MLC Kavitha: ఢిల్లీ మద్యం కేసులో అరెస్టయిన బీఆర్ఎస్ ఎమ్మెల్సీ కవిత సుప్రీంకోర్టులో పిటిషన్ దాఖలు చేశారు. సుప్రీంకోర్టులో విచారణ జరుగుతుండగానే తనను అరెస్టు చేశారని, దర్యాప్తు సంస్థ కోర్టుకు ధిక్కరణకు పాల్పడిందని ఎమ్మెల్సీ కవిత సుప్రీంకోర్టులో పిటిషన్ దాఖలు చేశారు. దర్యాప్తు సంస్థపై తగిన చర్యలు తీసుకోవాలని విజ్ఞప్తి చేశారు. విచారణ సందర్భంగా సమన్లు జారీ చేయబోమని కోర్టుకు చెప్పి అక్రమంగా తనను అరెస్టు చేశారని అందులో పేర్కొన్నారు. కవిత తరపు న్యాయవాది మోహిత్ రావు ఈరోజు ఆన్‌లైన్‌లో పిటిషన్ వేశారు.
ఇది కూడా చూడండి: Bhupesh Baghel: బెట్టింగ్ యాప్ కుంభకోణం.. మాజీ సీఎంపై కేసు!
విచారణలో భాగంగా మొదటిరోజు ఈడీ ఆమెను డిల్లీ ఈడీ కార్యాలయంలో విచారించారు. అధికారులు అడిగిన ప్రశ్నలకు ఆమె సమాధానం ఇచ్చినట్లు సమాచారం. విచారణ అనంతరం బీఆర్ఎస్ వర్కింగ్‌ ప్రెసిడెంట్‌ కేటీఆర్‌, మాజీ మంత్రి తన్నీరు హరీశ్‌రావు, ఆమె భర్త అనిల్‌, న్యాయవాది మోహిత్‌రావు కవితను కలిశారు. అధికారులు అడిగిన ప్రశ్నలకు తాను సమాధానం చెప్తూనే తనపై మోపిన అభియోగాలన్నీ అభియోగాలుగానే మిగిలిపోతాయని, అప్పుడే తాను బయటికొస్తానని ఆమె వారితో పేర్కొన్నట్టు సమాచారం. కాగా, సోమవారం ఎమ్మెల్సీ కవిత సమీప బంధువులు, ఆమె వ్యక్తిగత సిబ్బంది కొందరు ఆమెను కలిసే అవకాశం ఉన్నది.
ఇది కూడా చూడండి: Mangli : మంగ్లీ కారుకు యాక్సిడెంట్‌.. తప్పిన ప్రమాదం
