పుష్ప మూవీలో బన్నీ యాస, భాష అదరహో అనేలా ఉంటుంది. ముఖ్యంగా బన్నీ మాస్ మేకోవర్ చూసి ఔరా అనుకున్నారు. ఇక బన్నీ పర్ఫార్మెన్స్ చూసి ఫిదా అయ్యారు. అందుకు తగ్గట్టే పాన్ ఇండియా రేంజ్‌లో ఈ మూవీ బాక్సాఫీస్‌ దగ్గర దుమ్ముదులిపేసింది. దాంతో డబుల్ బడ్జెట్‌తో పుష్ప సెకండ్ పార్ట్‌ను తెరకెక్కిస్తున్నాడు సుకుమార్.
ఇటీవలె వైజాగ్‌లో ఓ షెడ్యూల్ కంప్లీట్ చేసుకుంది. పోర్ట్ ఏరియాలో ఫైట్, ఇంట్రో సాంగ్ షూట్ చేసినట్టు టాక్. ప్రస్తుతం రామోజీ ఫిలిం సిటీలో భారీ యాక్షన్ సీక్వెన్స్ తెరకెక్కిస్తున్నారు. ఈ నేపథ్యంలో పుష్ప2 గురించి ఓ ఇంట్రెస్టింగ్ న్యూస్ వైరల్‌గా మారింది. పార్ట్‌ వన్‌లో ఎర్ర చందనం లోకల్ స్మగ్లింగ్ చూపించిన సుక్కు.. పార్ట్‌ టులో ఇంటర్నేషనల్ స్థాయిలో చూపించబోతున్నాడు. అందుకే పుష్పరాజ్ రూలింగ్ పలు దేశాల్లో ఉండనుందని అంటున్నారు. ముఖ్యంగా జపాన్‌లో బన్నీ స్మగ్లింగ్ కార్యకలాపాలు ఎక్కువగా ఉంటాయని తెలుస్తోంది. ఈ క్రమంలో బన్నీ జపనీస్ భాషను కూడా నేర్చుకుంటాడట. పలు సన్నివేశాల్లో పుష్పరాజ్ జపనీస్ భాషలో మాట్లాడుతాడట.
అందుకోసం బన్నీ పడే తిప్పలు మామూలుగా ఉండదట. ఇందుకు సంబంధించిన సీక్వెన్స్ చాలా ఫన్నీగా ఉంటాయట. ఈ కామెడీ ట్రాక్ సినిమాలో హైలెట్‌గా నిలుస్తుందని అంటున్నారు. ఇందులో ఎంతవరకు నిజముందో తెలియదు.. గానీ పుష్పరాజ్ ఎంటర్టైనింగ్ మాత్రం అదిరిపోవడం ఖాయమంటున్నారు. ఇకపోతే రష్మిక మందన్న హీరోయిన్‌గా నటిస్తున్న ఈ సినిమాను.. మైత్రీ మూవీ మేకర్స్ నిర్మిస్తుండగా.. దేవిశ్రీ ప్రసాద్ సంగీతం అందిస్తున్నాడు.
