Murugadoss Big Project Fix with Salman Khan!
Salman Khan: స్టార్ డైరెక్టర్ ఏఆర్. మురుగదాస్ గురించి ప్రత్యేకంగా చెప్పాల్సిన అవసరం లేదు. మురుగదాస్ తెరకెక్కించిన గజిని, స్టాలిన్ వంటి సినిమాలు తెలుగులో సూపర్ హిట్స్‌గా నిలిచాయి. అయితే ఈ మధ్య మాత్రం మురుగదాస్ సినిమాలు బాక్సాఫీస్ దగ్గర బోల్తా కొడుతున్నాయి. ముఖ్యంగా మహేష్‌ బాబుతో తెరకెక్కించిన స్పైడర్ మూవీ ఘోర పరాజయం పాలయింది. ఆ తర్వాత వచ్చిన విజయ్ సర్కార్, రజనీ దర్బార్ సినిమాలు కూడా మురుగదాస్‌ను కాపాడలేకపోయాయి. దాంతో మురుగదాస్‌కు హీరో దొరకడం కష్టంగా మారిందనే టాక్ నడిచింది. కానీ మురుగదాస్ మాత్రం మరోసారి సత్తా చాటేందుకు భారీగా కసరత్తులు చేస్తున్నాడు. ప్రస్తుతం కోలీవుడ్ హీరో శివ కార్తికేయన్‌తో ఓ సినిమా చేస్తున్నాడు.
చదవండి:Indian 2: ఒక్క పాటకు 30 కోట్లు ఏంది సామి?
ఇక ఇప్పుడు మరో భారీ ప్రాజెక్ట్ అనౌన్స్మెంట్ వచ్చేసింది. గతంలోనే సల్మాన్ ఖాన్‌తో మురుగదాస్ ఓ భారీ ప్రాజెక్ట్ చేస్తున్నాడని వార్తలు వచ్చాయి. కానీ ఎందుకో వర్కౌట్ కాలేదు. ఫైనల్‌గా ఇప్పుడు ఈ క్రేజీ కాంబో లాక్ అయిపోయింది. ఇదే విషయాన్ని సోషల్ మీడియా వేదికగా ప్రకటించాడు సల్మాన్ ఖాన్. ఈ చిత్రానికి సాజిద్ నడియడ్‍వాలా నిర్మాతగా వ్యహరించనున్నారు. ఈ సినిమా 2025 ఈద్‍కు రిలీజ్ అవుతుందని సల్మాన్ ఖాన్ తెలిపాడు. సుమారు 400 కోట్ల బడ్జెట్‍తో యాక్షన్ థ్రిల్లర్ మూవీగా ఈ ప్రాజెక్ట్ తెరకెక్కుతుందని తెలుస్తోంది. మరి సల్మాన్ ఖాన్‌తో మురుగదాస్ ఎలాంటి సబ్జెక్ట్‌తో వస్తాడో చూడాలి.
చదవండి:Anushka Shetty: అనుష్క షాకింగ్ లుక్.. ఇన్ని రోజులు చేసింది ఇదేనా?
