టాలీవుడ్ సింగర్ శ్రీ రామ చంద్ర హైదరాబాద్‌లో ట్రాఫిక్ గురించి అసహనం వ్యక్తం చేశారు. రాజకీయ నేతల కోసం ఫ్లై ఓవర్ బ్లాక్ చేయడం ఏంటీ అని ట్వీట్ చేశారు. ఆయన శంషాబాద్ ఎయిర్ పోర్టుకు వెళ్లాల్సి ఉంది. ఓ రాజకీయ నేత కోసం పీవీ నరసింహారావు ఫ్లై ఓవర్ బ్లాక్ చేశారని తెలిపారు. జనం ఫ్లై ఓవర్ కింద నుంచి వెళ్లాల్సి వచ్చిందట. దీంతో అక్కడ ట్రాఫిక్ జామ్ అయ్యింది. వెహికిల్స్ రద్దీతో ప్రయాణం అరగంట ఆలస్యమైంది.
ఎయిర్ పోర్టుకు శ్రీరామ చంద్ర ఆలస్యంగా చేరుకున్నారు. అతని గోవా ఫ్లైట్ మిస్సయ్యింది. మరో 14 మంది కూడా ఉన్నారు. గోవా వెళ్లేందుకు వేరే ప్లైట్‌లో వెళ్లి చేరడం అంటే కష్టమైన పని అన్నారు. రాజకీయ నేతల కోసం సామాన్యులను ఇబ్బంది పెట్టొద్దని సీఎం కేసీఆర్, మంత్రి కేటీఆర్‌ను శ్రీరామ చంద్ర రిక్వెస్ట్ చేశారు.
15 Memebers Including me missed our Flight to Goa 12.45pm today from Hyd, Reason the PV.Narsimharao Airport flyover was manually closed for General Public as there was a Ploitician Travelling to the Airport,Sir @KTR_News @KTRBRS Garu @KTRoffice Garu @TSwithKCR Garu,#inconvenience pic.twitter.com/qlabYTdi80
— Sreerama Chandra (@Sreeram_singer) January 30, 2023
శ్రీ రామచంద్ర ట్వీట్ ట్రోల్ అవుతుంది. నెటిజన్లు ఆయనకు అండగా నిలుస్తున్నారు. రామ్ ట్వీట్ విషయంలో రెండుగా విడిపోయారు. చాలా మంది ముందే వెళ్లొచ్చుగా అని కామెంట్ చేశారు. రామ్ చెప్పింది కరెక్టే కదా అని కొందరు అంటున్నారు. మీరు తొందరగా ఎయిర్ పోర్టు వెళ్లాల్సి ఉండే.. అంతే తప్ప రాజకీయ నేతలు ప్రశ్నించడం ఎందుకని ఒకరు రాశారు. మరొకరు ఏపీ సీఎం జగన్ కోసం ప్లై ఓవర్ మూసివేశారని.. ఏపీలో జనాలను ఇబ్బంది పెట్టింది చాలదా అని అడిగారు.
