్లో తెరకెక్కించాడు. ఇక.. ఈ సినిమాలో కియారా అద్వాని హీరోయిన్‌గా నటిస్తుండగా.. అంజలి మరో హీరోయిన్‌గా నటిస్తోంది.. శ్రీకాంత్, సునీల్ కీలక పాత్రలో నటిస్తున్నారు.
