‘జన నాయగన్’ లీకులపై దర్శకుడు హెచ్ వినోద్ ఇన్స్టా వేదికగా ఆవేదన వ్యక్తం చేశాడు. ‘ప్రతి సీన్ వెనుక ఎంతోమంది కష్టం, కలలు ఉంటాయి. విడుదలకు ముందే సీన్లు లీక్ అవ్వడం బాధాకరం. దయచేసి వీటిని షేర్ చేయకండి, చిత్ర బృందానికి మద్దతుగా నిలవండి’ అని కోరాడు. పైరసీని ప్రోత్సహించకుండా సినిమాను వెండితెరపైనే చూడాలని ఆయన అభిమానులకు విజ్ఞప్తి చేశాడు.
‘కొత్త లోక’లో మమ్ముట్టి వాయిస్ ఇచ్చిన మూతోన్ పాత్ర వెనుక ఒక ఫన్నీ స్టోరీ ఉంది. దీనిపై మమ్ముట్టి మాట్లాడుతూ.. ‘దుల్కర్ స్వయంగా రాకుండా తన మేనేజర్తో వాయిస్ అడిగించాడు. నేను కేవలం వద్దు అని ఒక్క డైలాగ్ మాత్రమే చెప్పాను. కానీ రిలీజ్ అయ్యాక ఆ వాయిస్, చేయి నావేనని ప్రకటించి నన్ను మోసం చేసి ఈ పాత్రలో ఇరికించారు. ఇప్పుడు పార్ట్-2లో నటించాల్సిన బాధ్యత నాపై పడింది’ అని అన్నాడు.
‘గేమ్ ఆఫ్ థ్రోన్స్’ నటుడు మైఖేల్ పాట్రిక్(35) కన్నుమూశాడు. మోటార్ న్యూరాన్ డిసీజ్(MND)తో పోరాడుతూ ఐర్లాండ్లో మరణించినట్లు ఆయన భార్య తెలిపింది. ఈ వ్యాధి వల్ల నరాలు క్షీణించి కండరాలు బలహీనపడతాయి. నడవలేకపోవడం, మాట తడబడటం దీని లక్షణాలు. ఇది వంశపారంపర్యంగా వచ్చే ప్రమాదకర వ్యాధి. మైఖేల్ మృతితో సినీ పరిశ్రమలో విషాద ఛాయలు అలుముకున్నాయి
తన ప్రేమ, పెళ్లిపై వస్తున్న వార్తలకు నటి కృతి శెట్టి క్లారిటీ ఇచ్చింది. ప్రస్తుతం తన ఫోకస్ అంతా సినిమాలపైనే ఉందని, మరో ఐదారేళ్లు కెరీర్కే ప్రాధాన్యత ఇస్తానని చెప్పింది. అయితే భవిష్యత్తులో తాను ఎవరితోనైనా డేటింగ్ చేస్తే, కచ్చితంగా అతడినే పెళ్లి చేసుకుంటానని, ప్రేమ విషయంలో తనకు స్పష్టమైన అభిప్రాయం ఉందని తేల్చి చెప్పింది.
మహేష్ బాబు నటించిన ‘అతిథి’ మూవీ రీ-రిలీజ్కు సిద్ధమవుతోంది. మే 29, 2026న ఈ చిత్రాన్ని ప్రపంచవ్యాప్తంగా విడుదల చేయాలని మేకర్స్ ప్లాన్ చేస్తున్నారు. అయితే ఇది మామూలు రీ-రిలీజ్ కాదట. అత్యాధునిక 4K టెక్నాలజీతో విజువల్స్, డాల్బీ అట్మాస్తో సౌండ్ను అప్గ్రేడ్ చేస్తున్నారట. కొన్ని సీన్లను కూడా ట్రెండ్కు తగ్గట్టుగా ఎడిట్ చేస్తున్నట్లు టాక్.
