ఆకర్షణీయమైన పెదవుల కోసం లిప్స్టిక్ వేసే ముందు లిప్ లైనర్ వాడటం చాలా ముఖ్యం. ఇది పెదాలకు సరైన ఆకృతిని ఇచ్చి, రంగు బయటకు రాకుండా చేస్తుంది. చివరగా పెదవుల మధ్య టిష్యూ పేపర్ ఉంచి నొక్కితే అదనపు రంగు పోయి, మేకప్ ఎక్కువ సేపు సహజంగా ఉంటుంది. ఈ చిన్న జాగ్రత్తలతో మీ పెదవులు రోజంతా అందంగా కనిపిస్తాయి.
మోకాళ్లు, మోచేతుల నలుపును ఇంట్లోని వస్తువులతోనే సులభంగా తగ్గించుకోవచ్చు. నిమ్మకాయ-చక్కెర స్క్రబ్, బంగాళాదుంప రసం నలుపును వదిలిస్తాయి. బేకింగ్ సోడా, పాలు కలిపి రాస్తే చర్మంపై మురికి పోతుంది. కలబంద, కొబ్బరి నూనె రాస్తే చర్మం మృదువుగా మారుతుంది. బయటకు వెళ్లేటప్పుడు సన్స్క్రీన్ వాడితే చర్మం కాంతివంతంగా మెరుస్తుందని నిపుణులు సూచిస్తున్నారు.
కళ్లజోడు మచ్చలను తగ్గించుకోవడానికి కొన్ని చిట్కాలు పాటించడం మంచిది. రోజూ పడుకునే ముందు మచ్చలపై అలోవెరా జెల్ రాసి మసాజ్ చేయాలి. దూదితో నిమ్మరసాన్ని మచ్చలపై అద్ది, 10 నిమిషాల తర్వాత కడిగేయాలి. కీరదోస ముక్కలను మచ్చలపై రుద్దడం వల్ల చర్మం చల్లబడి మచ్చలు తగ్గుతాయి. తేనె, పాలు కలిపి రాస్తే చర్మం మృదువుగా మారుతుంది. ముఖ్యంగా ఫ్రేమ్ ముక్కుపై ఒత్తిడి పడకుండా చూసుకోవాలి.
జుట్టుకి కలర్ వేసేటప్పుడు కొన్ని విషయాలు గుర్తుంచుకోవాలి. జుట్టు మురికిగా ఉంటే రంగు సరిగ్గా అంటుకోదు, అందుకే ముందుగా తలస్నానం చేయాలి. కొత్త రంగు వాడేటప్పుడు అలర్జీ రాకుండా ముందే చెక్ చేసుకోవడం మంచిది. అలాగే తలలో గాయాలు లేదా దురద ఉన్నప్పుడు కలర్ వేస్తే సమస్య ఇంకా పెరుగుతుంది. అందుకే జాగ్రత్తగా ఉండాలని నిపుణులు చెప్తున్నారు.
చాలా మందికి గోళ్లు కొరికే అలవాటు ఉంటుంది. వైద్య భాషలో దీనిని ‘ఒనికోఫేజియా’ అంటారు. ఇలా గోళ్లు కొరకడం వల్ల చిగుళ్ల వాపు, రక్తస్రావం వంటి సమస్యలు వస్తాయి. గోళ్లలో ఉండే మురికి, బ్యాక్టీరియా నోటి ద్వారా శరీరంలోకి చేరి ఇన్ఫెక్షన్లకు దారితీస్తుంది. ఇది దంతాల ఆకారాన్ని దెబ్బతీయడమే కాకుండా, చిగుళ్లకు కూడా నష్టం కలిగిస్తుందని వైద్యులు హెచ్చరిస్తున్నారు.
