Britan: భారత సంతతికి చెందిన దంపతులకు బ్రిటన్ కోర్టు 33 ఏళ్ల జైలు శిక్ష విధించింది. డ్రగ్స్ స్మగ్లింగ్ కేసులో దోషులుగా తేలడంతో బ్రిటన్ కోర్టు ఈ దంపతులకు 33 ఏళ్లు జైలు శిక్ష విధించింది. బ్రిటన్ నేషనల్ క్రైమ్ ఏజెన్సీ(ఎన్సీఏ) వివరాల ప్రకారం.. వెస్ట్ లండన్‌లోని ఈలింగ్‌లో నివాసముంటున్న ఆర్తి ధీర్, కవల్ జిల్‌సిన్హ్ రైజాడాలు కొంత కాలంగా డ్రగ్స్ స్మగ్లింగ్ చేస్తున్నారు. 2019 నుంచి ఆస్ట్రేలియాకు మాదక ద్రవ్యాలు సరఫరా చేస్తున్నారు. ఈ క్రమంలోనే వీరిద్దరినీ 2021లో బ్రిటన్‌లోని హాన్‌వెల్ నగరంలో అరెస్టు చేశారు.
ఇది కూడా చూడండి: Breakfast: బరువు తగ్గించే బెస్ట్ బ్రేక్ ఫాస్ట్ లు ఇవి..!
వీళ్లు డ్రగ్స్ స్మగ్లింగ్ చేస్తున్నట్టు అప్పుడు సరైన ఆధారాలు లేకపోవడంతో వదిలేశారు. కానీ విచారణ నిమిత్తం వారిని 2023లో మళ్లీ అరెస్టు చేశారు. దీనిపై అప్పటినుంచి కోర్టులో విచారణ జరుగుతుంది. తాజాగా వాళ్లు దోషులుగా తేలడంతో కోర్టు శిక్ష విధించింది. కాగా, 2021లో అరెస్టు అయిన టైంలో పోలీసులు దంపతుల ఇంట్లో రూ.5.26 లక్షల విలువైన బంగారు, వెండి బిస్కెట్లు, సుమారు రూ.77లక్షల నగదును స్వాధీనం చేసుకున్నారు. దీంతో మనీలాండరింగ్ అభియోగాలు సైతం నమోదు చేశారు. దంపతులిద్దరూ విమాన సర్వీసులో పని చేశారని, ఆ అవగాహనతోనే సులువుగా స్మగ్లింగ్ చేసేవారని అధికారులు తెలిపారు.
ఇది కూడా చూడండి: Pakistan: నావికులను రక్షించిన భారత నౌకదళం.. థ్యాంక్స్ చెప్తున్న పాకిస్థానీలు
యూకేకు వెళ్లక ముందు దంపతులిద్దరూ 2015లో ఓ బాలుడిని దత్తత తీసుకున్నారు. అనంతరం 2017లో ఆ బాలుడిని హత్య చేశారు. అయితే ఇన్సూరెన్స్ డబ్బుల కోసమే బిడ్డను దత్తత తీసుకున్నారని ఆపై కిడ్నాప్ చేసి బాలుడిని చంపారని పోలీసులు తెలిపారు. దీంతో వారిద్దరినీ భారత్‌కు అప్పగించాలని బ్రిటన్‌ను కోరగా..అందుకు బ్రిటన్ ప్రభుత్వం తిరస్కరించింది.
