పాన్ ఇండియా స్టార్ ప్రభాస్, పవర్ స్టార్ పవన్ కళ్యాణ్ కలిసి నటిస్తారా.. ఛాన్సే లేదు. కానీ ఈ ఇద్దరి కాంబోలో ఓ బిగ్గెస్ట్ మల్టీ స్టారర్ కావాలంటున్నారు అభిమానులు. ప్రస్తుతం ఈ న్యూస్ సోషల్ మీడియాలో వైరల్‌గా మారింది. తాజాగా ప్రభాస్‌తో సాహో వంటి యాక్షన్ ఎంటర్టైనర్ తెరకెక్కించిన యంగ్ డైరెక్టర్ సుజీత్‌తో.. ఓ సినిమా అనౌన్స్ చేశారు పవన్. ఈ ప్రాజెక్ట్ కోసం చాలా కాలం వెయిట్ చేశాడు సుజీత్. అయితే లేట్ అయినా గానీ.. పవర్ స్టార్‌తో చాన్స్‌ అందుకోవడంతో.. సుజీత్‌పై ప్రశంసలు కురిపిస్తున్నారు పలువురు సినీ ప్రముఖులు. ఈ క్రమంలో ప్రభాస్.. తన ఇన్స్టాగ్రామ్ స్టేటస్‌లో పవన్ కళ్యాణ్‌కి కంగ్రాట్స్ చెబుతూ.. ఈ కాంబినేషన్ ఓ బ్యాంగ్‌లా ఉంటుందని రాసుకొచ్చాడు. అలాగే నిర్మాత దానయ్యతో పాటు చిత్ర యూనిట్‌ అందరికీ ఆల్ ది బెస్ట్ చెప్పాడు. దీంతో పవన్, ప్రభాస్ ఫ్యాన్స్ ఫుల్ ఖుషీ అవుతున్నారు. ఈ ఇద్దరి మధ్య స్నేహా బంధం ఇలానే కొనసాగాలంటూ కామెంట్స్ చేస్తున్నారు. అలాగే.. పవన్,ప్రభాస్ కలిసి ఒక మల్టీస్టారర్ సినిమా చేయాలని.. ఒకవేళ చేస్తే మాత్రం.. అది పాన్ ఇండియా కాదు పాన్ వరల్డ్ ప్రాజెక్ట్ అవుతుందని అంటున్నారు. అయితే ఫ్యాన్స్ కోరికలు గట్టిగానే ఉన్నా.. ప్రభాస్, పవన్ కాంబో ఇంపాజిబుల్ అని చెప్పొచ్చు. ఇక సుజీత్-పవన్ ప్రాజెక్ట్ పై మెగా పవర్ స్టార్ రామ్ చరణ్ చేసిన కామెంట్స్ నెట్టింట్లో వైరల్‌గా మారింది. ‘వాటే కాంబినేషన్ పవన్ కళ్యాణ్ గారు, సుజిత్.. ఫస్ట్ లుక్ సూపర్ అంటూ సోషల్ మీడియాలో పోస్ట్ చేశారు. అలాగే డివివి మూవీస్‌కి ఆల్ ది బెస్ట్ చెప్పారు. మొత్తంగా పవన్ కొత్త సినిమా భారీ హైప్ క్రియేట్ చేస్తోందని చెప్పొచ్చు.
