Mahesh-Venkatesh: సీతమ్మ వాకిట్లో సిరిమల్లె చెట్టు సినిమాలో పెద్దోడుగా వెంకీ, చిన్నోడుగా మహేష్ బాబు నటించారు. అప్పటి నుంచి ఈ ఇద్దరు ఎక్కడ కనిపించినా చిన్నోడు, పెద్దోడుగానే పిలుస్తుంటారు ఫ్యాన్స్. అయితే.. ఈ ఇద్దరిలో ఎవరు స్టార్ హీరో అంటే? చెప్పడం కష్టం. ఓ విధంగా చెప్పాలంటే.. ఈ ఇద్దరికీ స్టార్‌డమ్ వేరు. ఎందుకంటే, వెంకటేష్ సీనియర్ హీరో.. మహేష్ బాబు ప్రజెంట్ స్టార్ హీరో. ఒకప్పుడు చిరంజీవి, బాలకృష్ణ, నాగార్జునతో పాటే టాలీవుడ్‌లో స్టార్ హీరోగా దుమ్ముదులిపేశాడు వెంకటేష్. కాకపోతే, ఈ మధ్య కాస్త రేసులో వెనబడిపోయాడు.
ఇది కూడా చూడండి: Animal: ముందుకొచ్చిన ‘అనిమల్’.. ఓటిటి డేట్ ఫైనల్?
అలా అని వెంకీ సినిమా.. చిన్న సినిమా అవుతుందా? అంటే కాదనే చెప్పాలి. కానీ గుంటూరు కారం నిర్మాత నాగవంశీ చేసిన కామెంట్స్ ఇప్పుడు మహేష్ ఫ్యాన్స్ పై వెంకీ అభిమానులు ఫైర్ అయ్యేలా చేసింది. సంక్రాంతి రేసులో మహేష్ బాబు ‘గుంటూరు కారం’, వెంకటేష్ నటించిన ‘సైంధవ్’ సినిమాలు రిలీజ్ అవుతున్నాయి. జనవరి 12న గుంటూరు కారం, 13న సైంధవ్ రిలీజ్ కాబోతోంది. ఈ నేపథ్యంలో.. గుంటూరు కారం ప్రమోషన్స్‌లో భాగంగా మహేష్ బాబు ఫ్యాన్స్‌తో ట్విట్టర్ ద్వారా ఇంటరాక్ట్ అయ్యాడు. సైంధవ్ థియేటర్ల విషయంలో ఫ్యాన్స్ అడిగిన దానికి నాగవంశీ స్పందిస్తూ.. ఎలాంటి సమస్యలు రాకుండా గుంటూరు కారం రిలీజ్‌కి ప్లాన్ చేస్తున్నాం.
ఇది కూడా చూడండి: Tandel: తండేల్’ నుంచి స్పెషల్ గ్లింప్స్!
సొంత హీరో కాబట్టి సైంధవ్ కోసం సురేష్ డిస్ట్రిబ్యూషన్ చేస్తున్న ప్లానింగ్‌కి తాను ఎలా అడ్డుపడగలనని, వాళ్ళ దగ్గరికి వెళ్లి మీ హీరో చిన్న హీరో అని నేను థియేటర్స్ అడగలేను కదా.. అని నాగ వంశీ చెప్పుకొచ్చాడు. దీంతో… నాగవంశీ, సైంధవ్ ఏదో చిన్న సినిమా అని, వెంకటేష్‌ని చిన్న హీరో అని అర్థం వచ్చేలా మాట్లాడాడని వెంకీ ఫ్యాన్స్ సోషల్ మీడియాలో కామెంట్స్ చేస్తున్నారు. మహేష్ ఫ్యాన్స్ కూడా కౌంటర్ వేస్తున్నారు. మరి ఈ వ్యవహారం సినిమా రిలీజ్ వరకు ఉంటుందా? లేదంటే ఫుల్ స్టాప్ పడుతుందేమో చూడాలి.
ఇది కూడా చూడండి: Tsunami: భారత్‌కు సునామీ ముప్పు.. అసలు విషయం ఇదే
