అక్కినేని అఖిల్(akhil) హీరోగా.. సురేందర్ రెడ్డి దర్శకత్వంలో వస్తున్న లేటెస్ట్ ఫిల్మ్ ‘ఏజెంట్(agent)’.. ఇప్పటికే చాలాసార్లు వాయిదా పడింది. దాంతో ముందుగా అనుకున్న బడ్జెట్ డబుల్ అయిందట. అంతేకాదు అఖిల్ కెరీర్లోనే బిగ్గెస్ట్ బడ్జెట్‌తో ఈ సినిమాను తెరకెక్కిస్తున్నారట. అందుకే సురేందర్ రెడ్డి , అఖిల్ రెమ్యునరేషన్ తగ్గించుకొని మరీ ఈ సినిమా చేస్తున్నట్టు ప్రచారం జరుగుతోంది. అఖిల్ కూడా ఈ సినిమాతో ఎలాగైనా మాస్ ఫాలోయింగ్ పెంచుకోవాలని చూస్తున్నాడు.
ఇప్పటికే రిలీజ్ అయినా టీజర్‌లో బీస్ట్‌ మోడ్‌లో కనిపిస్తున్నాడు అఖిల్. అక్కినేని అభిమానుల్లో ఈ సినిమా పై భారీ అంచనాలున్నాయి. అదే నమ్మకంతో సంక్రాంతికి ఏజెంట్‌ను రిలీజ్ చేసేందుకు సన్నాహాలు చేస్తున్నారు. ఇప్పటికే సంక్రాంతికి.. వాల్తేరు వీరయ్య.. వీరసింహారెడ్డి.. వారసుడు.. ఆదిపురుష్ సినిమాలు లాక్ అయ్యాయి. అయినా ఏజెంట్ రిస్క్ చేస్తున్నాడు. అయితే సంక్రాంతికి వస్తున్నామనే ప్రకటన తప్పితే.. ఈ సినిమా నుంచి మరో అప్టేట్ రాలేదు. మిగతా సినిమాలు ఏదో ఒక అప్టేట్‌తో సందడి చేస్తుంటే.. ఏజెంట్ మాత్రం ఎలాంటి హడావిడి చేయడం లేదు.
ఇలా అయితే సంక్రాంతి రేసులో ఏజెంట్ పరిస్థితేంటనే చర్చ జరుగుతోంది. బడా బడా హీరోలతో పోటీ పడుతున్నాడంటే.. ఏజంట్‌ ఖచ్చితంగా జనాల్లో భారీ హైప్ క్రియేట్ చేయాల్సి ఉంటుంది. అందుకే ఏజెంట్ ప్రమోషన్ కార్యక్రమాలపై దృష్టి సారించాలని అంటున్నారు అభిమానులు. అయితే దానికి ఇంకా చాలా సమయం ఉంది.. కాబట్టి వన్స్ బరిలోకి దిగితే.. ఏజెంట్ ప్రమోషన్ మిషన్ గట్టిగానే ఉంటుందని అంటున్నారు.
ఇది కూడా చూడండి: ప్రభాస్(Prabhas) ‘ప్రాజెక్ట్ కె(Project K movie)’ రిలీజ్ డేట్ మారిందా!?
