పఠాన్ సినిమాతో సాలిడ్ బౌన్స్ బ్యాక్ ఇచ్చి.. వెయ్యి కోట్లు రాబట్టిన షారుఖ్ ఖాన్.. ఇప్పుడు జవాన్‌తో మరో వెయ్యి కోట్లు రాబట్టేందుకు రెడీ అవుతున్నాడు. కోలీవుడ్ సెన్సేషన్ డైరెక్టర్ అట్లీ తెరకెక్కిస్తున్న సినిమా కావడంతో.. సౌత్‌లోను జవాన్ పై భారీ హైప్ ఉంది. టీజర్‌తో సెన్సేషన్ క్రియేట్ చేసిన ఈ సినిమా.. రీసెంట్‌గా వచ్చిన ట్రైలర్‌తో ఎక్స్పెక్టేషన్స్ ఆమంతం పెంచేసింది. అందుకు తగ్గట్టే.. జవాన్ అడ్వాన్స్ బుకింగ్స్ ఆదరహో అనేలా ఉన్నాయి. రిలీజ్‌కి రెండు రోజుల ఉండగానే అన్నీ మల్టీప్లెక్స్‌లో కలిపి రెండు లక్షల యాభై వేల టికెట్స్ బుక్ అయ్యాయి. ఇది ఇండియన్ ఫిల్మ్ హిస్టరీలోనే ఆల్ టైమ్ రికార్డ్.
చదవండి: Anushka: చాలా ప్రయోగాలు చేస్తాను.. అనుష్క
ఈ బుకింగ్స్ కేవలం మల్టీప్లెక్స్‌లకి సంబంధించింది మాత్రమే కావడం విశేషం. ఇక ఢిల్లీ, ముంబై, బెంగళూరు, హైదరబాద్, కోల్‌కతా, చెన్నైల్లో వంటి ప్రధాన నగరాల్లో బుకింగ్స్ ద్వారా భారీ వసూళ్లు రాబడుతోంది జవాన్. పీవీఆర్ మల్టీప్లెక్స్‌లో 1,70,295 టికెట్లు, ఐనాక్స్ 1,15,218 టికెట్లు, సినీ పోలీస్ లో 57,120 టికెట్లు అమ్ముడయ్యాయి. ఢిల్లీలో 60 వేల టికెట్లు, ముంబైలో 55 వేల టికెట్లు , బెంగుళూరులో 60 వేల టికెట్లు , కోలకతాలో 50 వేల టికెట్లు , చెన్నైలో 75 వేల టికెట్లు అమ్ముడయ్యాయి. దీంతో కేవలం అడ్వాన్స్ బుకింగ్ ద్వారానే జవాన్‌కు 26 కోట్లు వచ్చినట్టు తెలుస్తోంది.
చదవండి: Sai Pallavi: ట్రోలింగ్ నుంచి తప్పించుకున్న సాయిపల్లవి!
దీని దెబ్బకు జవాన్ మూవీ బాహుబలి 2, గదర్ 2, పఠాన్ అడ్వాన్స్ బుకింగ్స్ రికార్డులు బద్దలయ్యాయి. ఇక బుకింగ్స్ ట్రెండ్‌ని బట్టి చూస్తే జవాన్ సినిమా మొదటి రోజు వంద కోట్ల కలెక్షన్స్‌ని రాబట్టడం గ్యారెంటీ అనిపిస్తోంది. పఠాన్ సినిమాతో డే 1 వంద కోట్లు రాబట్టిన షారుఖ్ ఖాన్, ఇప్పుడు జవాన్ సినిమాతో ఒకే ఏడాదిలో రెండు సార్లు వంద కోట్ల ఓపెనింగ్ డే కలెక్షన్స్‌ని రాబట్టిన హీరోగా హిస్టరీ క్రియేట్ చేయనున్నాడు. మొత్తంగా జవాన్ జవాన్ సినిమా సరికొత్త రికార్డ్స్ క్రియేట్ చేసేలానే కనిపిస్తోంది. ఇక ఈ సినిమాలో నయనతార హీరోయిన్‌గా నటిస్తుండగా.. దీపికా పదుకొనె, ప్రియమణి , విజయ్ సేతుపతి, యోగి బాబు ప్రధాన పాత్రలు పోషిస్తున్నారు.
