కోనసీమ: కె.గంగవరం మండలంలోని దంగేరు గ్రామ అభివృద్ధికి నాలుగు కోట్ల రూపాయలతో ప్రతిపాదనలు సిద్ధం చేశామని రాష్ట్ర కార్మిక శాఖ మంత్రి వాసంశెట్టి సుభాష్ తెలిపారు. గురువారం దంగేరు జిల్లా పరిషత్ ఉన్నత పాఠశాల ఆవరణలో ప్రజల సమస్యలు నేరుగా తెలుసుకునేందుకు ‘మన గ్రామం- మన సుభాష్’ కార్యక్రమాన్ని నిర్వహించారు. నియోజవర్గంలో మూడు పరిశ్రమలు ఏర్పాటు చేస్తామన్నారు.
KKD: సంక్రాంతి సందర్భంగా కోడిపందాలు జరగకుండా చర్యలు తీసుకోవాలని హైకోర్టు ఆదేశించింది. ఈనేపథ్యంలో కాకినాడ ఆర్డీవో మల్లిబాబు గురువారం కార్యాలయంలో డివిజన్ పరిధిలోని ఎస్సై, తాహశీల్దార్లతో సమావేశం నిర్వహించారు. పంచాయితీ కార్యదర్శులు, మహిళా పోలీసులు, వీఆర్వోలతో బృందాలు ఏర్పాటు చేసి నిఘా పెట్టాలని ఆదేశించారు. పోలీసులు కట్టుదిట్టమైన చర్యలు తీసుకోవాలన్నారు.
AP: ప్రధాని మోదీ రోడ్ షో ఘనంగా జరిగిందని సీఎం చంద్రబాబు అన్నారు. విశాఖ బహిరంగ సభలో మాట్లాడిన బాబు.. రాష్ట్రాభివృద్ధికి ఎప్పుడూ అండగా ఉండే పవన్ కళ్యాణ్‌కు కృతజ్ఞతలు తెలిపారు. మోదీ రాకతో రూ.2.08లక్షల కోట్ల పెట్టుబడులు వచ్చాయన్నారు. నక్కపల్లి, కృష్ణపట్నంలో పెట్టుబడులు పెడుతున్నామన్నారు. విశాఖ చిరకాల వాంఛ రైల్వే జోన్‌ను ప్రారంభించుకున్నామన్నారు.
GDL: ట్రాక్టర్ ట్రాలీ కింద పడి చిన్నారి మృతి చెందిన ఘటన గట్టు మండలంలో చోటు చేసుకుంది. ఎస్ఐ మల్లేష్ వివరాల ప్రకారం..మండలంలోని తుమ్మలపల్లి చెందిన బోయ సంధ్య, హుస్సేన్ కూతురు రిషిక (4) ఇంటి ముందు రోడ్డు పక్కన ఆడుకుంటుండగా అతివేగంగా ట్రాక్టర్ వచ్చి ఎడమ వైపు టైర్ కింద పడి తలకు బలమైన గాయమై అక్కడికక్కడే మృతిచెందింది. కుటుంబ సభ్యుల ఫిర్యాదు మేరకు నేడు కేసు నమోదు చేశామన్నారు.
MBNR: కురుమ యాదవులకు కాంగ్రెస్ ప్రభుత్వం అండగా ఉంటుందని మహబూబ్ నగర్ ఎమ్మెల్యే యెన్నం శ్రీనివాస్ రెడ్డి బుధవారం అన్నారు. జిల్లా కేంద్రంలోని జిల్లా గొర్రెల పెంపకం దారుల సహకార యూనియన్ కార్యాలయంలో సమావేశం నిర్వహించారు. వారు మాట్లాడుతూ.. నియోజకవర్గంలో కురుమ యాదవులకు ఇందిరమ్మ ఇండ్లను కేటాయిస్తామని వెల్లడించారు.
AP: ఎన్డీయే ప్రభుత్వం రావాలని ప్రజలు బలంగా కోరుకున్నారని డిప్యూటీ సీఎం పవన్ కళ్యాణ్ అన్నారు. బలమైన భారత్ కోసం మోదీ కృషి చేస్తున్నారని.. ప్రజల మనసు గెలుచుకున్న నాయకుడు మోదీ అని కొనియాడారు. అభివృద్ధి అంటే ఆంధ్ర అని కొనియాడారు. ప్రజలు తమపై పెట్టుకున్న నమ్మకంతో 2 లక్షల కోట్ల పెట్టుబడులు తీసుకువచ్చామని పేర్కొన్నారు. మోదీ రాకతో 7.5 లక్షల ఉపాధి అవకాశాలు వస్తున్నాయన్నారు.
VZM: ఎస్.కోట అర్బన్ పోలీసు స్టేషన్ పరిధిలో సన్యాసమ్మ గుడి వద్ద ఇటీవల కురిసిన వర్షాలకు రోడ్డు మలుపు వద్ద తుప్పలు ఏపుగా పెరగడంతో వాహనదారులకు అటువైపు వచ్చే వాహనాలు కనబడకపోవడంతో ప్రమాదాలు తరచుగా జరిగేవి. వాహనదారులు ఇబ్బందులు ఎదుర్కొనడంతో అర్బన్ సీఐ వి.నారాయణ మూర్తి ప్రత్యేక చొరవతో సిబ్బంది పర్యవేక్షణలో జెసిబితో తుప్పలను తొలగించారు.
