Chandrababu Naidu nomination : ఏపీలో నామినేషన్ల ప్రకియ ప్రారంభమైన సంగతి తెలిసిందే. ఈ నేపథ్యంలో టీడీపీ అధినేత నారా చంద్రబాబు నాయుడు( Nara Chandrababu Naidu) తరఫున ఆయన సతీమణి నారా భువనేశ్వరి నామినేషన్ వేయడానికి ర్యాలీగా బయలుదేరారు. భారీ ఊరేగింపుతో కుప్పంలో హడావిడి నెలకొంది. ఈ మధ్యాహ్నం రిటర్నింగ్‌ అధికారికి భువనేశ్వరి నామినేషన్ పత్రాలు ఇస్తారు.
చదవండి : ‘హ్యాపీడేస్‌’ ఇప్పుడు చూసినా ఫ్రెష్‌గా అనిపించిందన్న శేఖర్‌ కమ్ముల
తొలుత కుప్పంలో(Kuppam) నామినేషన్ వేసేందుకు బయలుదేరిన ఆమె ముందు స్థానిక ప్రసన్న వరద రాజ స్వామి ఆలయంలో పూజలు చేశారు. అక్కడ నామినేషన్ పత్రాలను ఉంచి ప్రసాదం, ఆశీర్వాదం పొందారు. తర్వాత లక్ష్మీపురంలోని మసీదు ఆవరణకు చేరుకున్నారు. అక్కడ నామినేషన్ పత్రాలను ఉంచి ముస్లిం సోదరులతో కలిసి ప్రార్థనలు నిర్వహించారు. ఆ తర్వాత బాబూ నగర్‌లోని చర్చిలో ప్రార్థనలు నిర్వహించారు. అనంతరం కుప్పం చెరువు కట్ట మీదుగా ర్యాలీగా తరలి వెళ్లారు.
చదవండి : నెయ్య తింటే కొలస్ట్రాల్‌ పెరుగుతుందా?
టీడీపీ అధినేత నారా చంద్రబాబు నాయుడు కుప్పం నియోజకవర్గం నుంచే ఎప్పటి నుంచో పోటీ చేస్తూ వస్తున్నారు. ఈ సారి నామినేషన్ దాఖలు చేస్తే ఇది ఎనిమిదో సారి పోటీ చేయడం అవుతుంది. అయితే ఇప్పటి వరకు ఎప్పుడూ చంద్రబాబే స్వయంగా నామినేషన్ వేస్తూ వచ్చారు. ఈ సారి మాత్రం మొదటి సారి నారా భువనేశ్వరి( Nara Bhuvaneswari) ఆయన తరఫున నామినేషన్ వేస్తున్నారు.
