‘డెకాయిట్’ సినిమా భారీ విజయంతో హీరో అడివి శేష్ క్రేజ్ అమాంతం పెరిగిపోయింది. ఈ సక్సెస్ జోష్లో ఆయన తన రెమ్యూనరేషన్ను భారీగా పెంచేసినట్లు తెలుస్తోంది. ఇకపై ఒక్కో సినిమాకు రూ.20-25 కోట్ల వరకు డిమాండ్ చేస్తున్నట్లు సమాచారం. ముఖ్యంగా దర్శకుడు సాయి మార్తాండ్తో చేయనున్న సినిమా కోసం శేష్ సుమారు రూ. 25 కోట్లు అడిగినట్లు టాక్.
గ్లోబల్ స్టార్ రామ్ చరణ్, సుకుమార్ కాంబోలో మరో మూవీకి రంగం సిద్ధమైంది. ‘రంగస్థలం’ వంటి ఇండస్ట్రీ హిట్ తర్వాత వీరిద్దరూ కలుస్తుండటంతో అంచనాలు ఆకాశాన్ని తాకుతున్నాయి. అయితే ఈ ప్రాజెక్టు కోసం చరణ్ ఒక ఏడాది పాటు డేట్స్ కేటాయించినట్లు సమాచారం. సుకుమార్ తన స్టైల్కు తగ్గట్టుగా థ్రిల్లింగ్ ఎలిమెంట్స్తో పాటు ఎమోషనల్ డ్రామాను మిక్స్ చేయబోతున్నారట.
కోలీవుడ్ హీరో శివకార్తికేయన్ తన ఉదారత చాటుకున్నాడు. నటుడు ప్రేమ్ కుమార్ తన కుమారుడి విదేశీ చదువుల కోసం ఆర్థిక ఇబ్బందుల్లో ఉన్నప్పుడు, శివకార్తికేయన్ సాయం చేశాడు. ఆయన స్వయంగా పూచీకత్తుగా నిలిచి బ్యాంకు ద్వారా రూ. 50 లక్షల రుణం ఇప్పించాడని ప్రేమ్ తెలిపాడు. దీంతో నెదర్లాండ్స్లో తన కుమారుడు చదువు పూర్తి చేసి, ప్రస్తుతం నెలకు రూ. 4-5 లక్షలు సంపాదిస్తున్నాడని చెప్పాడు.
ప్రదీప్ రంగనాథన్, దర్శకుడు విఘ్నేష్ శివన్ కాంబోలో తెరకెక్కిన మూవీ ‘లవ్ ఇన్సూరెన్స్ కంపెనీ’ (LIK). ఏప్రిల్ 10న రిలీజైన ఈ సినిమా పర్వాలేదనిపించింది. తాజాగా ఈ సినిమా OTTపై నయా న్యూస్ వచ్చింది. ప్రముఖ OTT సంస్థ అమెజాన్ ప్రైమ్లో ఏప్రిల్ 30 లేదా మే 8న స్ట్రీమింగ్ కానున్నట్లు టాక్. కాగా, దీనిపై క్లారిటీ రావాల్సి ఉంది. ఇక ఈ మూవీలో కృతి శెట్టి హీరోయిన్గా నటించింది.
గ్లోబల్ స్టార్ రామ్ చరణ్ ‘ఎస్క్వైర్ ఇండియా’ కవర్ పేజీపై మెరిసిన విషయం తెలిసిందే. ఈ సందర్భంగా ఆయన తన అయ్యప్ప దీక్ష గురించి ఆసక్తికర విషయాలు పంచుకున్నాడు. చిరంజీవి సూచనతో 17 ఏళ్ల నుండే ఈ దీక్ష ప్రారంభించానని, ఇది తనలో క్రమశిక్షణను పెంచిందని తెలిపాడు. అనవసర విషయాలకు దూరంగా ఉంటూ, ఆలోచనలను నియంత్రించుకోవడానికి, మానసిక ప్రశాంతత పొందడానికి ఈ దీక్ష ఎంతో తోడ్పడుతుందని అన్నాడు.
