Pawan Kalyan: పవన్ కళ్యాణ్ ప్రస్తుతం ఆంధ్రప్రదేశ్ అసెంబ్లీ ఎన్నికలు దగ్గరపడుతుండటంతో ఆ హడావిడిలో ఉన్నారు. ఈ ఎన్నికల హడావిడి అయిపోగానే ఆయన ఓజీ, హరి హర వీర మల్లు సినిమాతో మనల్ని అలరిస్తారు అని ఫ్యాన్స్ వెయిట్ చేస్తున్నారు. కానీ.. ఈ క్రమంలో ఓ షాక్ తగిలింది. పవన్ కళ్యాణ్ హరి హర వీర మల్లు చిత్రం 2020 లో సెట్స్ మీదకు వెళ్లింది. ఇప్పటికి నాలుగేళ్లు అవుతున్నా ఇంకా షూటింగ్ పూర్తి కాలేదు. నత్త నడక నడిచినట్లు సాగుతోంది. ఇప్పటి వరకు, సినిమా పురోగతి గురించి మేకర్స్ నుండి ఖచ్చితమైన అప్‌డేట్‌లు లేవు. కొన్ని తెరవెనుక వీడియోలు, పవన్ కళ్యాణ్ పోరాట శిక్షణ వీడియోలను మేకర్స్ కొంతకాలం క్రితం విడుదల చేశారు. అయితే ఆ తర్వాత పూర్తి కామ్ అయిపోయారు.
ఇది కూడా చూడండి: PM Modi: మన్మోహన్ సింగ్‌పై ప్రధాని మోడీ ప్రశంసలు
మొదట్లో శరవేగంగా షూటింగ్ జరుపుకున్న ఈ సినిమా అనేక సమస్యల కారణంగా షూటింగ్‌కి పెద్ద ఆటంకాలు ఎదురయ్యాయి. పవన్ కళ్యాణ్ అందించిన తేదీలలో క్రిష్ పర్ఫెక్ట్‌గా ప్లాన్ చేయడంలో విఫలమయ్యాడని ఇండస్ట్రీ వర్గాల నుండి బజ్. ఇది కాకుండా పవన్ కళ్యాణ్ సినిమాలోని కొన్ని భాగాలపై అసంతృప్తితో ఉన్నారని, వారు దానిని కూడా రీషూట్ చేశారని సమాచారం. ఈ క్రియేటివ్ డిఫరెన్సెస్, బడ్జెట్ సమస్యలు, పవన్ కళ్యాణ్ రాజకీయ కమిట్‌మెంట్స్ కారణంగా ఇప్పుడు సినిమాని హోల్డ్‌లో ఉంచారు.
ఇది కూడా చూడండి: AP TET 2024 : ఏపీ ‘టెట్’ దరఖాస్తులు ప్రారంభం
ఈ ప్రాజెక్ట్ కోసం ఎ.ఎం.రత్నం ఇప్పటికే చాలా ఖర్చు పెట్టాడు. ఇప్పుడు క్రిష్ ఈ ప్రాజెక్ట్ నుండి నిష్క్రమించాడు. డైరెక్టర్ మూవీ నుంచి తప్పుకోవడంతో చిత్ర యూనిట్ మొత్తం డైలమాలో పడిపోయింది. ఇక.. క్రిష్ ఈ సినిమాను వదిలేసి UV క్రియేషన్ బ్యానర్‌లో అనుష్క శెట్టితో ఒక చిత్రాన్ని ప్రారంభించాడు. హరి హర వీర మల్లులో క్రిష్ చేరకపోవచ్చని, మరికొందరు దర్శకుడు పెండింగ్‌లో ఉన్న పనిని పూర్తి చేయవచ్చని బజ్ ఉంది.