రోజంతా బూట్లు ధరించడం వల్ల పాదాలకు గాలి ఆడక చెమట పట్టి, బ్యాక్టీరియా చేరి ఇన్ఫెక్షన్లు, బొబ్బలు వచ్చే ప్రమాదం ఉంది. మడమ నొప్పీ వేధిస్తుంది. కాబట్టి మధ్యమధ్యలో బూట్లు తీసి పాదాలకు గాలి తగిలేలా చూడాలి. కాళ్లను ఎప్పటికప్పుడు శుభ్రంగా కడుక్కోవడం ద్వారా ఇన్ఫెక్షన్ల బారిన పడకుండా పాదాల ఆరోగ్యాన్ని కాపాడుకోవచ్చని వైద్యులు సూచిస్తున్నారు.
కీరదోసను పండ్లు లేదా పాల ఉత్పత్తులతో కలిపి తినడం వల్ల ఆరోగ్యానికి హానికరమని నిపుణులు హెచ్చరిస్తున్నారు. వీటి జీర్ణక్రియ వేగంలో తేడాల వల్ల గ్యాస్, అజీర్తి సమస్యలు వస్తాయి. ముఖ్యంగా రాత్రిపూట కీరదోస తింటే జీర్ణక్రియ మందగిస్తుంది. కాబట్టి, దీనిని మధ్యాహ్నం పూట విడిగా తీసుకోవడమే ఉత్తమమని నిపుణులు సూచిస్తున్నారు.
ఒకప్పుడు పల్లెల్లో ప్రసిద్ధి చెందిన ‘జొన్న సంగటి’ కనుమరుగవుతోంది. నూనెలు వాడకుండా మట్టి పాత్రల్లో చేసే జొన్న సంగటి ఇప్పటి తరానికి కొత్త రుచి అనిపించవచ్చు. కానీ, ఇందులో ఉండే పోషకాల వల్లే మన తాతలు, బామ్మలు 90 ఏళ్లు వచ్చినా వారి శరీరం ఉక్కులాగా ఉండేది. ఇప్పుడు బిర్యానీలకు అలవాటు పడ్డ యువతకు ఆ రుచి తెలియడం లేదు. జొన్న సంగటి టేస్ట్ ముందు అవన్నీ ‘జుజూబీ’ అనే చెప్పుకోవాలి.
సంగీతం కేవలం వినోదం మాత్రమే కాదు.. మనసుకి ఒక మంచి ఔషధం. ఉదయాన్నే మీకు ఇష్టమైన పాటలతో రోజును ప్రారంభిస్తే.. అది మీలోని బద్ధకాన్ని తరిమికొట్టి, రోజంతా కావాల్సిన ఎనర్జీని ఇస్తుంది. మెదడును యాక్టివ్ చేస్తూ ఒత్తిడిని తగ్గిస్తుంది. అందుకే అంటారు.. సంగీతానికి రాళ్లైనా కరుగుతాయని. మరి మీ ఉదయాన్ని మ్యూజిక్తో మరింత మధురంగా మార్చుకుంటారు కదా..!
మరమరాలలో క్యాలరీలు చాలా తక్కువ. కప్పు మరమరాలు తింటే కడుపు నిండినట్లు అనిపిస్తుంది. డైటింగ్ చేసేవారికి ఇది మంచి చిరుతిండి. ఇందులో కార్బోహైడ్రేట్లు అధికంగా ఉంటాయి. నీరసంగా ఉన్నప్పుడు కొద్దిగా మరమరాలు తింటే శరీరానికి తక్షణమే శక్తి లభిస్తుంది. పీచు పదార్థం ఎక్కువగా ఉండటం వల్ల జీర్ణక్రియ సాఫీగా సాగుతుంది. గ్యాస్, ఎసిడిటీ, మలబద్ధకం వంటి సమస్యలతో బాధపడేవారికి ఔషధంలా పనిచేస్తాయి.
