తమిళనాడు అసెంబ్లీ ఎన్నికల్లో టీవీకే పార్టీ 108 స్థానాలను కైవసం చేసుకున్న విషయం తెలిసిందే. ఈ నేపథ్యంలో విజయ్ నటించిన ‘జననాయగన్’ మూవీ నిర్మాణ సంస్థకు అభిమానులు ఓ రిక్వెస్ట్ చేస్తున్నారు. సినిమా టైటిల్ కార్డుపై సీఎం విజయ్ అని వేయాలంటూ సోషల్ మీడియాలో పోస్ట్లు పెడుతున్నారు. కాగా, ఈ ఎన్నికల్లో డీఎంకే, అన్నాడీఎంకేలను కంగుతినిపించి తమిళ రాజకీయ చరిత్రను విజయ్ తిరగరాశారు.
మలయాళ చిత్ర పరిశ్రమ విజయ రహస్యాన్ని నటుడు ఫహాద్ ఫాజిల్ తనకు వివరించారని నిర్మాత రవిశంకర్ తెలిపారు. ‘కేవలం రూ.20 కోట్ల బడ్జెట్తోనే బాహుబలి స్థాయి వసూళ్లు సాధించే సినిమాలను ఎలా నిర్మించాలనే దానిపైనే మాలీవుడ్ ఎక్కువగా దృష్టి సారిస్తుందని ఆయన పేర్కొన్నారు. భారీ ఖర్చు కంటే బలమైన కథనే నమ్ముకుని అద్భుతాలు సృష్టించడం మా ప్రత్యేకత’ అని ఫహద్ చెప్పినట్టు రవిశంకర్ వెల్లడించారు.
స్టార్ మా: ఇంకొక్కడు (9AM); జీతెలుగు: సంతోషం(9AM), ఇస్మార్ట్ శంకర్(4:30PM); ఈటీవీ: కిల్లర్(9AM) ; స్టార్మా మూవీస్: గురువాయూర్ అంబలనాడాయిల్(7AM), మాస్(9AM), జులాయి(12PM), శాకిని డాకిని(3PM), అమరన్(6PM), శుభం(9PM); జీ సినిమాలు: అదిరిందయ్యా చంద్రం (7AM), అంతఃపురం(12PM), సాక్ష్యం(3PM), మాచర్ల నియోజకవర్గం(6PM).
స్టార్ హీరో సూర్య నటిస్తున్న తాజా చిత్రం ‘కరుప్పు’ సెన్సార్ కార్యక్రమాలను పూర్తి చేసుకుంది. ఈ చిత్రానికి సెన్సార్ బోర్డు U/A సర్టిఫికెట్ మంజూరు చేసింది. 2 గంటల 30 నిమిషాల 47 సెకన్ల నిడివితో ఈ సినిమా థియేటర్లలో సందడి చేయనుంది. ఆర్జే బాలాజీ దర్శకత్వంలో తెరకెక్కిన ఈ చిత్రంలో త్రిష హీరోయిన్గా నటిస్తోంది. మే 14న ఈ మూవీ తమిళంతో పాటు తెలుగులోనూ గ్రాండ్గా విడుదల కానుంది.
నేచురల్ స్టార్ నాని హీరోగా నటిస్తున్న ‘ప్యారడైజ్’ చిత్రానికి అనిరుధ్ రవిచందర్ సంగీతం అందిస్తున్నాడు. ఇప్పటికే ఈ చిత్రం నుంచి విడుదలైన ‘ఆయా షేర్’ సాంగ్ సోషల్ మీడియాలో సంచలనం సృష్టిస్తోంది. కాగా, ఈ సినిమా కోసం అనిరుధ్ భారీ మొత్తంలో పారితోషకం తీసుకున్నట్లు సినీ వర్గాల్లో చర్చ జరుగుతోంది. దాదాపు రూ.15 కోట్ల రెమ్యునరేషన్ అందుకున్నట్లు సమాచారం.
తమిళనాడు అసెంబ్లీ ఎన్నికల్లో విజయం సాధించిన విజయ్కి మెగాస్టార్ చిరంజీవి విషెస్ తెలిపారు. ‘తొలి ఎన్నికల్లో అసాధారణ విజయం సాధించిన విజయ్కు అభినందనలు. ఇదే స్ఫూర్తి, నాయకత్వం, సేవను మున్ముందు కొనసాగించాలని ఆశిస్తున్నా. తమిళ ప్రజలు, రాష్ట్రానికి సేవ చేసేందుకు సిద్ధమైన విజయ్కు నా హృదయ పూర్వక శుభాకాంక్షలు’ అని ట్వీట్ చేశారు.
మొదటి ఎన్నికల్లోనే విజయ్ అద్భుతమైన విజయం సాధించారని కోలీవుడ్ హీరో విశాల్ ప్రశంసించాడు. యావత్ తమిళనాడులో MGR నాటి కాలం పునరావృతమైందని అన్నాడు. ‘ప్రజలు మార్పు కోరుకుంటే ఎవ్వరూ ఆపలేరు. నేటి రాజకీయ పరిస్థితులే అందుకు నిదర్శనం. ఎన్నికల్లో టీవీకే విజయం సాధించినందుకు శుభాకాంక్షలు. రాష్ట్రాభివృద్ధితో పాటు, చిత్ర పరిశ్రమ అభివృద్ధికి కృషి చేస్తారని ఆశిస్తున్నా’ అని పేర్కొన్నాడు.
