ASF: బెజ్జూర్ మండల పశువైద్యాధికారిగా ఎం.లక్ష్మీనారాయణ పదవీ బాధ్యతలు స్వీకరించారు. గత కొన్ని నెలలుగా ఇక్కడ వైద్యాధికారి పోస్టు ఖాళీగా ఉండటంతో పశువులకు వైద్య సేవలు అందక రైతులు ఇబ్బందులు పడ్డారు. ఈ క్రమంలో జిల్లా పశువైద్యాధికారి ఆదేశాల మేరకు పొరుగుసేవల కింద లక్ష్మీనారాయణను నియమించారు. బాధ్యతలు చేపట్టిన ఆయనకు సిబ్బంది, స్థానికులు శుభాకాంక్షలు తెలిపారు.
