Family Star Trailer: డైరక్టర్ పరుశురాం, టాలీవుడ్ యంగ్ హీరో విజయ్ దేవరకొండ కాంబోలో ఫ్యామిలీ స్టార్ సినిమా వస్తున్న సంగతి తెలిసిందే. ఈ చిత్రంలో సీతారామమం ఫేమ్ మృణాల్ ఠాకూర్ హీరోయిన్‌గా నటిస్తున్నారు. ఈ చిత్రాన్ని ప్రొడ్యూసర్స్ దిల్ రాజు, శిరీష్ నిర్మిస్తున్నారు. అయితే ఈ చిత్రం ఏప్రిల్ 5న పాన్ ఇండియా సినిమాగా విడుదల కానుంది. తెలుగుతో పాటు తమిళ, హిందీ భాషల్లో గ్రాండ్‌గా రిలీజ్ కాబోతుంది. ఇప్పటికే ఈ సినిమా నుంచి విడుదలైన పోస్టర్స్, టీజర్, సాంగ్స్ ప్రేక్షకులను ఆకట్టుకున్నాయి. దీంతో సినిమాపై అంచనాలు ఇంకా పెరిగాయి.
ఇది కూడా చూడండి: Tirumala: అలిపిరి మెట్ల మార్గంలో మరోసారి చిరుత కలకలం
ఈ సినిమా విడుదల తేదీ దగ్గర పడుతుండటంతో మూవీ మేకర్స్ ప్రమోషన్స్ వేగాన్ని కూడా పెంచారు. అయితే మూవీ టీం తాజాగా ట్రైలర్‌ను విడుదల చేశారు. విజయ్ దేవుడికి దండం పెట్టుకుంటూ.. నువ్వు కొత్తగా నాకు బ్రేక్ ఇవ్వాల్సిందేమి లేదు.. ఉన్నదాన్ని చెడగొట్టకు అంటూ దండం పెట్టుకోవడంతో ట్రైలర్ స్టార్ట్ అవుతుంది. అయితే ఈ సినిమా ఫ్యామిలీ విలువలను పెంచే విధంగా ఉందని ట్రైలర్ చూస్తే అర్థం అవుతుంది. మిడిల్ క్లాస్ వాళ్ల ఆలోచనలు, ఫ్యామిలీ ఎమోషన్స్, విజయ్ దేవరకొండ డైలాగ్స్‌ ఆడియన్స్‌‌ను తెగ ఆకట్టుకుంటున్నాయి.
ఇది కూడా చూడండి: Unemployment : భారత్‌ నిరుద్యోగుల్లో 83% యువతే !
మిడిల్ క్లాస్ కుర్రాడిగా స్టైలిష్‌గా క‌నిపిస్తూనే విజయ్ త‌న కామెడీతో ఫ్యాన్స్‌ను న‌వ్వించాడు. విజయ్, మృణాల్ ఠాకూర్ కెమిస్ట్రీ ఈ ట్రైల‌ర్‌కు హైలైట్‌గా నిలిచింది. ఈ మూవీలో ఠాకూర్‌తో పాటు అమెరికన్ యాక్ట్రెస్ ‘మరిస్సా రోజ్ గార్డన్’, మజిలీ ఫేమ్ ‘దివ్యాంశ కౌశిక్’, రష్మిక మందన్న కూడా కనిపించబోతున్నారట. అలాగే అభినయ, వాసుకి సిస్టర్ అండ్ వదిన పాత్రల్లో కనిపించబోతున్నట్లు తెలుస్తుంది. గోపిసుందర్ ఈ సినిమాకి సంగీతం అందించారు.
