తన కుమారుడు, TVK అధ్యక్షుడు విజయ్ నటించిన ‘జన నాయగన్’ వివాదంపై ఎస్.ఏ. చంద్రశేఖర్ స్పందించారు. సెన్సార్ జాప్యం, లీక్ వంటి అడ్డంకులు తాము ఊహించినవేనని, సినిమా సాఫీగా విడుదలైతేనే ఆశ్చర్యపోయేవాళ్లమని పేర్కొన్నారు. విజయ్ రాజకీయాల్లోకి రావడంతోనే ప్రత్యర్థులు కావాలనే లీక్ చేశారని ఆరోపించారు. కుటుంబం కంటే ప్రజలకే విజయ్ ప్రాధాన్యత ఇస్తారని ఆయన స్పష్టం చేశారు.
‘KGF 3’ గురించి కన్నడ స్టార్ యష్ కీలక వ్యాఖ్యలు చేశాడు. ‘ప్రస్తుతం నా దృష్టంతా టాక్సిక్, రామాయణ చిత్రాలపైనే ఉంది. అందుకే ఇప్పుడు మరో ప్రాజెక్ట్ గురించి ఆలోచించడం లేదు. అయితే, దర్శకుడు ప్రశాంత్ నీల్, నేను ఎప్పుడూ టచ్లోనే ఉంటాం. కథ గురించి చర్చిస్తూనే ఉంటాం. సరైన కథ కుదిరిన వెంటనే ఖచ్చితంగా KGF 3 ఉంటుంది’ అని చెప్పడంతో అభిమానులు ఫుల్ ఖుషీ అవుతున్నారు.
ఐకాన్ స్టార్ అల్లు అర్జున్ వ్యక్తిగత హక్కుల పరిరక్షణలో భాగంగా ఢిల్లీ హైకోర్టు కీలక తీర్పునిచ్చింది. ఆయన అనుమతి లేకుండా పేరు, ఫొటోలు, గొంతు, హావభావాలను AI, డీప్ఫేక్ ద్వారా వాణిజ్య ప్రయోజనాలకు వాడకూడదని స్పష్టం చేసింది. సెలబ్రిటీల వ్యక్తిత్వ హక్కులకు భంగం కలిగిస్తే కఠిన చర్యలు తప్పవని హెచ్చరిస్తూ, ఆయన ప్రత్యేక గుర్తింపును కాపాడేలా ఆదేశాలు జారీ చేసింది.
‘రాజా శివాజీ’ ట్రైలర్ లాంచ్ వేడుకలో జెనీలియా తన ఫ్యామిలీ సీక్రెట్స్ను షేర్ చేసుకుంది. తమ పిల్లల కోసం రితేష్ దేశ్ముఖ్ ఒక ప్రత్యేకమైన రూల్ పెట్టారని తెలిపింది. పిల్లల కోసం రితేష్ ప్రతి వారం ఒక ఐకానిక్ హిందీ సినిమా చూసే నిబంధన పెట్టారని, అయితే పిల్లల కంటే ఆయనే సినిమాలో లీనమైపోతారని సరదాగా చెప్పింది. ప్రస్తుతం ఈ కామెంట్స్ నెట్టింట వైరల్ అవుతున్నాయి.
ప్రదీప్ రంగనాథన్, దర్శకుడు విఘ్నేష్ శివన్ కాంబోలో తెరకెక్కిన మూవీ ‘లవ్ ఇన్సూరెన్స్ కంపెనీ’ (LIK). ఏప్రిల్ 10న రిలీజైన ఈ సినిమా పర్వాలేదనిపించింది. తాజాగా ఈ సినిమా OTTలోకి వచ్చేందుకు సిద్ధమైంది. ప్రముఖ OTT సంస్థ అమెజాన్ ప్రైమ్లో మే 15 నుంచి స్ట్రీమింగ్ కానున్నట్లు టాక్. తమిళంతో పాటు తెలుగు, కన్నడ, మలయాళం భాషల్లో అందుబాటులో ఉండే అవకాశం ఉంది.
