SRCL: వేములవాడ బద్దిపోచమ్మ అమ్మవారి ఆలయానికి మంగళవారం భక్తుల పోటెత్తారు. సోమవారం శ్రీరాజరాజేశ్వరస్వామివారిని దర్శించుకున్న భక్తులు ఆనవాయితీ ప్రకారం మంగళవారం భక్తిశ్రద్ధలతో అమ్మవారిని దర్శించుకుని బోనం సమర్పించి మొక్కు చెల్లించుకున్నారు. రద్దీ ఎక్కువగా ఉండటంతో భక్తులు గంటల కొద్దీ క్యూలైన్లలో నిరీక్షించాల్సి వచ్చింది.
BNR: పేదల ఆకలి తీర్చేందుకే కాంగ్రెస్ ప్రభుత్వం సన్న బియ్యం పథకాన్ని ప్రారంభించిందని ఎమ్మెల్యే సామేలు అన్నారు. మంగళవారం మోత్కూరు మండలం దత్తప్పగూడెం గ్రామంలో సన్న బియ్యం పంపిణీ పథకాన్ని ప్రారంభించి మాట్లాడారు. ఆహార భద్రత పథకాన్ని ప్రారంభించింది దేశంలోనే కాంగ్రెస్ పార్టీ అని, దేశ చరిత్రలో నిలిచిపోయే విధంగా సన్న బియ్యం పథకం ప్రారంభించిందన్నారు.
SRD: సదాశివపేట పట్టణంలో మంగళవారం నగర సంకీర్తన కార్యక్రమాన్ని నిర్వహించారు. స్థానిక పంచముఖ హనుమాన్ దేవాలయం నుంచి వాసవి కన్యకా పరమేశ్వరి ఆలయం వరకు భజన చేస్తూ భక్తులు ముందుకు సాగారు. అనంతరం వాసవి కన్యకా పరమేశ్వరి దేవాలయంలో ప్రత్యేక పూజలు చేశారు. కార్యక్రమంలో బీజేపీ రాష్ట్ర కార్యవర్గ సభ్యులు రాజేశ్వర రావు దేశ్పాండే పాల్గొన్నారు.
BPT: మాజీ ఉపసర్పంచ్ పీటా మంగమ్మ మృతి పార్టీకి తీరని లోటు అని టీడీపీ నాయకుడు అనగాని శివప్రసాద్ అన్నారు. ఈ మేరకు మంగళవారం చెరుకుపల్లి మండలం అరుంబాక పంచాయతీ మాజీ ఉపసర్పంచ్ పీటా మంగమ్మ పార్ధివదేహానికి పూలమాలలు వేసి నివాళులర్పించారు. మంగమ్మ పార్టీకి అనేక సేవలు చేశారని, ఆమె సేవలు మరువలేమని అన్నారు. కార్యక్రమంలో టీడీపీ నేతలు పూషాడపు కుమారస్వామి ఉన్నారు.
గుంటూరు జిల్లాలోని పట్టణాలు, మండల కేంద్రాల్లో సచివాలయాల సంఖ్యను దాదాపు 30 శాతం వరకు తగ్గించనున్నారు. ప్రధానంగా గుంటూరుతో పాటు అన్ని మున్సిసిపాలిటీల్లో దాదాపు 40 నుంచి 50 శాతం వరకు తగ్గనున్నాయి. రెవెన్యూ గ్రామానికి ఒకటి యథాతథంగా కొనసాగుతుంది. ఉమ్మడి గుంటూరు జిల్లాలో 1334 గ్రామ, వార్డు సచివాలయాలు ఉన్నాయి.
KRNL: కౌతాళం మండలంలోని ఉరుకుందలో వెలసిన శ్రీ నరసింహ ఈరన్నస్వామి దేవస్థానంలో గో సంరక్షణ కొరకు డోన్ వాస్తవ్యులైన లక్ష్మీనారాయణ గుప్తా అండ్ నిర్మల రూ. 50,000 మంగళవారం విరాళంగా అందజేశారు. అధికారులు దాతలకు శ్రీ స్వామి దర్శనం, స్వామివారి శేష వస్త్రాము, లడ్డూ ప్రసాదాలు, ఆశీర్వాదాలు కల్పించి, బాండు పేపర్ అందజేసి పూలమాలతో సత్కరించారు.
KDP: మైలవరం మండల పరిధిలోని వద్దిరాల సుంకులమ్మ పరంజ్యోతి అమ్మవారి మహోత్సవం సందర్భంగా వృషభ రాజుల బండలాగుడు పోటీలను జమ్మలమడుగు తెలుగుదేశం పార్టీ ఇన్చార్జి చదిపిరాళ్ల భూపేష్ సుబ్బరామిరెడ్డి ప్రారంభించారు. ప్రతి సంవత్సరం ఉగాది తిరుణాల సందర్భంగా బండలాగుడు పోటీలను నిర్వహించడం ఆనవాయితీ. ఈ పోటీలలో రాష్ట్రం నలుమూలల నుండి వృషభరాజ్యంలో పోటీలలో పాల్గొన్నాయి.
E.G: వైసీపీ రాష్ట్ర అధికార ప్రతినిధి, యాంకర్ ఆర్.శ్యామల రాజమండ్రిలో పర్యటించారు. ఈ సందర్భంగా ఆమెను మంగళవారం స్థానిక మంజీరా హోటల్లో మాజీ ఏపీ రాష్ట్ర హౌసింగ్ కార్పొరేషన్ చైర్పర్సన్, మాజీ రుడా చైర్పర్సన్ మేడపాటి షర్మిళ రెడ్డి మర్యాదపూర్వకంగా కలిశారు. ముందుగా ఆమెను శాలువాతో సత్కరించి పుష్పగుచ్చం అందజేశారు. అనంతరం వారు పార్టీ పరిస్థితులపై చర్చించారు.
