కృష్ణా: తాడిగడప మున్సిపాలిటీ పన్నుల వసూళ్లను వేగవంతంగా నిర్వహించి, రాష్ట్రంలో మొదటి స్థానం సాధించింది. ఈ క్రమంలో పెనమలూరు మండలం పోరంకి టీడీపీ కార్యాలయంలో ఎమ్మెల్యే బోడే ప్రసాద్ మున్సిపల్ సిబ్బందిని శనివారం అభినందించారు. తాడిగడప మున్సిపాలిటీలో నివాసం ఉంటున్న ప్రజలు సకాలంలో ఆస్తి పన్నులు చెల్లించి, మొదటి స్థానంలో నిలిపినందుకు ధన్యవాదాలు తెలిపారు.
ELR: ప్రభుత్వ సేవలపై ప్రజల సంతృప్తి పెంచేందుకు అధికారులు పనితీరు మెరుగుపరచాలని మంత్రి మనోహర్ సూచించారు. ఏలూరు కలెక్టరేట్ సమీక్షలో ప్రతి 15 రోజులకు పురోగతి కనిపించాలని చెప్పారు. విద్యా సంవత్సరం ప్రారంభానికి ముందు వసతి గృహాల్లో మౌలిక సదుపాయాలు కల్పించాలని, ప్రభుత్వ లక్ష్యాలకు అనుగుణంగా పని చేయాలని ఆదేశించారు.
ప్రకాశం: కనిగిరి మండలం హజీస్ పురం గ్రామ సమీపంలో శనివారం రోడ్డు ప్రమాదం జరిగింది. ద్విచక్ర వాహనం ఆటో ఢీకొని ద్విచక్ర వాహనంపై ప్రయాణిస్తున్న పెద్ద చెర్లోపల్లి గ్రామానికి చెందిన నారపురెడ్డి తీవ్రంగా గాయపడ్డాడు. ప్రధమ చికిత్స అనంతరం మెరుగైన వైద్యం కోసం నారపరెడ్డిని విజయవాడకు తరలించారు.
CTR: కాణిపాకం స్వయంభు శ్రీ వరసిద్ధి వినాయక స్వామి వారిని కేంద్ర మానవ హక్కుల కమిషన్ సభ్యురాలు విజయ భారతి సయానీ కుటుంబ సమేతంగా దర్శించుకున్నారు. ఆలయ ఏఈవో రవీంద్రబాబు ఆమెకు స్వాగతం పలికి ప్రత్యేక దర్శన ఏర్పాట్లు చేశారు. అనంతరం స్వామివారి తీర్థప్రసాదాలు అందజేశారు. ఈ కార్యక్రమంలో సూపరింటెండెంట్ కోదండపాణి, టెంపుల్ ఇన్స్పెక్టర్ బాలాజీ పాల్గొన్నారు.
SKLM: పలాస మండలం లొద్దభద్ర గ్రామంలో శనివారం జరిగిన మీ భూమి-మీ హక్కు కార్యక్రమంలో స్థానిక ఎమ్మెల్యే గౌతు శిరీష పాల్గొన్నారు. ఈ సందర్భంగా.. రాజ్యముద్రతో కూడిన పట్టాదారు పాసు పుస్తకాలను రైతులకు ఆమె అందజేశారు. అనంతరం మాట్లాడుతూ.. గత పాలకులు పట్టాదారు పుస్తకాలపై వారి వ్యక్తిగత ఫోటోలను ముద్రించిన విషయాన్ని గుర్తు చేశారు.
VZM: రాష్ట్రంలో భూగర్భ, ఉపరితల జల మట్టాలను పెంచడమే లక్ష్యంగా రాష్ట్ర ప్రభుత్వం “నీటి భద్రత – సాగు నీటి సంఘాల బాధ్యత” అనే పేరుతో 100 రోజుల ప్రత్యేక డ్రైవ్ను చేపడుతోందని కలెక్టర్ రాంసుందర్ రెడ్డి తెలిపారు. ఈ బృహత్తర కార్యక్రమం ఏప్రిల్ 6, 2026 నుంచి జూలై 14, 2026 వరకు రాష్ట్రవ్యాప్తంగా అన్ని జిల్లాల్లో అమలు కానుందన్నారు.
ఏలూరు పట్టణ పరిధిలో ఉన్న వివిధ దుకాణాలలో ఇవాళ పోలీసులు, ఈగల్ టీం సిబ్బంది విస్తృత స్థాయి తనిఖీలు చేపట్టారు. ఆపరేషన్ సేఫ్ క్యాంపస్ జోన్లో భాగంగా ఈ తనిఖీలు చేపట్టినట్లు తెలిపారు. స్కూల్లు, కాలేజీల వద్ద పొగాకు ఉత్పత్తులు పూర్తిగా నిషేధమన్నారు. నిబంధనలను ఉల్లంఘిస్తే చట్టపరమైన చర్యలు తీసుకుంటామని దుకాణదారులకు హెచ్చరించారు.
ATP: కుందుర్పి మండలం ఎన్.వెంకటాంపల్లి ఎస్సీ కాలనీలో తాగునీటి సమస్య నెలకొంది. నీటి సమస్యపై అధికారులకు ఫిర్యాదు చేసినా ఫలితం లేదని గ్రామస్తులు ఆవేదన వ్యక్తం చేశారు. కొందరు కర్ణాటక సరిహద్దు ప్రాంతాలకు వెళ్లి ఫిల్టర్ వాటర్ కొనుగోలు చేస్తున్నారు. ఇప్పటికైనా అధికారులు స్పందించి గ్రామంలో తాగునీటి సమస్య పరిష్కరించాలని కాలనీవాసులు కోరుతున్నారు.
