• hittv facebook
  • hittv youtube
  • hittv twitter
  • hittv instagram
Sowrya consultancy
  • Home
  • »ఫిలిం అప్‌డేట్

ముగిసిన శ్యామ్‌ బెనెగల్‌ అంత్యక్రియలు

ప్రముఖ సినీ డైరెక్టర్ శ్యామ్ బెనెగల్ అంత్యక్రియలు ముగిశాయి. ముంబైలోని శివాజీ పార్క్ ఎలక్ట్రిక్ క్రిమటేరియంలో రాష్ట్ర ప్రభుత్వ లాంఛనాలతో బెనెగల్ అంత్యక్రియలు నిర్వహించారు. బెనెగల్ కుటుంబసభ్యులు, బంధుమిత్రలు, అభిమానులు భారీ సంఖ్యలో అంత్యక్రియలకు హాజరయ్యారు. కాగా, శ్యామ్ బెనెగల్ అనారోగ్యంతో నిన్న మరణించిన విషయం తెలిసిందే.

December 24, 2024 / 06:40 PM IST

విశ్వక్ సేన్ ‘లైలా’ నుంచి నయా UPDATE

టాలీవుడ్ హీరో విశ్వక్ సేన్ ప్రధాన పాత్రలో రామ్ నారాయణ్ తెరకెక్కిస్తున్న మూవీ ‘లైలా’. ఈ సినిమాలో విశ్వక్ లేడీ గెటప్‌లో కనిపించనున్నాడు. తాజాగా ఈ మూవీ నుంచి నయా అప్‌డేట్ వచ్చింది. రేపు ఉదయం 11.07 గంటలకు సోను మోడల్ ఫస్ట్ లుక్‌ను రిలీజ్ చేస్తున్నట్లు మేకర్స్ తెలిపారు. ఆకాంక్ష శర్మ హీరోయిన్‌గా నటిస్తున్న ఈ మూవీ 2025 ఫిబ్రవరి 14న విడుదలవుతుంది.

December 24, 2024 / 04:32 PM IST

నయనతార నిర్మాతగా విజయ్ మూవీ?

తమిళ హీరో విజయ్ సేతుపతి ప్రధాన పాత్రలో హరి దర్శకత్వంలో ఓ సినిమా రాబోతున్నట్లు సమాచారం. ఇప్పటికే వీరి మధ్య చర్చలు జరిగినట్లు, విజయ్ ఈ సినిమాకు ఓకే చెప్పినట్లు వార్తలు వినిపిస్తున్నాయి. ఇక ఈ సినిమాను స్టార్ హీరోయిన్ నయనతార తన సొంత బ్యానర్ రౌడీ పిక్చర్స్‌పై నిర్మించనున్నట్లు తెలుస్తోంది. కాగా, దీనిపై అధికారిక ప్రకటన రావాల్సి ఉంది.

December 24, 2024 / 04:07 PM IST

తగ్గేదే లే.. ‘పుష్ప 2’ సరికొత్త రికార్డు

ఐకాన్ స్టార్ అల్లు అర్జున్ హీరోగా సుకుమార్ తెరకెక్కించిన ‘పుష్ప 2’ మూవీ కలెక్షన్ల సునామీ సృష్టిస్తోంది. తాజాగా ఈ సినిమా హిందీలో రూ.704.25 కోట్ల నెట్ కలెక్షన్స్ రాబట్టింది. దీంతో బాలీవుడ్ సినీ చరిత్రలో ఈ ఘనత సాధించిన తొలి మూవీగా రికార్డు సృష్టించింది. ఈ మేరకు మేకర్స్ పోస్టర్ షేర్ చేశారు. కాగా, ఈ మూవీ ప్రపంచవ్యాప్తంగా రూ.1700 కోట్లకుపైగా వసూళ్లు సాధించింది.

December 24, 2024 / 03:54 PM IST

BREAKING: బన్నీ విచారణలో కీలక విషయాలు

TG: హీరో అల్లు అర్జున్ మూడున్నర గంటల విచారణలో కీలక విషయాలు బయటకొచ్చాయి. పోలీసులు బన్నీకి రిమాండ్ రిపోర్టును చూపించారు. ఈ కేసులో 18 మందిని నిందితులుగా చేర్చారు. మైత్రి మూవీస్ ప్రొడ్యూసర్లు A12 నుంచి A15 వరకు ఉన్నారు. వారి తీరు వల్లే తొక్కిసలాట, రేవతి మరణించిందని పోలీసులు తెలిపారు. అయితే, విచారణ అనంతరం బన్నీ భారీ బందోబస్తు మధ్య జూబ్లీహిల్స్‌లోని ఇంటికి వెళ్లారు.

