HNK: ఓ ప్రభుత్వ ఉద్యోగి ఉరేసుకుని ఆత్మహత్య చేసుకున్నాడు. ఈ ఘటన హనుమకొండ జిల్లా ఆత్మకూరు మండలంలో జరిగింది. పోలీసుల వివరాల ప్రకారం మండలంలోని హౌజుజుర్గ్ గ్రామానికి చెందిన కమలాకర్(37)పరకాల డివిజన్లోని మిషన్ భగీరథలో పని చేస్తున్నారు. కాగా,ఇతడికి ఎన్ని సంబంధాలు వచ్చినా పెళ్లి కుదరడం లేదు. ఈ క్రమంలో మనస్తాపానికి గురైన కమలాకర్ ఇంట్లో ఎవరూ లేని సమయంలో ఉరేసుకున్నాడు.
WGL: బీజేపీ వరంగల్ జిల్లా కౌన్సిల్ సభ్యుడిగా దువ్వ నవీన్ నియమితులయ్యారు. ఈమేరకు పార్టీ జిల్లా ఎన్నికల అధికారి వేముల నరేంద్ర రావు గురువారం తెలిపారు. వరంగల్ జిల్లాలో బీజేపీ బలోపేతానికి కృషి చేస్తానని ఈ సందర్భంగా నవీన్ తెలిపారు. ఈ అవకాశాన్ని వమ్ము చేయకుండా కార్యకర్తలను సమన్వయం చేసుకుంటూ పనిచేస్తానన్నారు.
కర్నూలు జిల్లాలోని అన్ని ప్రభుత్వ, ప్రైవేటు పాఠశాలలకు శుక్రవారం నుంచి 19వ తేదీ వరకు సంక్రాంతి సెలవులు ప్రకటించినట్లు డీఈవో శామ్యూల్ పాల్ తెలిపారు. పండుగ అనంతరం పాఠశాలలు 20వ తేదీన పునఃప్రారంభమవుతాయన్నారు. మిషనరీ పాఠశాలలకు సంక్రాంతి సెలవులు ఈ నెల 11 నుంచి 15వ తేదీ వరకు ప్రకటించినట్లు తెలిపారు. ఆయా పాఠశాలల్లో 16వ తేదీన పాఠశాలలు పునఃప్రారంభ మవుతాయన్నారు.
NRML: ధరణి పెండింగ్ దరఖాస్తులను వెంటనే పరిష్కరించాలని జిల్లా కలెక్టర్ అభిలాష అభినవ్ రెవెన్యూ అధికారులను ఆదేశించారు. గురువారం కలెక్టరేట్ సమావేశ మందిరంలో రెవెన్యూ అధికారులతో ఏర్పాటు చేసిన సమావేశంలో వారు మాట్లాడుతూ.. జిల్లాలో 1,665 ధరణి దరఖాస్తులు పెండింగ్‌లో ఉన్నాయని వాటిని త్వరగా పరిష్కరించాలని అన్నారు.
SKLM: మూలపేట పోర్టు నిర్మాణానికి సంబంధించి టెక్కలి నుంచి మూల పేట వరకు అవసరమయ్యే 317 ఎకరాల రోడ్డు మార్గంలో వంశధార కాలువ సాగునీరు వెళ్తున్న క్రాసింగ్‌ ప్రాంతాల్లో గురువారం వంశధార, పోర్ట్ అధికారులు పరిశీలించారు. రైతులకు సాగునీరు ఇబ్బందులు లేకుండా వెళ్లే మార్గాలపై ఆయన సంబంధిత ఇంజనీరింగ్‌ అధికారులతో చర్చించారు.
SKLM: సంక్రాంతి పండుగకు గ్రామాలకు వెళ్లేవారు జాగ్రత్తలు పాటించాలని శ్రీకాకుళం రెండో పట్టణ పోలీసులు సూచించారు. ఈ మేరకు గురువారం అవగాహన కల్పించారు. ఆభరణాలు వెంట తీసుకెళ్లాలని, లేనిపక్షంలో బ్యాంకు లాకర్లలో భద్రపరచుకోవాలని సూచించారు. సమీప పోలీస్ స్టేషన్లో గానీ తెలియజేస్తే లాక్ హౌస్ మానిటరింగ్ సిస్టమ్ ద్వారా భద్రత కల్పిస్తామన్నారు.
NRML: జిల్లాలో గత రాత్రి కుబీర్ మండల కేంద్రంలోని భారీ అగ్నిప్రమాదం జరిగింది. మండల కేంద్రంలోని అన్నపూర్ణ డిజిటల్స్ & ఎలక్ట్రానిక్స్ దుకాణంలో గతరాత్రి ఒక్కసారిగా మంటలు చెలరేగాయి. సమాచారం అందుకున్న అగ్నిమాపక సిబ్బంది మంటలను అదుపుచేశారు. కాగా ఈ ప్రమాదానికి గల కారణాలు తెలియాల్సి ఉంది.
NDL: తెలుగు రాష్ట్రాల్లో ముక్కోటి ఏకాదశి సందర్భంగా భక్తులు తెల్లవారుజామున నుండే పోటెత్తారు. బనగానపల్లె పట్టణంలో ఉత్తర ద్వార దర్శనానికి భక్తులు పెద్ద సంఖ్యలో తరలివచ్చారు. కొండపేటలో ఉన్న వెంకటేశ్వర స్వామి ఆలయంలోకి ఉత్తరం ద్వారా వెళ్లి భక్తులు దర్శించుకుంటున్నారు. ఏకాదశి రోజున ఉత్తరం ద్వారా స్వామివారిని దర్శించుకుంటే పుణ్యం వస్తుందని భక్తుల నమ్మకం.
