Kalki 2898 AD OTT : ప్రభాస్‌ అభిమానులంతా ఎప్పటి నుంచో ఎదురు చూస్తున్న రోజు రానే వచ్చింది. కల్కి 2898 ఏడీ సినిమా గురువారం ప్రపంచ వ్యాప్తంగా విడుదలైంది. ప్రీమియర్‌ షో నుంచి మంచి టాక్‌ని సంపాదించుకోవడంతో అభిమానులంతా ఫుల్‌ ఖుషీగా ఉన్నారు. ఈ చిత్రం విడుదల కాక ముందే దీని ఓటీటీ రైట్స్‌ని సైతం అమ్మేశారు. ఈ రైట్స్‌ని(Rights) ఏ ఓటీటీ సొంతం చేసుకుంది? ఎప్పటి నుంచి ఓటీటీలో ఇది అందుబాటులోకి వస్తుంది? తెలుసుకోవాలని ఉంటే ఇక్కడ చదివేయండి.
చదవండి : రెండు రోజుల్లోనే ముగిసిన స్పెక్ట్రమ్‌ వేలం, టాప్ బిడ్డర్‌ ఎయిర్‌టెల్‌
నాగ్‌ అశ్విన్‌ డైరెక్షన్‌లో వచ్చిన కల్కి 2898 ఏడీ(Kalki 2898 AD) సినిమా ఓటీటీ(OTT) హక్కుల్ని అమెజాన్‌ ప్రైమ్‌ వీడియో సొంతం చేసుకుంది. ఈ మేరకు థియేటర్‌లో సినిమా చూసిన వారందరికీ సమాచారం తెలిసే ఉంటుంది. డిజిటల్‌ స్ట్రీమింగ్‌ పార్టనర్‌ అనే దగ్గర అమెజాన్‌ ప్రైమ్‌ పేరును పొందుపరిచారు. టైటిల్‌ కార్డ్స్‌ చూస్తే ఈ విషయం అర్థం అవుతుంది. ఇక ప్రైమ్‌లో ఈ సినిమా ఎప్పుడు అందుబాటులోకి వస్తుందన్న ప్రశ్నకు కూడా చిత్ర బృందం సమాధానం ఇస్తోంది. చిత్రం విడుదలైన ఎనిమిది వారాల తర్వాత ఇది ప్రైమ్‌లో అందుబాటులోకి వస్తుందంటూ తెలిపింది.
చదవండి : వరుసగా ఐదో రోజూ తగ్గిన బంగారం, వెండి ధరలు
వైజయంతి మూవీస్ నిర్మించిన కల్కి 2898 ఏడీ చిత్రంలో ప్రభాస్‌ పాత్ర పేరు భైరవ. సూపర్‌ కార్‌ బుజ్జి. ఈ రెండు ప్రధాన పాత్రలుగా ఓ వెబ్‌ సిరీస్‌ని సైతం రూపొందించారు. ఇప్పటికే ప్రైమ్‌లో రెండు ఎపిసోడ్స్‌ స్ట్రీమ్‌ అవుతున్నాయి. మరో రెండు భాగాలు త్వరలోనే స్ట్రీమింగ్‌కి వస్తాయి. ‘బుజ్జి అండ్‌ భైరవ’ వెబ్‌ సిరీస్‌ పేరుతో దీన్ని విడుదల చేశారు.
