అల్లు అర్జున్, సుకుమార్ కాంబినేషన్లో వచ్చిన పుష్ప పార్ట్ వన్ బిగ్గెస్ట్ హిట్‌గా నిలిచింది. దాంతో పుష్ప 2 పై భారీ అంచనాలు ఏర్పడ్డాయి. అందుకు తగ్గట్టే.. పుష్ప 2ని భారీగా ప్లాన్ చేస్తున్నాడు సుకుమార్. అయితే ఇప్పటి వరకు షూటింగ్ అప్డేట్ మాత్రం ఇవ్వడం లేదు. కానీ త్వరలోనే పుష్ప2 టీజర్‌తో సర్ప్రైజ్ చేయబోతున్నట్టు తెలుస్తోంది. టీజర్‌తోనే పుష్ప 2ని పీక్స్‌కు తీసుకెళ్లాలని చూస్తున్నారట. దాంతో ప్రస్తుతం పుష్ప2 టీజర్ లోడింగ్ అంటున్నాయి ఇండస్ట్రీ వర్గాలు. అందుకోసం భారీగా ఖర్చు చేస్తున్నట్టు తెలుస్తోంది. టీజర్ కోసమే ప్రత్యేకంగా షూటింగ్ చేశారట. అందుకోసం మూవీ మేకర్స్ దాదాపు 3 కోట్ల వరకు ఖర్చు చేసినట్లు సమాచారం. ఈ నేపథ్యంలో టీజర్‌లోని ఓ డైలాగ్ కూడా సోషల్ మీడియాలో హల్ చల్ చేస్తోంది. ముందు నుంచి ‘పుష్ప 2’లో బన్నీ పులితో ఫైట్ చేయబోతున్నాడని ప్రచారం జరుగుతోంది. ఈ క్రమంలో ఓ పవర్ ఫుల్ డైలాగ్ బయటకొచ్చిందని అంటున్నారు. ‘అడవిలో జంతువులు నాలుగు అడుగులు వేశాయంటే.. పులి వచ్చిందని అర్థం. అదే పులి నాలుగు అడుగులు వెనక్కి వేసిందంటే.. పుష్ప రాజ్ వచ్చాడని అర్థం..’ అనే డైలాగ్ బ్యాగ్రౌండ్లో వినిపిస్తుందని తెలుస్తోంది. ఇక ఈ టీజర్‌ను ముందుగా అవతార్ 2 సినిమాతో పాటుగా రిలీజ్ చేయబోతున్నారని వినిపించింది. అయితే ఇప్పుడు ‘పుష్ప’ ఫస్ట్ యానవర్సరీ సందర్భంగా.. డిసెంబర్ 17న రిలీజ్ చేయబోతున్నట్లు టాక్. మొత్తంగా టీజర్ కోసం పెట్టిన ఖర్చు.. ఆ డైలాగ్ చూస్తుంటే.. పుష్ప2 నెక్ట్స్ లెవల్లో ఉంటుందనడంలో ఎలాంటి సందేహం లేదు.