WGL: పంచాయతీ రాజ్, గ్రామీణాభివృద్ధి శాఖ పనులపై సీఎం రేవంత్ రెడ్డి సమీక్ష నిర్వహించారు. సమావేశంలో జిల్లాకు చెందిన మంత్రులు కొండా సురేఖ, సీతక్క పాల్గొన్నారు. అనంతరం పంచాయతీ రాజ్, గ్రామీణాభివృద్ధి శాఖలకు సంబంధించి పలు అంశాలపై ఈ సమావేశంలో చర్చించారు. ఈ కార్యక్రమంలో పలువురు ప్రజాప్రతినిధులు, అధికారులు ఉన్నారు.
ASF: దహేగాం మండలంలోని లగ్గామ గ్రామంలో గురువారం ఎస్సై రాజు వాహనాలను తనిఖీ చేశారు. ఈ సందర్భంగా వారు మాట్లాడుతూ.. ద్విచక్ర వాహనదారులు హెల్మెట్ తప్పనిసరిగా ధరించాలన్నారు. వాహనం నడిపేవారు లైసెన్స్‌తో సహా అన్ని ధ్రువపత్రాలు తమ వెంట ఉంచుకోవాలని తెలిపారు. మద్యం సేవించి వాహనాలు నడిపితే చట్టపరమైన చర్యలు తీసుకుంటామని హెచ్చరించారు. వీరితో పోలీస్ సిబ్బంది ఉన్నారు.
TPT: కాణిపాకం వరసిద్ధి వినాయక స్వామి దేవస్థానంలో ఈనెల 17వ తేదీన సంకట హర గణపతి వ్రతం నిర్వహించనున్నట్లు ఆలయ ఈవో పెంచల కిషోర్ తెలిపారు. ఉదయం 10 నుంచి 11 గంటల వరకు, సాయంత్రం 5 నుంచి 6 గంటల వరకు వ్రతం జరుగుతుందన్నారు. రాత్రి 7 నుంచి 8 గంటల వరకు స్వర్ణ రథోత్సవం జరుగుతుందన్నారు. భక్తులు విరివిగా పాల్గొన్నాలని ఆయన కోరారు.
TPT: శ్రీపద్మావతి మహిళా వర్సిటీ దూరవిద్య కేంద్రంలో వివిధ కోర్సుల్లో ప్రవేశాలకు దరఖాస్తులు ఆహ్వానిస్తున్నట్లు కేంద్రం సంచాలకులు అరుణ తెలిపారు. ఎంఏ సంగీతం, తెలుగు, ఎంకాం, డిప్లొమో ఇన్ మ్యూజిక్ (సంకీర్తన, వర్ణం, అన్నమయ్య అంతరంగం) కోర్సుల్లో ప్రవేశాలకు ఆసక్తి ఉన్న మహిళా అభ్యర్థులు ఈనెల 21లోపు దరఖాస్తు చేసుకోవాలని సూచించారు. వివరాలకు 0877 2284524ను సంప్రదించాలన్నారు.
CTR: వడమాలపేట మండలానికి చెందిన టీడీపీ పార్లమెంటు అధికార ప్రతినిధి ఎల్లా లక్ష్మీ ప్రసన్న గురువారం సాయంత్రం కేంద్ర మంత్రి రామ్మోహన్ నాయుడును మర్యాదపూర్వకంగా కలిశారు. పుష్పగుచ్చం అందజేసి శాలువాతో ఘనంగా సత్కరించారు. అనంతరం కాసేపు ఆయనతో మాట్లాడారు. ఈ కార్యక్రమంలో వడమాలపేట మండల తెలుగుదేశం పార్టీ నాయకులు పాల్గొన్నారు.
CTR: గురువారం నగరపాలక సంస్థ పరిధిలో 49వ వార్డు సచివాలయాన్ని అనంతపురం రీజినల్ డైరెక్టర్ ఆఫ్ మున్సిపల్ అడ్మినిస్ట్రేషన్ పి.విశ్వనాథ్ తనిఖీ చేశారు. వార్డు పరిధిలో పన్నుల వసూళ్లపై సమీక్షించారు. వార్డు సచివాలయానికి వచ్చే ప్రజలతో సామరస్యంగా మాట్లాడి వారి సమస్యలు పరిష్కరించేందుకు కృషి చేయాలన్నారు.
కోనసీమ: తెలుగుదేశం పార్టీ కోసం పని చేసిన ప్రతీ కార్యకర్తకు అండగా ఉంటామని, కార్యకర్తలే పార్టీ పునాదులని రాష్ట్ర కార్మిక శాఖ మంత్రి వాసంశెట్టి సుభాష్ అన్నారు. రామచంద్రపురం రూరల్ మండల నాయకులు, కార్యకర్తల సమావేశం తెలుగుదేశం పార్టీ కార్యాలయంలో గురువారం సాయంత్రం జరిగింది. ఈ కార్యక్రమానికి ముఖ్యఅతిథిగా మంత్రి సుభాష్ పాల్గొని మాట్లాడారు.