తరుణ్ భాస్కర్ దర్శకత్వంలో వచ్చిన ‘ఈ నగరానికి ఏమైంది’కి సీక్వెల్గా ‘ENE రిపీట్’ తెరకెక్కుతోంది. ప్రస్తుతం ఈ సినిమా షూటింగ్ థాయ్లాండ్లో శరవేగంగా జరుగుతోంది. అక్కడే సినిమాలోని దాదాపు 50శాతం కీలక సన్నివేశాలను షూట్ చేయనున్నారట. ఇక 2026 అక్టోబర్ లేదా చివరిలో ఈ మూవీని రిలీజ్ చేయనున్నట్లు టాక్.
ఎ.కె జంపన్న దర్శకత్వంలో వరుణ్ సందేశ్, కాశికా కపూర్ ప్రధాన పాత్రల్లో నటిస్తున్న ‘కాస్ట్’. ఈ సినిమాలో నాగబాబు కీలక పాత్ర పోషిస్తున్నారు. తాజాగా ఈ మూవీ నుంచి ఆయన ఫస్ట్ లుక్ పోస్టర్ను మేకర్స్ రిలీజ్ చేశారు. ఇందులో నాగబాబు ‘రంగరాజన్’ అనే పవర్ఫుల్ పాత్రలో కనిపించనున్నట్లు తెలిపారు. నాగబాబు నటన ఈ సినిమాకు ప్రధాన ఆకర్షణగా నిలవనున్నట్లు వెల్లడించారు.
తనపై జరుగుతున్న తప్పుడు ప్రచారానికి నటి సాయి పల్లవి క్లారిటీ ఇచ్చింది. నాలుగేళ్ల క్రితం ఒక ఇంటర్వ్యూలో తాను తమిళ అమ్మాయినని చెప్పగా, దానిని వక్రీకరించి మలయాళీలపై తనకు కోపం ఉందని తప్పుడు వార్తలు సృష్టించారని ఆవేదన వ్యక్తం చేసింది. తాను కోయంబత్తూరులో పుట్టానని, మాతృభాషపై మమకారమే తప్ప ఇతర భాషలను తక్కువ చేసే ఉద్దేశం తనకు లేదని స్పష్టం చేయడంతో ఈ వివాదానికి తెరపడింది.
అక్కినేని నాగార్జున 100వ చిత్రం ‘కింగ్ 100’ షూటింగ్ ప్రస్తుతం మనాలిలోని మంచు కొండల్లో శరవేగంగా జరుగుతోంది. ఈ సినిమాలో హీరోయిన్ విషయంలో ఇన్నాళ్లూ ఉన్న సస్పెన్స్కు తెరపడింది. ఈ చిత్ర దర్శకుడు రా.కార్తీక్తో కలిసి మనాలి లొకేషన్లలో ఉన్న ఫొటోలను ఐశ్వర్య రాజేష్ ఇన్స్టాగ్రామ్లో షేర్ చేయడంతో, ఆమె ఈ మూవీలో హీరోయిన్గా నటిస్తున్నట్లు స్పష్టమైంది.
తమిళ సూపర్ స్టార్ రజినీకాంత్, దర్శకుడు నెల్సన్ దిలీప్ కుమార్ కాంబోలో రాబోతున్న మూవీ ‘జైలర్ 2’. తాజాగా ఈ సినిమా షూటింగ్ పూర్తయినట్లు మేకర్స్ వెల్లడించారు. ఈ సందర్భంగా సెట్స్లో కేక్ కట్ చేసిన ఫొటోలను సోషల్ మీడియాలో షేర్ చేశారు. ఇక ఈ సినిమాకు అనిరుధ్ మ్యూజిక్ అందిస్తున్నాడు.