PLD: నూజెండ్ల మండలం పాత ఉప్పలపాడుకు చెందిన రైతు మీసాల నాగేశ్వరరావు తన మిర్చి పంటను కల్లంలో అరబెట్టాడు. గుర్తుతెలియని దుండగులు సుమారు 15 క్వింటాళ్ల మిర్చి చోరీకి పాల్పడ్డారని మంగళవారం తెలిపాడు. ఆరుగాలం కష్ట పడి పంట పండించి కల్లాలలో ఆరబెడితే దొంగలు అపహరించుకు పోతున్నారని వాపోయాడు. నిందితులపై చర్యలు తీసుకోవాలని కోరారు.
ప్రకాశం: జరుగుమల్లి మండలం పైడిపాడు గ్రామంలో ఎన్టీఆర్ భరోసా పెన్షన్లను లబ్ధిదారులకు మంత్రి స్వామి మంగళవారం పంపిణీ చేశారు. ఈ సందర్బంగా మంత్రి మాట్లాడుతూ.. రాష్ట్రం ఇబ్బందుల్లో ఉన్న పెన్షన్లు పంపిణీ చేస్తున్నామన్నారు. పేదరికం లేని సమాజమే కూటమీ ప్రభుత్వ లక్ష్యమని చెప్పారు. ఈ కార్యక్రమంలో అధికారులు, నాయకులు పాల్గొన్నారు.
ప్రకాశం: బైక్‌లు వేగంగా నడపొద్దు అన్నందుకు వ్యక్తిపై దాడి చేసిన ఘటన కనిగిరిలో జరిగింది. బాధితుడు తెలిపిన వివరాల మేరకు.. కనిగిరి టకారిపాలెం ప్రాంతానికి చెందిన కొందరు యువకులు తనపై దాడి చేశారని షేక్ కాసిం అనే వ్యక్తి ఆరోపించాడు. ప్రస్తుతం అతను ఆసుపత్రిలో చికిత్స పొందుతున్నాడు. పూర్తి వివరాలు తెలియాల్సి ఉంది.
KRNL: మున్సిపల్ అధికారులు చేపట్టిన పన్ను వసూలు చర్యలకు స్పందిస్తూ నగర ప్రజలు రూ.71.47 కోట్ల పన్నులు చెల్లించారు. సోమవారం ఈ సందర్భంగా నగరపాలక మేనేజర్ N.చిన్నరాముడు,RO ఇజ్రాయేలు ప్రజలకు కృతజ్ఞతలు తెలిపారు. పన్ను వసూలు కేంద్రాలు, ప్రత్యేక కౌంటర్లను పరిశీలించిన వారు, ఖాళీ స్థలాల పన్నులు వసూలు కావడం నగరపాలక యంత్రాంగానికి ఉత్సాహాన్నిచ్చిందన్నారు.
KRNL: నకిలీ డాక్యుమెంట్లతో ప్రభుత్వ భూమిని సొంతం చేసుకొని, బ్యాంకును మోసం చేసిన 3వ్యక్తులు, బ్యాంకుCEO సహకారంతో రూ.3.24 కోట్లు రుణం తీసుకున్నారు. రుణం చెల్లించకుండా దుర్వినియోగం చేసి, ప్రభుత్వ ఉద్యోగులు డాక్యుమెంట్ల పరిశీలన చేయగా, అవి నకిలీగా తేలాయి. ఈ కేసులో చీటింగ్, ఫోర్జరీ వంటి సెక్షన్ల కింద విచారణ చేపడుతున్నట్లు ఆదోని 1టౌన్ సీఐ శ్రీరామ్ తెలిపారు.
ప్రకాశం: ఒంగోలు నగరపాలక సంస్థ పరిధిలోని పన్నుల వసూళ్లలో రికార్డు నెలకొల్పింది. గత ఏడాది మార్చి 31నాటికి వసూళ్ల కంటే అదనంగా రూ.10 కోట్లు సాధించిందని కమిషనర్ వెంకటేశ్వరరావు చెప్పారు. సోమవారం అర్థరాత్రి వరకు పెండింగ్ పన్నులను సిబ్బంది కట్టించుకున్నారు. గతేడాది ఆస్తిపన్ను రూ.30.32 కోట్లు వసూలు చేయగా, ఇప్పుడు రూ. 41.04కోట్లు వసూలు చేసినట్లు చెప్పారు.
KRNL: రబీ సీజన్లో ప్రభుత్వం ప్రకటించిన కరువు మండలాల జాబితాలో కర్నూలు జిల్లాలో 9 మండలాలకు స్థానం లభించింది. 2024-25 రబీ సీజన్లో లో కరువు ప్రభావిత మండలాలను సోమవారం ప్రభుత్వం ప్రకటించింది. జ ఆస్పరి, కల్లూరు, కర్నూలు(R)&(U) మద్దికెర, ఓర్వకల్లు, గూడూరు, కోడుమూరు, వెల్దుర్తి మండలాలను తీవ్ర కరువు ప్రాంతంగా గుర్తించింది. మిగిలిన మండలాలకు చోటు దక్కలేదు.
