OneplusWatch 2: స్మార్ట్ ఫోన్ దిగ్గజం వన్‌ప్లస్ సరికొత్త స్మార్ట్ వాచ్‌ను పరిచయం చేసింది. 100 గంటల బ్యాటరీ లైఫ్‌తో వన్‌ప్లస్ వాచ్ 2ను అందుబాటులోకి తీసుకొచ్చింది. ఇది భారత్‌లో మార్చి 4 నుంచి అమెజాన్‌లో విక్రయానికి అందుబాటులోకి రానుంది. దీని ధర రూ.24,999. అయితే డిస్కౌంట్లు, బ్యాంకు ఆఫర్లతో కలిపి మీకు రూ.22,999కే లభించనుంది. ఈ స్మార్ట్ వాచ్ బ్లాక్ స్టీల్, రేడియంట్ స్టీల్ రెండు రంగుల్లో ఉంటుంది. దీని డయల్ పరిమాణం 46 మిల్లీమీటర్లు. ఈ వాచ్‌లు కేవలం ఆండ్రాయిడ్ ఫోన్లతో మాత్రమే అనుసంధానం చేయవచ్చు. ఐఫోన్, ఆండ్రాయిడ్ గో-పవర్డ్ స్మార్ట్‌ఫోన్లతో ఈ వాచ్‌ను ఉపయోగించలేం.
ఇది కూడా చూడండి: Ponnam prabhakar: బండి సంజయ్‌పై ఆగ్రహం వ్యక్తం చేసిన మంత్రి పొన్నం
వేర్‌ఓఎస్‌ కోసం స్నాప్‌డ్రాగన్‌ డబ్ల్యూ5, ఆర్‌టీఓఎస్‌ కోసం బీఈఎస్‌2700 ప్రాసెసర్లను వినియోగించింది. దీంతో స్మార్ట్ మోడ్‌లో 100 గంటలు, ఆర్‌టీఓఎస్‌ మోడ్‌లో 48 గంటల వరకు బ్యాటరీలైఫ్‌ ఉంటుంది. పవర్‌ సేవర్‌ మోడ్‌లో 12 రోజుల వరకు ఛార్జింగ్‌ ఉంటుంది. వన్‌ప్లస్ వాచ్ 2లో ఫాస్ట్‌ ఛార్జింగ్‌ సపోర్ట్‌ ఉంది. 10 నిమిషాలు ఛార్జ్‌ చేస్తే 24 గంటలకు సరిపడా బ్యాటరీ లైఫ్‌ లభిస్తుంది. పూర్తిగా ఛార్జ్‌ కావడానికి 60 నిమిషాలు సరిపోతుంది. 466x466p రిజల్యూషన్‌తో కూడిన 1.43 అంగుళాల సర్క్యులర్‌ తెరను అమర్చారు. దీనికి సఫైర్‌ క్రిస్టల్‌ గ్లాస్‌ ప్రొటెక్షన్‌, స్టెయిన్‌లెస్‌ స్టీల్ చాసిస్‌ను ఇచ్చారు. 100కి పైగా వాచ్ ఫేస్‌లు అందుబాటులో ఉన్నాయి. గూగుల్‌ ప్లేస్టోర్‌ నుంచి థర్డ్‌ పార్టీ ఫేస్‌లను కూడా డౌన్‌లోడ్‌ చేసుకోవచ్చు. 100 స్పోర్ట్‌ మోడ్‌లు ఉన్నాయి.
ఇది కూడా చూడండి: RGV tweet: వ్యూహం విడుదలకు లైన్ క్లియర్
