Arikepudi Gandhi: Shock for BRS... MLA Arikepudi joins Congress
Arikepudi Gandhi: ఈ మధ్య బీఆర్‌ఎస్ ఎమ్మెల్యేలు కాంగ్రెస్ పార్టీలోకి చేరుతున్నారు. బీఆర్‌ఎస్ పార్టీకి మళ్లీ షాక్ తగిలింది. తాజాగా శేరిలింగంపల్లి ఎమ్మెల్యే అరికెపూడి గాంధీ కాంగ్రెస్ పార్టీలోకి చేరారు. జూబ్లీహిల్స్‌లోని తన నివాసంలో సీఎం రేవంత్ రెడ్డి కండువా కప్పి పార్టీలోకి ఆహ్వానించారు. అరికెపూడి గాంధీతో పాటు పలువురు కార్పొరేటర్లు కాంగ్రెస్‌లో చేరారు. గాంధీతో పాటు శేరిలింగంపల్లి కార్పొరేటర్‌ నాగేందర్‌ యాదవ్‌, మియాపూర్‌ కార్పొరేటర్‌ ఉప్పలపాటి శ్రీకాంత్, చందానగర్‌ కార్పొరేటర్‌ మంజుల రఘునాథ్‌రెడ్డి, హైదర్‌నగర్‌ కార్పొరేటర్‌ నార్నె శ్రీనివాస్‌ కూడా చేరారు.
ఇది కూడా చూడండి: Akshay Kumar: అక్షయ్ కుమార్‌కి బ్యాడ్ టైమ్ నడుస్తుందా?
ఇప్పటివరకు కాంగ్రెస్ పార్టీలో చేరిన బీఆర్‌ఎస్ ఎమ్మెల్యేల సంఖ్య 9కి చేరింది. ఇప్పటికే రాజేంద్రనగర్‌ ఎమ్మెల్యే ప్రకాశ్‌గౌడ్‌, గద్వాల ఎమ్మెల్యే బండ్ల కృష్ణమోహన్‌రెడ్డి, బాన్సువాడ ఎమ్మెల్యే పోచారం శ్రీనివాస్‌రెడ్డి, చేవెళ్ల ఎమ్మెల్యే కాలె యాదయ్య, ఖైరతాబాద్‌ శాసనసభ్యుడు దానం నాగేందర్‌, భద్రాచలం శాసనసభ్యుడు తెల్లం వెంకట్రావు, స్టేషన్‌ ఘన్‌పూర్‌ ఎమ్మెల్యే కడియం శ్రీహరి, జగిత్యాల ఎమ్మెల్యే సంజయ్‌కుమార్‌ కాంగ్రెస్‌లో చేరారు.
ఇది కూడా చూడండి: puri : పూరీ రత్న భాండాగారంలో కింగ్‌ కోబ్రాలు? భయపడుతున్న అధికారులు