నందమూరి బాలకృష్ణ ప్రధాన పాత్రలో గోపీచంద్ మలినేని దర్శకత్వంలో ‘NBK 111’ చిత్రం రాబోతుంది.ఈ సినిమాలో మెయిన్ హీరోయిన్గా నయనతార నటిస్తుండగా, తాజాగా ఆమె ఈ ప్రాజెక్టు నుంచి తప్పుకున్నట్లు వార్తలు వినిపిస్తున్నాయి. నయనతార స్థానంలోకి కాజల్ అగర్వాల్ రాబోతున్నట్లు టాక్ వినిపిస్తోంది. మరి ఇందులో ఎంతవరకు నిజం ఉందో తెలియాల్సి ఉంది.
టాలీవుడ్ సెన్సిబుల్ డైరెక్టర్ ఏ. కరుణాకరన్ దాదాపు 8ఏళ్ల విరామం తర్వాత మళ్లీ మెగాఫోన్ పట్టనున్నాడు. ‘తొలిప్రేమ’, ‘డార్లింగ్’ వంటి క్లాసిక్ లవ్ స్టోరీల తర్వాత, ఆయన తన తదుపరి చిత్రాన్ని యువ హీరో బెల్లంకొండ గణేష్తో ప్రకటించాడు. ఈ చిత్రం కరుణాకరన్ మార్క్ సాఫ్ట్ ఎమోషన్స్, క్యూట్ లవ్ స్టోరీతో కూడిన న్యూ ఏజ్ రొమాంటిక్ కామెడీగా ఉండనుంది.
దక్షిణ కొరియా అధ్యక్షుడు లీ జే-మ్యూంగ్ గౌరవార్థం జరిగిన విందులో ఎంపీ శశి థరూర్ పాల్గొన్నారు. అక్కడ ఆయన నటి ప్రియాంక మోహన్, కే-పాప్ స్టార్ ఆరోరాలను కలిసి ముచ్చటించారు. వారితో దిగిన ఫొటోలను షేర్ చేస్తూ.. ‘మేడ్ ఇన్ కొరియా స్టార్ ప్రియాంకను కలవడం సంతోషం’ అని థరూర్ ట్వీట్ చేశారు. దీనికి స్పందిస్తూ ప్రియాంక ఆయనకు ధన్యవాదాలు తెలిపింది.
సూర్య ‘కరుప్పు’ మూవీపై మ్యూజిక్ డైరెక్టర్ సాయి అభ్యంకర్ ఆసక్తికర వ్యాఖ్యలు చేశాడు. ఈ భారీ ప్రాజెక్టులో భాగమవ్వడం తనకు ఊహించని అవకాశమని, ఇదొక పెద్ద సర్ప్రైజ్ అని అన్నాడు. ఈ మూవీకి సంబంధించిన BGM పనులు ఇప్పటికే 70 శాతం పూర్తయ్యాయని, త్వరలోనే గ్రాండ్గా ఆడియో లాంచ్ ఈవెంట్ను నిర్వహించనున్నట్లు వెల్లడించాడు.
మెగాస్టార్ చిరంజీవి, అనిల్ రావిపూడి కాంబోలో వచ్చిన ‘మన శంకర వరప్రసాద్గారు’ బాక్సాఫీస్ వద్ద రికార్డులు సృష్టించింది. సంక్రాంతి హిట్ అయిన ఈ మూవీ అద్భుతమైన వసూళ్లు రాబట్టింది. తాజాగా APలోని కడప జిల్లాలో ఉన్న యర్రగుంట్ల, మైదుకూరు సెంటర్లలో 100 రోజులు పూర్తి చేసుకుని రేర్ ఫీట్ సాధించింది. నేటి కాలంలో వంద రోజుల రన్ అంటే మెగాస్టార్ రేంజ్ ఏంటో మరోసారి ప్రూవ్ అయ్యింది.
