‘వినోదయ సీతమ్’ రీమేక్‌ను తమిళ్ వెర్షన్ తెరకెక్కించిన సముద్రఖనినే తెలుగులోను డైరెక్ట్ చేస్తున్నారు. ఈ సినిమాలో మెగా మేనల్లుడు సాయి ధరమ్ తేజ్(Sai Dharam Tej) కీ రోల్ ప్లే చేస్తున్నాడు. హీరోయిన్లుగా కేతికా శర్మ, ప్రియా ప్రకాష్ వారియర్ నటిస్తున్నారు. జూలై 28న రిలీజ్ చేసేందుకు ప్లాన్ చేస్తున్న ఈ మూవీలో.. పవన్(Pawan Kalyan) దేవుడిగా కనిపించబోతున్నాడు. గోపాల గోపాల తర్వాత పవన్ దేవుడిగా నటిస్తున్న సినిమా ఇదే. ఈ క్రమంలో దేవుడు కలిసొచ్చేలా ఓ టైటిల్‌ను అనుకుంటున్నారట. ఇంతకు ముందు దేవుడు, దేవర అనే టైటిల్స్ వినిపించరగా.. ఇప్పుడు మరో ఇంట్రెస్టింగ్ టైటిల్ తెరపైకి వచ్చింది. లేటెస్ట్ అప్టేడ్ ప్రకారం ఈ టైటిల్ దాదాపుగా ఫిక్స్ అయిందనే టాక్ నడుస్తోంది. ‘దేవుడే దిగి వచ్చిన’ అనే టైటిల్ ఖరారు చేసినట్టుగా ఇండస్ట్రీ వర్గాల్లో జోరుగా ప్రచారం జరుగుతుంది. అయితే ‘సంతోషం’ సినిమాలో.. దేవుడే దిగి వచ్చిన, స్వర్గమే నాకిచ్చినా.. అంటూ, నాగర్జున ఓ పాట ఉంది. ఇప్పుడు ఆ పాటతో పవన్ సినిమాకు టైటిల్‌గా పెట్టడం విశేషమనే చెప్పాలి. ఇక పీపుల్స్ మీడియా ఫ్యాక్టరీ సంస్థ నిర్మిస్తున్న ఈ సినిమాకు.. త్రివిక్రమ్(Trivikram) డైలాగ్స్, స్క్రీన్ ప్లే అందిస్తున్నాడు. అందుకే ఈ ప్రాజెక్ట్ పై భారీ అంచనాలున్నాయి. మరి మెగా మేనల్లుడితో కలిసి పవర్ స్టార్ ఎలాంటి మ్యాజిక్ చేస్తాడో చూడాలి.