‘డెకాయిట్’పై నేచురల్ స్టార్ నాని ఆసక్తికర పోస్ట్ పెట్టాడు. ఈ మూవీ మనసును హత్తుకునే నిజమైన బ్లాక్ బస్టర్ అని, థియేట్రికల్ ఎక్స్పీరియన్స్ మిస్ కావొద్దని తెలిపాడు. అడివి శేష్, మృణాల్ నటన అద్భుతంగా ఉందని, రచన, స్క్రీన్ప్లే విభాగం పనితీరు బాగుందన్నాడు. ఈ ఏడాదిలోని గొప్ప చిత్రాల్లో ఇదీ ఒకటిగా నిలిచిపోతుందని చెప్పాడు. దీనిపై స్పందించిన శేష్.. నానికి థ్యాంక్స్ చెప్పాడు.
టాలీవుడ్ హీరోయిన్ కృతి శెట్టి తనపై వస్తున్న ‘ఐరెన్ లెగ్’ విమర్శలపై ఆవేదన వ్యక్తం చేసింది. సినిమా జయాపజయాలు తన చేతుల్లో ఉండవని, నటిగా ప్రతి పాత్రకు 100% న్యాయం చేస్తానని తెలిపింది. కేవలం తనను లక్ష్యంగా చేసుకుని విమర్శించడం సరికాదని, అదృష్టం లేక అవకాశాలు కోల్పోవడం బాధాకరమని పేర్కొంది. ఫలితంతో సంబంధం లేకుండా తన శ్రమను గుర్తించాలని కోరింది.
‘ధురంధర్ 2 చిత్రాన్ని చూసిన దర్శకుడు సందీప్ రెడ్డి వంగా ప్రశంసలు కురిపించాడు. సినిమా అద్భుతంగా ఉందని, రణ్వీర్ సింగ్, ఆదిత్య ధర్లకు తగిలిన దిష్టి పోవాలంటే మిరప తోటనే తగలబెట్టాలని తనదైన శైలిలో ట్వీట్ చేశాడు. దీనికి ఆదిత్య ధర్ స్పందిస్తూ ధన్యవాదాలు తెలిపాడు. సందీప్ తెరకెక్కిస్తున్న ‘స్పిరిట్’మూవీకి ఆల్ ది బెస్ట్ చెబుతూ, అవసరమైతే సాయం చేస్తానన్నాడు.
తన 30వ పుట్టినరోజు వేడుకలపై నటి రష్మిక మందన్న ఎమోషనల్ పోస్ట్ చేసింది. భర్త, అత్తమామలు, స్నేహితులతో కలిసి జరుపుకోవడం ప్రత్యేకమని తెలిపింది. తన ఊరిలోని ఆలయాన్ని దర్శించి, స్కూల్ జ్ఞాపకాలను గుర్తుచేసుకుంది. పెళ్లికి రాలేకపోయిన బంధువులను విందులో కలవడం సంతోషాన్నిచ్చిందని, తన ఎదుగుదలలో తోడున్న వారి సమక్షంలో వేడుకలు జరగడం జీవితంలో ఒక మంచి కారణం కోసమేనని పేర్కొంది.
తెలంగాణలో సింగిల్ స్క్రీన్ థియేటర్ల ప్రదర్శనపై వివాదం నెలకొంది. మల్టీప్లెక్స్ల తరహాలో 23 థియేటర్లు ‘పర్సంటేజీ’ పద్ధతిలో సినిమాలు ప్రదర్శించాలని ఫిల్మ్ ఛాంబర్ భావించగా, ప్రొడ్యూసర్స్ గిల్డ్ దీనిని తీవ్రంగా వ్యతిరేకించింది. గతంలో ఉన్న ‘అద్దె ప్రాతిపదికన’ మాత్రమే ప్రదర్శనలు కొనసాగించాలని, పర్సంటేజీ విధానం కుదరదని నిర్మాతలు స్పష్టం చేయడంతో సందిగ్ధత ఏర్పడింది.
