Revanth Reddy's campaign in Jawahar Nagar road show.. Free schemes if Congress wins
Revanth Reddy: తెలంగాణలో అసెంబ్లీ(Telangana Assembly Elections) ఎన్నికల హీట్ పెరిగింది. ఓటర్లను ఆకట్టుకునే హామీలు అన్ని పార్టీలు ఇస్తున్నాయి. కాంగ్రెస్(Congress) అధికారంలోకి వస్తే పేదింటి ఆడబిడ్డల పెళ్లికి రూ. 1 లక్ష నగదుతో పాటు తులం బంగారం(Gold) కూడా ఇస్తామని టీపీసీసీ అధ్యక్షుడు రేవంత్ రెడ్డి(Revanth Reddy) పేర్కొన్నారు. ఈ రోజు మెడ్చల్ జిల్లా జవహర్ నగర్ పరిధిలో రోడ్డు షో నిర్వహించిన క్రమంలో పేర్కొన్నాడు. డంపింగ్ యార్డ్ తరలించేందుకు కోర్టుకు వెళ్లి నోటీసులు తీసుకువచ్చినా ప్రభుత్వాలు తరలించలేదన్నారు.
కేసీఆర్(KCR) మెడ్చల్ జిల్లాను పట్టించుకోలేదని, తీసుకోస్తానని హామీ ఇచ్చిన ఐటీ పార్క్ ఎక్కడా అని రేవంత్ ప్రశ్నించారు. కేసీఆర్, మల్లారెడ్డి ఇద్దరు కలిసి భూములను కబ్జా పెట్టారు తప్ప, అభివృద్ధి చేయలేదని ఆరోపించారు. నేడు రాష్ట్రంలో పెదలు బతికే పరిస్థితి లేదని తెలిపారు. మహాలక్ష్మీ పథకం కింద ప్రతీ మహిళకు నెలకు రూ.2500 అందిస్తామని, వంటగ్యాసు కేవలం రూ.500లకు ఇస్తామని పేర్కొన్నారు. అలాగే ఆర్టీసీ బస్సుల్లో మహిళలకు ఉచిత ప్రయాణం, రూ.4 వేల ఆసరా ఫించన్లు ఇస్తామని తెలిపారు. పేదలకు ఇందిరమ్మ ఇళ్లు, 24 గంటల ఉచిత కరెంటు, విద్యార్థి భరోసా పథకం కింద రూ.5 లక్షలను ప్రతి విద్యార్థికీ అందిస్తామని వెల్లడించారు. కాంగ్రెస్ అధికారంలోకి రాగానే సంవత్సరంలోపే 2 లక్షల ఉద్యోగాలను భర్తీ చేస్తామని రేవంత్ రెడ్డి స్పష్టం చేశారు.
LIVE : " కాంగ్రెస్ విజయభేరి యాత్ర " జవహర్ నగర్ బహిరంగ సభ || రేవంత్ రెడ్డి
https://t.co/8PWNnz78tu— Revanth Reddy (@revanth_anumula) November 16, 2023