పశ్చిమ బెంగాల్ అసెంబ్లీ ఎన్నికల ఫలితాలపై హీరో నిఖిల్ సిద్ధార్థ్ సంచలన వ్యాఖ్యలు చేశాడు. పౌరుల భద్రతను విస్మరించిన ప్రభుత్వానికి అక్కడి ప్రజలు సరైన బుద్ధి చెప్పారని సోషల్ మీడియా వేదికగా పోస్ట్ చేశాడు. కోల్కతాలోని ఆర్.జి. కర్ మెడికల్ కాలేజీ ఘటనను ఉద్దేశిస్తూ.. బెంగాల్ ప్రజలు దేనినీ మర్చిపోలేదని తెలిపాడు. ఓట్ల రూపంలో ప్రజలు తమ వ్యతిరేకతను వ్యక్తం చేశారని పేర్కొన్నాడు.
తమిళనాడు అసెంబ్లీ ఎన్నికల్లో విజయం సాధించిన విజయ్కు ‘జన నాయగన్’ చిత్ర నిర్మాత నారాయణ శుభాకాంక్షలు తెలిపారు. ‘మా ‘జన నాయగన్’కు హార్దిక శుభాకాంక్షలు. దళపతి విజయ్ అన్ని అడ్డంకులు దాటుకుని చారిత్రక విజయం సాధించారు. దళపతి విజయ్ అన్ని అడ్డంకులు దాటుకుని చారిత్రక విజయం సాధించారు’ అని ప్రశంసించారు.
తమిళనాడు అసెంబ్లీ ఎన్నికల్లో టీవీకే అధినేత విజయ్ గెలుపొందారు. దీంతో విజయ్కు సోషల్ మీడియా వేదికగా సూపర్స్టార్ మహేష్ బాబు శుభాకాంక్షలు తెలిపాడు. ‘అద్భుత విజయం సాధించిన విజయ్కు శుభాకాంక్షలు. ఈరోజు ప్రజలు మీపై ఉంచిన అపార నమ్మకానికి ఈ విజయం నిదర్శనం. తమిళనాడు అభివృద్ధికి ఈ విజయం అర్థవంతమైన బాటలు వేస్తుందని విశ్వసిస్తున్నా’ అని మహేష్ ట్వీట్ చేశాడు.
నిర్మాత నాగవంశీ తన సితార ఎంటర్టైన్మెంట్స్ బ్యానర్పై ఇప్పుడు ఓటీటీ వైపు అడుగులు వేస్తున్నాడట. నెట్ఫ్లిక్స్తో జతకట్టి ఆయన ఓ వెబ్ సిరీస్ను నిర్మించనున్నట్లు సమాచారం. ఇందులో హీరో సిద్ధూ జొన్నలగడ్డ ప్రధాన పాత్ర పోషించనున్నట్లు తెలుస్తోంది. త్వరలోనే ఈ క్రేజీ ప్రాజెక్ట్ షూటింగ్ ప్రారంభం కానుందట. ఈ కాంబోపై ఇండస్ట్రీలో భారీ అంచనాలు నెలకొన్నాయి.
మెగాస్టార్ చిరంజీవి, దర్శకుడు బాబీ కాంబోలో క్రేజీ సినిమా ‘మెగా 158’ రాబోతుంది. ఈ సినిమాలో చిరు ఎంట్రీ కోసం బాబీ రంగం సిద్ధం చేస్తున్నాడట. ఈ ఇంట్రడక్షన్ సీక్వెన్స్ కోసం భారీ సెట్ను ఏర్పాటు చేస్తున్నట్లు తెలుస్తోంది. ఇందులో చిరుతో పాటు 40 మంది ఫైటర్స్ కనిపించనున్నారట. అంతేకాదు ఈ సీక్వెన్స్లో చిరుని కొత్తగా చూపించనున్నట్లు సమాచారం.
సూర్య, త్రిష జంటగా ఆర్జే బాలాజీ దర్శకత్వంలో వస్తున్న ప్రతిష్టాత్మక చిత్రం ‘కరుప్పు’. ఇవాళ త్రిష బర్త్ డే సందర్భంగా మేకర్స్ ఆమెకు విషెస్ తెలియజేశారు. ఈ మేరకు స్పెషల్ పోస్టర్ షేర్ చేశారు. ఈ పోస్టర్లో త్రిష సంప్రదాయబద్ధమైన చీరలో ఎంతో అందంగా కనిపిస్తూ నెటిజన్లను ఆకట్టుకుంటోంది. ఇక 2026, మే 14న ఇది థియేటర్లలో రిలీజ్ కానుంది.
హీరోయిన్ త్రిషకు మంచు లక్ష్మి పుట్టినరోజు శుభాకాంక్షలు తెలిపింది. ఈ మేరకు సోషల్ మీడియా వేదికగా ఒక ఆసక్తికర పోస్ట్ చేసింది. ‘త్రిషకు పుట్టినరోజున అదిరిపోయే గిఫ్ట్ వచ్చింది. విశ్వమే తనకు ఈ విజయాన్ని బహుమతిగా ఇచ్చింది. ఈ రోజు నీకు డబుల్ సెలబ్రేషన్’ అంటూ TVK విజయాన్ని కూడా పరోక్షంగా ప్రస్తావిస్తూ పేర్కొంది.
తమిళనాడు రాజకీయాల్లో విజయ్ సాధించిన విజయంపై సినీ తారలు హర్షం వ్యక్తం చేస్తున్నారు. ‘తొలి ఎన్నికల్లోనే ఇంతటి అద్భుతమైన ప్రభావాన్ని చూపిన విజయ్కి అభినందనలు. ఇది చారిత్మక విజయం. మీపై ప్రజలు పెట్టుకున్న నమ్మకం చూస్తుంటే గర్వంగా ఉంది’ అంటూ విక్రమ్, శివకార్తికేయన్, నిఖిల్, వరలక్ష్మి శరత్ కుమార్ తదితరులు పోస్టులు పెడుతున్నారు.