విశాఖలో ఆంధ్రప్రదేశ్ బ్రాహ్మణ వెల్ఫేర్ ట్రస్ట్ ఆవిర్భవించిందని ఛైర్మన్ వడ్డాది ఉదయకుమార్ తెలిపారు. శనివారం సుజాతనగర్ ట్రస్ట్ కార్యలయంలో మాట్లాడుతూ బ్రాహ్మణుల సంక్షేమం, అభివృద్ధి, సామాజిక భద్రత లక్ష్యంగా ట్రస్ట్ పనిచేస్తుందన్నారు. అర్చకులు, పురోహితుల సమస్యల పరిష్కారానికి సహకరిస్తామని చెప్పారు. సభ్యత్వానికి ముందుకు రావాలని పిలుపునిచ్చారు.
KDP: కమలాపురంలో టీటీడీ ఛైర్మన్ బీఆర్ నాయుడుపై వైసీపీ నిరసన తెలిపింది. పార్టీ సమన్వయకర్త నరేన్ రామాంజులరెడ్డి ఆధ్వర్యంలో శనివారం స్థానిక వెంకటేశ్వరస్వామి గుడిలో టెంకాయలు కొట్టి పూజలు నిర్వహించారు. అక్రమ సంబంధాలతో తిరుమల పవిత్రతను దెబ్బతీస్తున్న బీఆర్ నాయుడును ప్రభుత్వం తక్షణమే బర్తరఫ్ చేయాలని నరేన్ డిమాండ్ చేశారు.
VZM: మాజీ డిప్యూటీ స్పీకర్ కోలగట్ల వీరభద్రస్వామి సోదరుడు తమ్మన్నశెట్టి గత కొద్దిరోజుల క్రితం స్వర్గస్తులైన విషయం తెలిసిందే. ఈ సందర్భంగా బొబ్బిలి ఎమ్మెల్యే ఆర్.వీ.ఎస్.కే.కే. రంగారావు (బేబీ నాయన) శనివారం విజయనగరంలోని వారి స్వగృహమందు కోలగట్ల సోదరులను పరామర్శించారు. వారి కుటుంబ సభ్యులకు తమ ప్రగాఢ సానుభూతి తెలిపారు.
GNTR: వట్టిచెరుకూరు ప్రాథమిక ఆరోగ్య కేంద్రంను జేసీ తనిఖీ చేశారు. వైద్యం నిమిత్తం వచ్చిన ప్రజలతో మాట్లాడారు. ఆసుపత్రిలో అందుతున్న వైద్య సేవలు పట్ల ఆరా తీశారు. ఆసుపత్రి పరిసరాలను పరిశీలించి సిబ్బంది పనితీరును, శుభ్రత, మంచినీరు, మరుగుదొడ్లు వసతులను క్షుణ్ణంగా పరిశీలించారు. అత్యవసర మందులు అందుబాటు ఏ మేరకు ఉన్నాయో తనిఖీ చేశారు.
ప్రకాశం: టంగుటూరు మండలం తూర్పునాయుడుపాలెంలోని తన క్యాంపు కార్యాలయంలో మంత్రి డోల బాల వీరాంజనేయ స్వామి శనివారం వివిధ గ్రామాల నుంచి వచ్చిన ప్రజల నుంచి ఫిర్యాదులను స్వీకరించారు. వారి సమస్యలను స్వయంగా అడిగి తెలుసుకున్న మంత్రి, అర్హులైన ప్రతి ఒక్కరికీ న్యాయం చేస్తామని హామీ ఇచ్చారు. సమస్యలను సత్వరమే పరిష్కరించాలని అధికారులకు సూచించారు.
KRNL: గ్రామ అభివృద్ధి కోసం ఇంటి, కుళాయి, వాణిజ్య పన్నులను సకాలంలో చెల్లించాలని దేవనకొండ గ్రామ కార్యదర్శి రాముడు యాదవ్ ఇవాళ కోరారు. ఉన్నతాధికారుల ఆదేశాల మేరకు ప్రత్యేక డ్రైవ్ చేపట్టినట్లు తెలిపారు. గ్రామంలో మౌలిక సదుపాయాల మెరుగుదలకు పన్నుల వసూలు కీలకమని ఆయన పేర్కొన్నారు. ప్రజలు ఆలస్యం చేయకుండా బకాయిలు వెంటనే చెల్లించి గ్రామ పురోగతికి సహకరించాలని విజ్ఞప్తి చేశారు.
PLD: వినుకొండ పట్టణంలో మున్సిపల్ కార్యాలయంలో 2026-27 ఆర్థిక సంవత్సరానికి సంబంధించిన బడ్జెట్ కేటాయింపులపై నియోజకవర్గస్థాయి సమీక్ష సమావేశం శనివారం నిర్వహించడం జరిగింది. ఈ కార్యక్రమాన్ని ఎమ్మెల్యే జీవీ ఆంజనేయులు ఆదేశాల మేరకు నిర్వహిస్తున్నట్లుగా జీడీసీసీ బ్యాంకు ఛైర్మన్ మల్లికార్జునరావు తెలియజేశారు. ఈ కార్యక్రమంలో పలు అంశాలపై అధికారులతో చర్చించారు.