కన్నడ స్టార్ యష్ హీరోగా గీతూ మోహన్ దాస్ దర్శకత్వంలో తెరకెక్కుతున్న చిత్రం ‘టాక్సిక్’. ఈ సినిమా విడుదలపై వస్తున్న వార్తలకు మేకర్స్ ముగింపు పలికారు. ఈ సినిమా మళ్లీ వాయిదా పడుతుందనే ప్రచారంలో నిజం లేదని, ముందుగా నిర్ణయించినట్లుగానే జూన్ 4న ప్రపంచవ్యాప్తంగా విడుదలవుతుందని స్పష్టం చేశారు. ఈ యాక్షన్ థ్రిల్లర్లో కియారా అద్వానీ, నయనతార వంటి స్టార్ హీరోయిన్లు నటిస్తున్నారు.
స్టార్ మా: డాకు మహారాజ్(9AM); జీతెలుగు: సరిపోదా శనివారం(9AM), కూలీ నెం.1(4:30PM); ఈటీవీ: ప్రేమలో పావని కళ్యాణ్(9AM); జెమిని: ఆది(9AM),ISM(3:30PM) ; స్టార్మా మూవీస్: అందమైన జీవితం(7AM), బుజ్జిగాడు(9AM), కొత్తలోక (12PM), ఓ బేబీ(3PM), అత్తారింటికి దారేది (6PM), సు ఫ్రమ్ సో(9:30PM); జీ సినిమాలు: బ్రదర్స్(7AM), కందిరీగ(9AM), సీతమ్మ వాకిట్లో సిరిమల్లె చెట్టు(12PM).
విజయ్ ‘జన నాయగన్’ మూవీ సీన్స్ లీక్కు కారణం ఎడిటర్ ప్రదీప్ ఇ. రాఘవ్ అంటూ జరుగుతున్న ప్రచారాన్ని ఎడిటర్స్ యూనియన్ ఖండించింది. ఈ ఘటనతో ఆయనకు ఎలాంటి సంబంధం లేదని స్పష్టం చేసింది. ‘గ్రాఫిక్స్, సౌండ్ మిక్సింగ్ను మరింత మెరుగు పరిచేందుకు దర్శకుడు, నిర్మాతల అనుమతితోనే సినిమా కాపీని జనవరిలోనే ఓ స్టూడియోకి ప్రదీప్ పంపారని పేర్కొంది.
మెగా హీరో వరుణ్ తేజ్ ఓ తమిళ బ్యానర్లో కొత్త సినిమా చేస్తున్నట్లు టాక్ వినిపిస్తోంది. తెలుగు, తమిళ భాషల్లో రూపొందబోయే చిత్రంలో నటించనున్నట్లు తెలుస్తోంది. ప్రస్తుతం ఈ సినిమాకు సంబంధించిన చర్చలు కొనసాగుతున్నట్లు సమాచారం. అన్ని ఓకే అయితే త్వరలోనే ఈ సినిమాను తెరకెక్కించనున్నారు. కాగా, ప్రస్తుతం వరుణ్.. కొరియన్ కనకరాజు సినిమా
ప్రముఖ హీరోయిన్ త్రిష ఇంటికి బాంబు బెదిరింపు మెయిల్ వచ్చింది. చెన్నైలోని తేనాంపేట్ ప్రాంతంలోని త్రిష ఇంటిలో బాంబు పెట్టినట్లు దుండగులు.. పోలీసులకు మెయిల్ పంపించారు. దీంతో వెంటనే అప్రమత్తమైన పోలీసులు ఆమె ఇంట్లో బాంబ్ స్క్వాడ్, డాగ్ స్క్వాడ్తో తనిఖీలు చేపట్టారు. ఎలాంటి పేలుడు పదార్థాలు లేకపోవడంతో అధికారులు ఊపిరి పీల్చుకున్నారు.
