Ravi Teja's 'Eagle' Teaser Released!
Ravi Teja: రీసెంట్‌గా పాన్ ఇండియా ఎంట్రీ ఇస్తూ.. దసరా బరిలో టైగర్ నాగేశ్వరరావుగా అలరించిన మాస్ మహా రాజా.. 2024 సంక్రాంతికి ఈగల్‌గా ఎటాక్ చేయనున్నాడు. 2023 సంక్రాంతికి వాల్తేరు వీరయ్య సినిమాతో వంద కోట్లు కొట్టిన రవితేజ.. వచ్చే సంక్రాంతికి ఈగల్‌తో హిట్ కొట్టాలని చూస్తున్నాడు. సంక్రాంతి రేసులో మహేష్ బాబు లాంటి స్టార్ హీరోల సినిమాలు రిలీజ్ అవుతున్నాయి. దీంతో ఈగల్ రిలీజ్ ఉంటుందా? ఉండదా? అనే డౌట్ ఉండేది. జనవరి 13న ఈగల్ ఎటాక్ ఉంటుందని.. పోస్ట్‌పోన్ అయ్యే ఛాన్సే లేదని తాజాగా టీజర్ రిలీజ్ చేశారు మేకర్స్. ఇక టీజర్ సినిమా పై అంచనాలను పెంచేసేలా ఉంది.
చదవండి: AI Fake video : రష్మిక డీప్ ఫేక్ వీడియో వైరల్.. అమితాబ్ ఆగ్రహం
టీజర్‌ను పవర్ ఫుల్ డైలాగ్స్‌తో అదిరిపోయేలా కట్ చేశారు. కొండ‌లో లావాను కింద‌కు పిల‌వ‌కు.. ఊరు ఉండ‌దు.. నీ ఉనికి ఉండ‌దు.. అనే డైలాగ్‌తో మొదలైన టీజర్ చాలా ఇంట్రెస్టింగ్‌గా ఉంది. రవితేజ క్యారెక్టర్ గురించి చెబుతూ.. అడ‌విలో ఉంటాడు.. నీడై తిరుగుతుంటాడు.. క‌నిపించ‌డు.. కానీ వ్యాపించి ఉంటాడు.. అంటూ శ్రీనివాస్ అవ‌స‌రాల ఇచ్చిన ఎలివేషన్ అదిరిపోయింది. అలాగే.. ఇది విధ్వంసం మాత్ర‌మే, త‌ర్వాత చూడ‌బోయేది విశ్వ‌రూపం.. అంటూ న‌వ‌దీప్ ఇచ్చిన ఎలివేషన్ కూడా హైప్ ఇచ్చింది.
టీజర్ ఎండింగ్‌లో ఊరమాస్‌గా లుంగీలో కనిపించాడు మాస్ మహారాజా. మొత్తంగా ఈగల్ టీజర్ చూస్తే.. రవితేజకు హిట్ గ్యారెంటీ అనేలా కనిపిస్తోంది. స్పై యాక్ష‌న్ థ్రిల్ల‌ర్‌గా ఈ మూవీ తెరకెక్కుతోంది. సినిమాటోగ్రాఫ‌ర్ కార్తిక్ ఘ‌ట్ట‌మ‌నేని ద‌ర్శ‌క‌త్వం వ‌హిస్తున్నాడు. రవితేజ సరసన అనుప‌మ ప‌ర‌మేశ్వ‌ర‌న్‌, కావ్య థాప‌ర్ హీరోయిన్లుగా న‌టిస్తున్నారు. ధ‌మాకాతో రవితేజకు బిగ్గెస్ట్ బ్లాక్‌బ‌స్ట‌ర్ ఇచ్చిన పీపుల్ మీడియా ఫ్యాక్ట‌రీ సంస్థ.. ఈగల్ సినిమాను నిర్మిస్తోంది. మరి ఈగల్ ఎలా ఉంటుందో చూడాలి.