December 24, 2024 / 03:45 PM IST

అల్లు అర్జున్ బౌన్సర్ ఆంటోని అరెస్ట్

TG: సంధ్య థియేటర్ తొక్కిసలాట ఘటనలో ప్రధాన నిందితుడైన బౌన్సర్ ఆంటోనిని చిక్కడపల్లి పోలీసులు నిన్న అరెస్టు చేశారు. సినిమా ఈవెంట్‌లు ఎక్కడ జరిగినా ఆంటోని బౌన్సర్లకు ఆర్గనైజర్‌గా పనిచేస్తుంటాడు. సంధ్య థియేటర్ తొక్కిసలాట సమయంలో కూడా ఆంటోని బన్నీకి సెక్యూరిటీగా ఉన్నాడు. కాసేపట్లో ఆంటోనిని సోలీసులు సంధ్య థియేటర్‌కు తీసుకెళ్లనున్నట్లు సమాచారం.

December 24, 2024 / 03:22 PM IST

యువరాజ్ సింగ్ బయోపిక్.. ఆ హీరోపై చర్చ

టీమిండియా మాజీ క్రికెటర్ యువరాజ్ సింగ్‌ బయోపిక్ తెరకెక్కనుంది. ఈ మూవీని భూషణ్ కుమార్, రవి భాగచంద్కా నిర్మించనున్నారు. ఈ బయోపిక్‌లో బాలీవుడ్ నటుడు సిద్ధాంత్ చతుర్వేది నటించనున్నట్లు ప్రచారం జరుగుతోంది. ఇటీవల సిద్ధాంత్.. యువరాజ్ సింగ్ బయోపిక్‌లో నటించడం కల అంటూ పోస్ట్ పెట్టాడు. దీంతో ఆయన ఈ మూవీలో నటిస్తున్నాడని నెటిజన్లు చర్చించుకుంటున్నారు.

December 24, 2024 / 03:12 PM IST

విచారణలో నోరు మెదపని అల్లు అర్జున్!

TG: సంధ్య థియేటర్ వద్ద తొక్కిసలాటలో రేవతి చనిపోయిన విషయం మీకు తెలుసు కదా? అని అల్లు అర్జున్‌ను పోలీసులు ప్రశ్నించగా నోరు మెదపలేదు. తనకు తెలియదని మీడియాకు ఎందుకు చెప్పారని ప్రశ్నించగా.. సైలెంట్‌గానే ఉన్నారు. అంతకుముందు విచారణ అధికారులు తొక్కిసలాట జరిగిన 10ని. వీడియోను బన్నీకి చూపించారు. రాత్రి 9:30 నుంచి థియేటర్ బయటకు వెళ్లే వరకు ఏం జరిగిందని ప్రశ్నించారు.

December 24, 2024 / 02:03 PM IST

BREAKING: ముగిసిన అల్లు అర్జున్ విచారణ

TG: చిక్కడపల్లి పోలీస్ స్టేషన్‌లో రెండున్నర గంటలపాటు అల్లు అర్జున్‌ను విచారించారు. విచారణలో బన్నీ స్టేట్‌మెంట్ రికార్డు చేశారు. లాయర్ అశోక్ రెడ్డి సమక్షంలో DCP ఆకాంక్ష్ విచారించారు. కాసేపట్లో పీఎస్ నుంచి అల్లు అర్జున్ బయటకు రానున్నారు. అల్లు అర్జున్ వాహనాలతోపాటు పోలీసుల వాహనాలు సిద్ధం చేస్తున్నారు. భారీ భద్రతతో బన్నీని ఇంటికి తీసుకెళ్లనున్నట్లు సమాచారం.

December 24, 2024 / 01:42 PM IST

బౌన్సర్లపై ప్రశ్నలకు బన్నీ సమాధానం ఇదే!

TG: సంధ్య థియేటర్ తొక్కిసలాట ఘటనపై అల్లు అర్జున్‌ను విచారిస్తున్న విషయం తెలిసిందే. అయితే, బౌన్సర్ల గురించి ప్రశ్నించిన సందర్భంగా బన్నీ తడబడినట్లు తెలుస్తోంది. బౌన్సర్ల నియామకంపై, బౌన్సర్ల తీరుపై ఏం అడిగినా అల్లు అర్జున్ ‘తెలియదు.. గుర్తులేదు.. మర్చిపోయాను’ అనే రీతిలో స్పందించినట్లు సమాచారం. కాగా, 2 రోజుల క్రితం అల్లు అర్జున్ బౌన్సర్ ఆంటోనీని అరెస్టు చేశారు.