సూపర్ స్టార్ మహేష్ బాబు, దర్శకుడు రాజమౌళి కాంబోలో వస్తున్న భారీ అడ్వెంచర్ మూవీ ‘వారణాసి’ గురించి క్రేజీ అప్డేట్ వచ్చింది. ఈ చిత్రానికి ఎం.ఎం. కీరవాణి సంగీతం అందిస్తున్నాడు. తాజాగా ఈ సినిమాలోని ఒక ప్రత్యేక గీతం కోసం బాలీవుడ్ పాపులర్ సింగర్ బాబుల్ సుప్రియోని ఎంచుకున్నట్లు కీరవాణి తెలిపాడు. ఆయనతో కలిసి దిగిన ఫొటోను షేర్ చేస్తూ.. పాట రికార్డింగ్ పూర్తయిందని వెల్లడించాడు.
తెలంగాణలో సినిమా ప్రదర్శనల విధానంపై వివాదం రేగింది. అద్దె విధానం వల్ల నష్టపోతున్నామని, ఇకపై పర్సెంటేజ్ పద్ధతిలోనే సినిమాలు ప్రదర్శిస్తామని ఫిలిం ఛాంబర్ ప్రకటించింది. హైదరాబాద్లోని 23 థియేటర్లలో దీనిని అమలు చేస్తున్నారు. మల్టీప్లెక్స్ తరహాలో తొలి వారం 60%, రెండో వారం 50%, మూడో వారం 40% వాటా ఇవ్వాలని ఎగ్జిబిటర్లు డిమాండ్ చేస్తున్నారు.
మలయాళ దర్శకుడు జీతూ సతీషన్ తెరకెక్కించిన మిస్టరీ థ్రిల్లర్ మూవీ ‘సంభవం అధ్యాయం ఒన్ను’. అతి తక్కువ బడ్జెట్తో రూపొందిన ఈ సినిమా దాదాపు రూ.6 కోట్లకుపైగా వసూళ్లు రాబట్టి బ్లాక్ బస్టర్ హిట్ అందుకుంది. తాజాగా ఈ సినిమా OTT రిలీజ్ డేట్ ఫిక్స్ అయ్యింది. జియో హాట్స్టార్లో ఏప్రిల్ 15 నుంచి మలయాళం, తెలుగు, తమిళం, కన్నడ, హిందీ భాషల్లో స్ట్రీమింగ్ కానుంది.
తనను జైలుకు పంపిన మాజీ ప్రేయసి సరస్వతి(మృణాల్ ఠాకూర్)పై హరిదాస్(అడివి శేష్) ఎలా పగ తీర్చుకున్నాడనేదే ‘డెకాయిట్’ కథ. శేష్, మృణాల్ కెమిస్ట్రీ, యాక్షన్ సీక్వెన్స్, పాటలు సినిమాకు ప్లస్. ఫస్టాఫ్ ఉత్కంఠగా ఉన్నా, సెకండాఫ్లో వేగం తగ్గడం, లాజిక్ లేని సీన్లు మైనస్. క్లైమాక్స్ ఎమోషనల్గా బాగుంది. మేకింగ్ పరంగా మెప్పించిన ఈ ఎమోషనల్ డ్రామా రేటింగ్:3/5.
ప్రభాస్ హీరోగా హను రాఘవపూడి దర్శకత్వంలో తెరకెక్కుతున్న పీరియడ్ వార్ డ్రామా ‘ఫౌజీ’ షూటింగ్ శరవేగంగా జరుగుతోంది. ఈ సినిమా కోసం మేకర్స్ ఒకేసారి రెండు యూనిట్లను రంగంలోకి దించారు. హను ప్రధాన తారాగణంపై కీలక సీన్లు తీస్తుండగా, సెకండ్ యూనిట్ భారీ యాక్షన్ ఎపిసోడ్స్ను చిత్రీకరిస్తోంది. దీనివల్ల పని వేగంగా జరగడమే కాక, క్వాలిటీ కూడా అద్భుతంగా వస్తుందని చిత్రబృందం భావిస్తోంది.
