Sam Altman: కృత్రిమ మేథ సంస్థ ఓపెన్ఏఐ శామ్ ఆల్ట్మన్ తన బాయ్ఫ్రెండ్ ఆలివర్ మల్హెరిన్ను వివాహం చేసుకున్నారు. ఆస్ట్రేలియాకు చెందిన మల్హెరిన్ సాఫ్ట్వేర్ ఇంజినీర్గా పనిచేస్తున్నారు. ఆయన మెల్బోర్న్ విశ్వవిద్యాలయం నుంచి పట్టా పొందారు. 2020 ఆగస్టు నుంచి 2022 వరకు మెటాలో పనిచేశారు. ఆల్ట్మెన్, మల్హెరిన్ వాళ్ల బంధం గురించి కూడా ఎప్పుడూ బయట మాట్లాడలేదు. 2023 సెప్టెంబర్లో న్యూయార్క్లో ఓసారి ఇద్దరు శాన్ఫ్రాన్సిస్కోలోని ఒకే ఇంట్లో ఉంటున్నామని ఆల్ట్మన్ తొలిసారి వెల్లడించారు. హవాయ్ నగరంలోని సముద్రపు ఒడ్డున కొంతమంది సన్నిహితుల మధ్య వీళ్లు ఒక్కటైనట్లు తెలుస్తోంది.
గతేడాది భారత ప్రధానమంత్రి నరేంద్ర మోదీకి అమెరికా అధ్యక్షుడు బైడెన్ శ్వేతసౌధంలో ఏర్పాటు చేసిన విందుకు ఆల్ట్మన్ మొదటిసారి మల్హెరిన్తో కలిసి వచ్చారు. అయితే ఆల్ట్మెన్ ఇటీవల ఏఐ చాట్బాట్ చాట్జీపీటీ సృష్టికర్త ఓపెన్ఏఐ సంస్థ సీఈఓగా ప్రపంచం దృష్టిని ఆకర్షించాడు. హై స్కూల్లో ఉన్న సమయంలోనే తాను గే అని ఆల్ట్మన్ తెలిపాడు. తొమ్మిదేళ్ల పాటు లూప్ట్ సంస్థ సహవ్యవస్థాపకుడు నిక్ సీవోతో డేటింగ్ చేసి 2012లో విడిపోయాడు.