శరీరంలో నీటి శాతం తగ్గడమే నీరసానికి ప్రధాన కారణం. దాహం వేసినా, వేయకపోయినా గంటకోసారి నీళ్లు తాగడం అలవాటు చేసుకోవాలి. అలాగే, కొబ్బరి నీళ్లు, మజ్జిగ, నిమ్మరసం వంటి సహజ పానీయాలు తీసుకోవడం వల్ల శరీరానికి అవసరమైన ఎలక్ట్రోలైట్స్ అందుతాయి. వేసవిలో జీర్ణక్రియ కొంచెం నెమ్మదిగా ఉంటుంది. పుచ్చకాయ, దోసకాయ, నారింజ వంటి పండ్లను తీసుకోవడం వల్ల శరీరానికి తక్షణ శక్తి లభిస్తుంది.
వెన్నెముకను సాగదీసి, దాని సౌలభ్యాన్ని పెంచుతుంది. వెన్నునొప్పి, మెడ నొప్పిని తగ్గించడంలో సహాయపడుతుంది. పొట్ట కండరాలను ట్విస్ట్ చేయడం వల్ల జీర్ణక్రియను మెరుగుపరుస్తుంది. గ్యాస్, మలబద్ధకం వంటి సమస్యలను తొలగిస్తుంది. కడుపు కండరాలు, కోర్, దిగువ వీపు కండరాలను బలపరుస్తుంది. పొట్ట చుట్టూ ఉన్న అదనపు కొవ్వును తగ్గించడానికి, పొట్ట కండరాలను టోన్ చేయడానికి ఈ ఆసనం చాలా ఉపయోగపడుతుంది.
పడుకుని ఫోన్ చూడటం అందరికీ అలవాటుగా మారింది. దీంతో ఆరోగ్యానికి ఎంతో హానికరం. ముఖ్యంగా చీకటి గదిలో ఫోన్ చూస్తున్నప్పుడు స్క్రీన్ నుంచి వచ్చే బ్లూ లైట్ నేరుగా కళ్ళపై పడి ‘డిజిటల్ ఐ స్ట్రెయిన్’కు దారితీస్తుంది. పడుకుని ఫోన్ వాడటం వల్ల మెడ ఎముకలపై ఒత్తిడి పెరిగి తీవ్రమైన మెడ, భుజాల నొప్పులు వస్తాయి. అందుకే నిద్రపోయే కనీసం 30 నిమిషాల ముందే ఫోన్ను దూరంగా ఉంచడం ఉత్తమం.
రాత్రిపూట అన్నం మానేసి టిఫిన్ తినడం ఇప్పుడు ట్రెండ్గా మారింది. అయితే ఇడ్లీ, ఉప్మా వంటి పదార్థాలు త్వరగా జీర్ణమై శరీరానికి హాయినిస్తాయి. కానీ, నూనెలో వేయించిన పూరీ, బజ్జీలు తింటే గ్యాస్, ఎసిడిటీ వంటి సమస్యలు తలెత్తుతాయి. పడుకోవడానికి కనీసం రెండు గంటల ముందే తేలికపాటి టిఫిన్ ముగించడం ఉత్తమం. జొన్న రొట్టెలు లేదా పెసరట్టు వంటివి ఆరోగ్యానికి మరింత మేలు చేస్తాయి.
జుట్టు గడ్డిలా తయారైతే ఈ చిట్కాలు పాటించండి. వారానికి రెండుసార్లు కొబ్బరి లేదా బాదం నూనెతో మసాజ్ చేయాలి. తలస్నానం తర్వాత తప్పనిసరిగా కండిషనర్ వాడాలి. హెయిర్ డ్రైయర్లు, స్ట్రెయిట్నర్లు వాడటం తగ్గించాలి. పెరుగు, గుడ్డు లేదా కలబంద గుజ్జును ప్యాక్లా వేస్తే జుట్టు సిల్కీగా మారుతుంది. ప్రతి 6-8 వారాలకు జుట్టు చివర్లను కత్తిరించడం వల్ల చిట్లిన జుట్టు సమస్య తగ్గుతుంది.
