ప్రముఖ నటుడు, నిర్మాత బండ్ల గణేష్ గురించి ప్రత్యేకంగా చెప్పాల్సిన పనిలేదు. నిత్యం ఈ నిర్మాత ఏదోక విషయంలో వార్తల్లో హైలెట్ అవుతూనే ఉంటాడు. పవర్ స్టార్ పవన్ కళ్యాణ్‌ను అమితంగా ఆరాధించేవారిలో బండ్ల గణేష్ ముందుంటాడు. ప్రస్తుతం ఆయన ట్విట్టర్ వేదికగా పలు ట్వీట్లూ చేస్తూ ఉన్నాడు. ఆయన చేసే ట్వీట్స్‌లో కొన్ని వివాదాస్పదం అవుతుంటాయి. పవర్ స్టార్‌తో తీన్‌మార్, గబ్బర్ సింగ్ వంటి సినిమాలను బండ్ల గణేష్ తెరకెక్కించాడు. 2015లో ఎన్టీఆర్‌తో టెంపర్‌ సినిమా చేసిన తర్వాత ఇంకో సినిమాను ఆయన ప్రొడ్యూస్ చేయలేదు. ఈ మధ్యనే ఆయన డేగల బాబ్జీ సినిమాలో హీరోగా చేశారు.
Boss is next CM No film brother 👦 https://t.co/mRdy0QHsBX
— BANDLA GANESH. (@ganeshbandla) February 4, 2023
తాజాగా బండ్ల గణేష్ పవన్ కళ్యాణ్ గురించి ఆసక్తికర ట్వీట్ చేశాడు. ట్విట్టర్ ద్వారా నెటిజన్లతో ముచ్చటించిన ఆయనను ఒక అభిమాని ‘గణేశ్‌ అన్నా.. పవన్ కల్యాణ్‌ గారితో ఒక మూవీ చేయాలి..ఎప్పుడు చేస్తారని అడిగాడు. పవన్ సినిమా కోసం పీఎస్‌పీకే ఫ్యాన్స్‌ వెయిటింగ్‌ ఇక్కడ’ అని బండ్ల గణేష్‌ను ప్రశ్నించాడు. దీనికి బండ్ల గణేష్ స్పందించాడు. బాస్‌ కాబోయే సీఎం అని, ఇక సినిమాలు లేవని రిప్లై ఇచ్చాడు. ప్రస్తుతం బండ్ల గణేష్ చేసిన ట్వీట్ సోషల్‌ మీడియాలో వైరల్‌ అవుతోంది.