December 24, 2024 / 01:33 PM IST

‘ఓయ్’ రీ రిలీజ్ డేట్‌ ఫిక్స్

తమిళ హీరో సిద్ధార్థ్, నటి షాలిని జంటగా నటించిన ‘ఓయ్’ సినిమా 2009లో రిలీజై పరాజయం పొందింది. తాజాగా ఈ సినిమా రీ రిలీజ్‌కు సిద్ధమైంది. 2025 జనవరి 1న మరోసారి ప్రేక్షకుల ముందుకు రాబోతుంది. ఈ మేరకు మేకర్ పోస్టర్ షేర్ చేశారు. ఇక ఆనంద్ రంగా దర్శకత్వం వహించిన ఈ సినిమాను DVV ఎంటర్‌టైన్‌మెంట్స్ నిర్మించింది.

December 24, 2024 / 01:09 PM IST

సంధ్య థియేటర్ ఘటన.. సీన్ రీ కన్‌స్ట్రక్షన్?

TG: సంధ్య థియేటర్ తొక్కిసలాట ఘటనలో సీన్ రీ కన్‌స్ట్రక్షన్ చేయనున్నట్లు తెలుస్తోంది. విచారణ తర్వాత అల్లు అర్జున్‌ను సంధ్య థియేటర్‌కు తీసుకెళ్లే ఛాన్స్ ఉంది. దీంతో థియేటర్ వద్ద పోలీసులు భారీగా మోహరించారు. కాగా, అల్లు అర్జున్‌ను చిక్కడపల్లి పీఎస్‌లో గంటన్నరగా డీసీపీ ఆకాంక్ష్, ఆయన బృందం విచారిస్తున్న విషయం తెలిసిందే.

December 24, 2024 / 01:02 PM IST

ఎంతో గౌరవంగా ఉందంటూ రష్మిక పోస్ట్

అల్లు అర్జున్, రష్మికా మందన్న జంటగా నటించిన ‘పుష్ప 2’ చిత్రం భారీ విజయం సాధించింది. ఈ నేపథ్యంలో ఈ మూవీ చిత్రబృందాన్ని ప్రముఖ నిర్మాణ సంస్థ యష్ రాజ్ ఫిల్మ్స్ అభినందించింది. తాజాగా ఈ సంస్థకు రష్మిక థ్యాంక్స్ చెప్పింది. ఎంతో గౌరవంగా ఉందంటూ పోస్ట్ పెట్టింది. ప్రస్తుతం ఈ ట్వీట్ వైరల్ అవుతోంది. ఇక సుకుమార్ తెరకెక్కించిన ఈ సినిమా పలు రికార్డులను సొంతం చేసుకుంది.

December 24, 2024 / 12:50 PM IST

కొనసాగుతున్న అల్లు అర్జున్ విచారణ

TG: చిక్కడపల్లి పోలీస్ స్టేషన్‌లో అల్లు అర్జున్ విచారణ కొనసాగుతోంది. సంధ్య థియేటర్ తొక్కిసలాట కేసులో బన్నీని పోలీసులు ప్రశ్నిస్తున్నారు. ఏసీపీ రమేశ్, ఇన్‌స్పెక్టర్ రాజునాయక్ సమక్షంలో సెంట్రల్ జోన్ డీసీపీ ఆకాంక్ష్ యాదవ్ విచారణ చేస్తున్నారు. అల్లు అర్జున్ తన న్యాయవాదులతో కలిసి విచారణకు హాజరయ్యారు. కాగా, పీఎస్ పరిసరాల్లో భారీ బందోబస్తు ఏర్పాటు చేశారు.

December 24, 2024 / 12:45 PM IST

‘అన్‌స్టాపబుల్‌’కు వెంకటేష్.. స్ట్రీమింగ్ డేట్ ఫిక్స్

నందమూరి బాలకృష్ణ హోస్ట్‌గా వ్యహరిస్తున్న టాక్‌ షో ‘అన్‌స్టాపబుల్‌-4’కు ఇప్పటికే పలువురు సెలబ్రిటీలు వచ్చారు. తాజాగా ఈ షోకు స్టార్ హీరో వెంకటేష్ ముఖ్య అతిథిగా హాజరయ్యారు. ఈ ఎపిసోడ్‌ ఈ నెల 27న రాత్రి 7 గంటలకు ఆహాలో టెలికాస్ట్ కానుంది. ఇక ‘సంక్రాంతికి వస్తున్నాం’ సినిమా ప్రమోషన్స్‌‌లో భాగంగా వెంకీతో పాటు అనిల్ రావిపూడి ఈ షోకు వచ్చారు.

December 24, 2024 / 12:36 PM IST