యానిమల్ చిత్రంతో స్టార్గా మారిన యువ నటి త్రిప్తి డిమ్రికి అరుదైన అంతర్జాతీయ గౌరవం దక్కింది. ప్రపంచ ఫ్యాషన్ ‘బ్రాండ్ విక్టోరియా సీక్రెట్’ సంస్థ బ్రాండ్ అంబాసిడర్గా ఎంపికైంది. ఫ్యాషన్ ప్రపంచంలోనే ఇది ఒక కీలక మలుపుగా సినీ ప్రియులు భావిస్తున్నారు. ఇంటర్నేషనల్ లెవల్లో మన దేశానికి దక్కిన గొప్ప గౌరవంగా నెటిజన్లు భావిస్తున్నారు.
ఐకాన్ స్టార్ అల్లు అర్జున్, అట్లీ కాంబోలో రాబోతున్న ‘రాకా’ చిత్రంపై ఒక క్రేజీ అప్డేట్ వైరల్ అవుతోంది. ఈ సినిమా కేవలం మాస్ యాక్షన్ మాత్రమే కాకుండా, సైన్స్ ఫిక్షన్, మైథాలజీ కలయికతో ఉండబోతుందట. ముఖ్యంగా ‘తోడేళ్లు’ నేపథ్యంలోని పురాణ రహస్యాలను ఈ కథలో కీలకంగా వాడుతున్నట్లు సమాచారం. బన్నీని ముందెన్నడూ చూడని సరికొత్త గెటప్లో చూడబోతున్నట్లు సినీ వర్గాలు పేర్కొన్నాయి.
పవర్ స్టార్ పవన్ కళ్యాణ్, డైరెక్టర్ వి.వి. వినాయక్ కాంబోలో సినిమా కోసం మెగా అభిమానులు ఎంతగానో ఎదురుచూస్తున్నారు. దీనిపై వినాయక్ స్పందిస్తూ.. పవన్తో సినిమా చేయాలనే బలమైన కోరికతో ఒక కథను సిద్ధం చేసి, కొన్ని రోజులు వర్క్ కూడా చేశానని వెల్లడించాడు. కానీ అనివార్య కారణాలతో ఆ ప్రాజెక్ట్ పట్టాలెక్కలేదని అన్నాడు.
విరాట్ కర్ణ హీరోగా అభిషేక్ నామా దర్శకత్వంలో వస్తున్న చిత్రం ‘నాగబంధం’. ఇప్పటికే ఈ సినిమా నుంచి ఫస్ట్ సింగిల్ విడుదల కాగా.. తాజాగా సెకండ్ సింగిల్పై అప్డేట్ వచ్చింది. ‘సుర సుర’ అంటూ సాగే ఈ పాట ఏప్రిల్ 19న రిలీజ్ కానుంది. ఇక 2026 జూలై 3న విడుదల కానున్న ఈ సినిమాలో నభా నటేష్, ఐశ్వర్యా మేనన్, జగపతి బాబు కీలక పాత్ర పోషిస్తున్నారు.
‘మిస్టర్ ఎక్స్’ సినీ ప్రమోషన్స్లో హీరో ఆర్య చేసిన వ్యాఖ్యలు దుమారం రేపుతున్నాయి. కాశీలోని సాధువులందరూ నిజాయితీపరులు కాదని, కొందరు క్రిమినల్స్ సాధువుల వేషంలో అక్కడ దాక్కుంటారని అన్నాడు. వారికి ఎలాంటి గుర్తింపు పత్రాలు ఉండవని, పోలీసులు కూడా తమ షూటింగ్ సమయంలో ఆయుధాలు కలిగిన నకిలీ సాధువుల పట్ల జాగ్రత్తగా ఉండాలని హెచ్చరించినట్లు వెల్లడించాడు.
