కేజీఎఫ్‌ చాప్టర్ 2తో వెయ్యికోట్ల క్లబ్‌లో చేరిన ప్రశాంత్‌ నీల్.. మరోసారి సలార్‌తో వెయ్యి కోట్లు టార్గెట్ చేరుకోవాలని చూస్తున్నాడు. పైగా పాన్ ఇండియా స్టార్ ప్రభాస్‌తో చేస్తున్న ఊరమాస్ సినిమా కావడంతో.. అంచనాలు పీక్స్‌లో ఉన్నాయి. రెండు పార్టులుగా తెరకెక్కుతున్న సలార్ పార్ట్ 1 సీజ్ ఫైర్ డిసెంబర్ 22న రిలీజ్ కానుంది. ఈ నేపథ్యంలో సలార్ ట్రైలర్‌ను డిసెంబర్ 1న విడుదల చేయబోతున్నారు. ఇప్పటికే ట్రైలర్ అనౌన్స్మెంట్ ఇచ్చేశారు హోంబలే ఫిలింస్ వారు. కానీ ఈసారైనా అనుకున్న సమయానికి ట్రైలర్ రిలీజ్ ఉంటుందా? అని ఎక్కడో చిన్న డౌట్ అయితే ప్రభాస్ ఫ్యాన్స్‌కు ఉంది.
చదవండి: Pawan kalyan: ట్రెండింగ్‌లో పవన్ OG..వైరల్ వీడియో
కానీ అలాంటిదేం లేదు.. డైనోసర్ వచ్చేస్తున్నడంటూ ఓ సాలిడ్ అప్డేట్ బయటికొచ్చేసింది. సలార్ ట్రైలర్‌పై ప్రశాంత్‌ నీల్ భార్య లిఖిత రెడ్డి నీల్ సోషల్ మీడియాలో ఓ పోస్ట్ చేసింది. సలార్ ట్రైలర్‌కి సంబంధించిన పనులు శరవేగంగా జరుగుతున్నాయి.. అంటూ స్టూడియో నుంచి దిగిన ఫొటోను ఇన్‌స్టాగ్రామ్‌లో పోస్ట్ చేసింది. ఈ పోస్ట్‌లో.. ‘రవి బస్రూర్ మ్యూజిక్ అండ్ మూవీ స్టూడియో నుంచి తీసింది.
చదవండి: Mangalavaram: కలెక్షన్లకు వరల్డ్ కప్ దెబ్బ!
అందులో సలార్ సీజ్ ఫైర్ ట్రైలర్ కట్ ప్రాసెస్‌లో ఉంది’ అని లిఖితారెడ్డి రాసుకొచ్చింది. దీంతో.. సలార్ ట్రైలర్ కట్ పనులు జరుగుతున్నాయని తెలియడంతో ప్రభాస్ ఫ్యాన్స్ ఫుల్ ఖుషి అవుతున్నారు. ఈ హై ఓల్టేజ్ ట్రైలర్‌ను డిసెంబర్ 1 రాత్రి 7 గంటల 19 నిమిషాలకు రిలీజ్ చేయనున్నారు. ఒక్కసారి డైనోసర్ డిజిటల్ ఫ్లాట్‌ఫామ్‌లోకి ఎంట్రీ ఇవ్వడమే లేట్.. ఇప్పటివరకున్న అన్ని డిజిటల్ రికార్డ్స్ చెల్లా చెదురు కానున్నాయి. ఇప్పటికే సలార్ టీజర్‌ సెన్సేషన్ క్రియేట్ చేసింది. మరి ట్రైలర్ ఇంకెం చేస్తుందో చూడాలి.
