ప్రస్తుతం స్టార్ డైరెక్టర్ శంకర్‌తో ఆర్సీ 15 ప్రాజెక్ట్ చేస్తున్నాడు మెగాపవర్ స్టార్ రామ్ చరణ్(ram Charan). ఇప్పటికే చాలా భాగం షూటింగ్ జరుపుకుంది ఈ చిత్రం. ప్రముఖ నిర్మాత దిల్ రాజు అత్యంత భారీ స్థాయిలో ఈ సినిమాను నిర్మిస్తున్నాడు. వచ్చే ఏడాదిలో ఈ సినిమాను రిలీజ్ చేసేందుకు సన్నాహాలు చేస్తున్నారు. ఇక ఈ సినిమా తర్వాత చరణ్ ఎవరితో సినిమా చేయబోతున్నాడనేది.. ఆసక్తికరంగా మారింది. ఎందుకంటే.. జెర్సీ దర్శకుడు గౌతమ్ తిన్ననూరికి చరణ్ నో చెప్పాడని చాలా రోజులుగా ప్రచారం జరుగుతోంది.
తాజాగా ఈ ప్రాజెక్ట్ లేనట్టేనని క్లారిటీ వచ్చేసింది. రామ్ చరణ్ పి ఆర్ టీం చరణ్-గౌతమ్ ప్రాజెక్ట్ లేదని తేల్చేసింది. అయితే చరణ్ నెక్ట్స్ ప్రాజెక్ట్ అంతకుమించి అనేలా ఉంటుందని తెలుస్తోంది. త్వరలోనే దానికి సంబంధించిన అనౌన్స్మెంట్ ఇవ్వబోతున్నట్టు టాక్. ఈ నేపథ్యంలో చరణ్ నెక్ట్స్ ప్రాజెక్ట్ ఎవరితో ఉంటుందనే చర్చ జరుగుతోంది. మధ్యలో కన్నడ డైరెక్టర్ నర్తన్‌తో చరణ్ కథా చర్చలు జరిపినట్టు వార్తలొచ్చాయి.
అయితే ఇటీవల ఉప్పెన డైరక్టర్ బుచ్చిబాబుతో చరణ్ మంతనాలు జరుపుతున్నాడని సమాచారం. ఉప్పెన తర్వాత యంగ్ టైగర్ ఎన్టీఆర్‌తో సినిమా చేసేందుకు చాలా కాలంగా వెయిట్ చేస్తున్నాడు బుచ్చిబాబు. కానీ తారక్‌తో ఇప్పటికే కొరటాల శివ, ప్రశాంత్ నీల్ సినిమాలు లైన్లో ఉండడంతో.. ఇప్పుడు చరణ్‌తో ప్లాన్ చేస్తున్నాడని టాక్. ఇక లోకేష్ కనగరాజ్, సుకుమార్ కూడా చరణ్‌తో లైన్లో ఉన్న సంగతి తెలిసిందే. దాంతో ఆర్సీ 16 ఎవరితో ఉంటుందో చూడాలి.
ఇది కూడా చూడండి: బ్రిటన్ ప్రధానిగా భారత సంతతి వ్యక్తి రిషి సునక్(rishi sunak)
