Tandel: గతంలో చందు మొండేటి, నాగ చైతన్య కలిసి చేసిన ప్రేమమ్, సవ్యసాచి అనుకున్నంత రేంజ్‌లో ఆకట్టుకోలేకపోయాయి. అందుకే ఈసారి శ్రీకాకుళం నేపథ్యంలో.. సముద్రం బ్యాక్ డ్రాప్‌లో కొన్ని రియల్ ఇన్సిడెంట్స్ ఆధారంగా ‘తండేల్’ అనే భారీ పాన్ ఇండియా ప్రాజెక్ట్ సినిమా చేస్తున్నారు. చైతన్య కెరీర్లోనే హైయెస్ట్ బడ్జెట్‌తో ఈ చిత్రం తెరకెక్కుతోంది. ఇందులో సాయి పల్లవి హీరోయిన్‌గా నటిస్తోంది. దీంతో తండేల్ పై భారీ అంచనాలున్నాయి. ఇటీవలే షూటింగ్ మొదలు పెట్టిన ఈ సినిమా నుంచి.. నాగ చైతన్య ఫస్ట్ లుక్ పోస్టర్‌ కూడా రిలీజ్ చేశారు.
ఇది కూడా చూడండి: Telangana: 26 మంది ఐఏఎస్ అధికారుల బదిలీ!
రీసెంట్‌గా సముద్రం మధ్యలో తండేల్ షూటింగ్ అంటూ అప్డేట్ ఇచ్చారు. ఇక ఇప్పుడు స్పెషల్ గ్లింప్స్‌కు డేల్ లాక్ చేశారు. ఎసెన్స్ ఆఫ్ తండేల్‌ను జనవరి 5న సాయంత్రం 5 గంటలకు విడుదల చేయనున్నట్లు ప్రకటించారు. దీంతో.. తండేల్ కోసం ఈగర్‌గా వెయిట్ చేస్తున్నారు అక్కినేని అభిమానులు. ఈ మధ్య అక్కినేని హీరోలు మిగతా హీరోలతో పోలిస్తే రేసులో కాస్త వెనకబడిపోయారు. చైతన్య, అఖిల్, నాగార్జున వరుస ఫ్లాప్స్ అందుకున్నారు.
ఇది కూడా చూడండి: Tsunami: భారత్‌కు సునామీ ముప్పు.. అసలు విషయం ఇదే
అందుకే.. సంక్రాంతికి రానున్న నాగార్జున ‘నా సామిరంగ’తో పాటు.. చైతన్య ‘తండేల్’ పై భారీ ఆశలు పెట్టుకున్నారు. ఈ సినిమాను GA2 పిక్చర్స్‌ పతాకంపై బన్నీ వాసు నిర్మిస్తుండగా, ప్రముఖ నిర్మాత అల్లు అరవింద్‌ సమర్పకుడిగా వ్యవహరిస్తున్నారు. రాక్ స్టార్ దేవిశ్రీ ప్రసాద్ సంగీతం అందిస్తున్నారు. అయితే.. సినిమాల పరంగా వరుస ఫ్లాపుల్లో ఉన్న అక్కినేని నాగ చైతన్య.. రీసెంట్‌గా ధూత వెబ్ సిరీస్‌తో ఓటిటిలోకి ఎంట్రీ ఇచ్చి మంచి హిట్ కొట్టాడు. ఇదే జోష్‌ని కంటిన్యూ చేస్తూ.. ఇప్పుడు తండేల్‌గా జెట్ స్పీడ్‌లో దూసుకొస్తున్నాడు. మరి తండేల్‌తో చైతన్య బౌన్స్ బ్యాక్ అవుతాడేమో చూడాలి.
ఇది కూడా చూడండి: Pawan Kalyan : అయోధ్య రామమందిరం.. ప్రారంభోత్సవానికి రావాలంటూ పవన్ కు ఆహ్వానం