GDL: రోగులకు మెరుగైన వైద్య సేవలు అందించేందుకు అధికారులు సిబ్బంది బాధ్యతతో వ్యవహరించాలని గద్వాల కలెక్టర్ సంతోష్ వైద్య సిబ్బందికి సూచించారు. బుధవారం అయిజ ప్రాథమిక ఆరోగ్య కేంద్రాన్ని ఆకస్మిక తనిఖీ చేశారు. జనరల్ వార్డ్, ఫార్మసీ, ల్యాబ్ తదితర విభాగాలు తనిఖీ చేశారు. ప్రసవాల సంఖ్య పెంచాలని, సీజనల్ వ్యాధుల నియంత్రణకు చర్యలు చేపట్టాలని సూచించారు.
AP: జగన్ పాలనలోనే రాష్ట్రంలో పారిశ్రామిక అభివృద్ధి జరిగిందని.. మాజీ ఎంపీ మార్గాని భరత్ తెలిపారు. గతంలో వైఎస్ జగన్ చొరవతో రాష్ట్రానికి వచ్చిన ప్రాజెక్టులకే ఈరోజు కూటమి ప్రభుత్వం మోదీతో శంకుస్థాపనలు చేయిస్తోందన్నారు. తప్పుడు ప్రచారాలతో ప్రజల్ని ఏమార్చాలని చూస్తున్నారని దుయ్యబట్టారు. విశాఖ స్టీల్ ప్లాంటును ప్రైవేటీకరించబోమని మోదీతో ప్రకటన చేయించాలని సవాల్ చేశారు.
AP: 2047 నాటికి దేశాన్ని అగ్రగామిగా చేసేందుకు ప్రధాని మోదీ ఎంతో కృషి చేస్తున్నారని మంత్రి లోకేశ్ పేర్కొన్నారు. వెంటిలేటర్‌పై ఉన్న రాష్ట్రానికి మోదీ ఆక్సిజన్ అందించారని తెలిపారు. ‘సిటీ ఆఫ్ డెస్టినీకి వచ్చిన ప్రధాని మోదీకి ఘనస్వాగతం. హర్ ఘర్ తిరంగా.. ఎక్కడ చూసినా నమో నినాదాలే. పేదల చిరునవ్వు నమో.. మహిళ ఆశాదీపం నమో’ అని పేర్కొన్నారు.
PPM: జిల్లా అన్ని రంగాల్లో అభివృద్ధి చెందే విధంగా అధికారులు సమన్వయంతో సమష్టి కృషి చేయాలని అరకు ఎంపీ తనూజారాణి పిలుపునిచ్చారు. ఈ మేరకు ఆమె బుధవారం స్థానిక కలక్టరేట్‌లో జిల్లా అభివృద్ధికి చేపడుతున్న చర్యలు, వివిధ శాఖల ప్రగతిపై అధికారులతో జిల్లా అభివృద్ది సమన్వయ, పర్యవేక్షణ కమిటి సమావేశం నిర్వహించారు.
WNP: స్మార్ట్ ఫోన్లు ఉపయోగించే విద్యార్థులు, వారి కుటుంబ సభ్యులు గుర్తు తెలియని వ్యక్తులు పంపించిన లింకులను ఓపెన్ చేయవద్దని ఎస్సై యుగంధర్ రెడ్డి సూచించారు. బుధవారం వెల్టూరు గురుకుల పాఠశాలలో విద్యార్థులకు సైబర్ నేరాలపై అవగాహన కల్పించారు. సైబర్ మోసాలకు గురైతే వెంటనే పోలీసులను సంప్రదించాలన్నారు. శ్రద్ధతో చదువుకొని ఉన్నత శిఖరాలను అధిరోహించాలని ఎస్సై వారికి సూచించారు.
MBNR: రాష్ట్రంలోనే నెంబర్ 1గా మహబూబ్ నగర్ ప్రభుత్వ ఆసుపత్రిని అభివృద్ధి చేస్తామని ఎమ్మెల్యే శ్రీనివాస్ రెడ్డి అన్నారు. బుధవారం ఆస్పత్రి అభివృద్ధి కమిటీ సమావేశం జరిగింది. ఈ సమావేశంలో MBNR ఎంపీ డీకే అరుణతో కలిసి ఎమ్మెల్యే పాల్గొని మాట్లాడారు. రాజకీయాలకు అతీతంగా రెట్టింపు ఉత్సాహంతో అభివృద్ధి చేయాలనే సంకల్పంతో ముందుకెళ్తున్నామన్నారు.
మహబూబ్ నగర్: ఈనెల 11న కొత్తకోట సమీపంలోని కురుమూర్తి జాతరలో జరిగే గిరి ప్రదక్షిణ కార్యక్రమాన్ని భక్తులందరూ విజయవంతం చేయాలని పూజారి శివానంద స్వామి బుధవారం అన్నారు. ఆయన మాట్లాడుతూ.. పేదల తిరుపతిగా పేరుగాంచిన కురుమూర్తి స్వామి ‘గిరి ప్రదర్శన’ కార్యక్రమాల్లో భక్తులందరూ వేలాదిగా పాల్గొని కురుమూర్తిస్వామి కృప పొందాలని కోరారు.
WNP: పట్టణానికి చెందిన BRS నేత, ఉద్యమకారుడు శివనారాయణ నిన్నరాత్రి అడ్డాకులలో జరిగిన రోడ్డు ప్రమాదంలో మృతి చెందారు. విషయం తెలుసుకున్న మాజీమంత్రి నిరంజన్ రెడ్డి బుధవారం క్రిష్టగిరిలోని ఆయన నివాసానికి చేరుకొని శివనారాయణ పార్థివదేహానికి పూలమాలవేసి నివాళులర్పించారు. అనంతరం బాధిత కుటుంబ సభ్యులను నిరంజన్ రెడ్డి పరామర్శించి ఓదార్చారు.
