ప్రస్తుతం పవర్ స్టార్ పవన్ కళ్యాణ్ ‘హరి హర వీరమల్లు’ అనే భారీ పీరియాడికల్ మూవీ చేస్తున్న సంగతి తెలిసిందే. క్రిష్‌ జాగర్లమూడి దర్శకత్వం వహిస్తున్న ఈ సినిమా మొదలై చాలాకాలం అవుతోంది. పవన్ రాజకీయాల కారణంగా.. ఈ సినిమా షూటింగ్ ఎప్పటికప్పుడు పోస్ట్ పోన్ అవుతునే వచ్చింది. దాంతో ఎట్టి పరిస్థితుల్లోను ఈసారి హరిహర వీరమల్లకు ఫైనల్ టచ్ ఇవ్వాలని ఫిక్స్ అయిపోయారు పవన్. దాంతో ఈ మధ్యే తిరిగి సెట్స్ పైకి వెళ్లింది. ప్రస్తుతం హరిహర వీరమల్లు షూటింగ్ రామోజీ ఫిలిం సిటీలో జరుగుతోంది.. ఈ షెడ్యూల్‌లో భారీ యాక్షన్ సీక్వెన్స్ తెరెక్కిస్తున్నట్టు తెలుస్తోంది. అయితే తాజాగా.. ఇది ఇంటర్వెల్‌ ఎపిసోడ్ అని సమాచారం. అందుకే భారీ సెట్టింగులతో పాటు.. భారీగా ఖర్చు పెడుతున్నారట. ఈ ఒక్క ఎపిసోడ్ కోసమే దాదాపు 10 కోట్లు ఖర్చుపెడుతున్నారట. దాంతో ఇండియన్ సినిమాల్లో.. ది బెస్ట్‌ ఇంటర్వెల్‌ సీన్స్‌లో ఒకటిగా ఈ ఎపిసోడ్ నిలుస్తుందని అంటున్నారు. ఈ న్యూస్ విన్న తర్వాత అంచనాలను మరింతగా పెంచేసుకుంటున్నారు పవర్ స్టార్ అభిమానులు. ఇక ఈ సినిమాతో పాన్ ఇండియా మార్కెట్‌లోకి అడుగు పెట్టబోతున్నారు పవర్ స్టార్. అందుకే ఈ చిత్రం కోసం ఈగర్‌గా వెయిట్ చేస్తున్నారు. ఈ చిత్రంలో పవన్ సరసన నిధి అగ‌ర్వాల్ హీరోయిన్‌గా నటిస్తుండగా.. న‌ర్గీస్ ఫ‌క్రి కీలక పాత్రలో కనిపించనుంది. మెగా సూర్య ప్రొడ‌క్షన్ బ్యాన‌ర్‌పై తెరకెక్కుతున్న ఈ సినిమాను.. వచ్చే ఏడాది సమ్మర్‌లో రిలీజ్ చేసేందుకు ప్లాన్ చేస్తున్నారు.
