Jawan bumper offer!
Jawan: షారుఖ్ ఖాన్ హీరోగా నయనతార హీరోయిన్‌గా, ప్రియమణి, సంజయ్ దత్, యోగి బాబు, దీపికా పదుకునే కీలక పాత్రల్లో నటించిన జవాన్ సినిమా సెప్టెంబర్ 7న రిలీజ్ అయింది. కోలీవుడ్ మాస్ డైరెక్టర్ అట్లీ తెరకెక్కించిన ఈ సినిమా డే వన్ నుంచి హిట్ టాక్ సొంతం చేసుకుంది. అనిరుద్ రవి చందర్ సంగీతం అందించగా.. బాక్సాఫీస్ వద్ద మూవీ దుమ్ముదులిపేసింది. విడుదలైన వారం రోజుల్లో వరల్డ్‌ వైడ్‌గా 650 కోట్లు కొల్లగొట్టిన ఈ చిత్రం.. మూడు వారాల్లోపే 1000 కోట్ల క్లబ్లో చేరింది. కేవలం 18 రోజుల్లోనే ‘జవాన్’ 1000 కోట్ల గ్రాస్ రాబట్టింది. ఈ ఏడాది ఆరంభంలో ప‌ఠాన్ సినిమాతో వెయ్యి కోట్లు రాబట్టిన షారుఖ్.. ఇప్పుడు జవాన్‌తో అదే మ్యాజిక్ రిపీట్ చేశాడు.
చదవండి: Bunny కొత్త సినిమా అని బిల్డప్ ఇచ్చారు.. అంతా తూచ్
ఒకే ఏడాదిలో బ్యాక్ టు బ్యాక్ వెయ్యి కోట్లు రాబట్టిన హీరోగా షారుఖ్ ఖాన్ చరిత్ర సృష్టించాడు. ఈ సినిమాతో 1000 కోట్ల క్లబ్లో చేరిన తొలి తమిళ దర్శకుడిగా అట్లీ అరుదైన ఘనత సాధించాడు. హిందీలోనూ భారీ వసూళ్లను రాబట్టి మాసివ్ బ్లాక్ బస్టర్‌గా నిలిచింది జవాన్. ప్రస్తుతం షారుఖ్ ఖాన్ జవాన్ సక్సెస్ జోష్‌లో ఉన్నాడు.
జవాన్ కలెక్షన్స్‌ను మరింతగా పెంచేందుకు బంపరాఫర్ ప్రకటించారు మేకర్స్. ఈనెల 28, 29, 30 తేదీల్లో జవాన్ టికెట్ బుక్ చేసుకున్నవారికి మరో టికెట్ ఫ్రీగా రానుంది. దీంతో ఒక టికెట్ తీసుకుంటే.. ఇద్దరు సినిమా చూసేయొచ్చు. ఈ ఆఫర్ కేవలం ఆన్‌లైన్‌ బుకింగ్ చేసుకున్న వారికే వర్తిస్తుంది. ఇదే ఈ విషయాన్ని షారుక్ ఖాన్ తన ట్విటర్‌లో షేర్ చేశారు. ఇప్పటికే ఓ రోజు అయిపోయింది కాబట్టి.. ఈ వీకెండ్‌లో జవాన్ మూవీ చూడాలనుకునే వారికి ఇది బంపర్ ఆఫర్ అనే చెప్పొచ్చు.
