SKLM: పోలాకి(మం) గంటపేట గ్రామంలో రామాలయ ప్రతిష్ట మహోత్సవ కార్యక్రమం గ్రామస్తులు ఘనంగా నిర్వహించారు. బుధవారం గ్రామస్తుల ఆహ్వానం మేరకు మాజీ మంత్రి ధర్మాన కృష్ణ దాస్ స్వామివారిని దర్శించుకుని ప్రత్యేక పూజలు చేశారు. ఆలయ అర్చకులు వేదమంత్రాలతో ఆశీర్వదించి, ప్రసాదాలు అందజేశారు. ఈ కార్యక్రమంలో ఎంపీపీ ముద్దాడ బైరాగి నాయుడు వైసీపీ నాయకులు ఉన్నారు.
KKD: పేదల భూములపై టీడీపీ నేతల కన్నుపడిందని తోట నరసింహం అన్నారు. జగ్గంపేటలో డ్రైవర్స్ కాలనీ స్ధలాల కబ్జాకు టీడీపీ నేతలు యత్నం చేస్తున్నారని ఆరోపించారు. 2010లో అప్పటి మంత్రిగా ఉన్న తాను సర్వే నంబర్ 196/2లో సుమారు 200 పేద కుటుంబాలకు ఇళ్ళ పట్టాల పంపిణీ చేశానన్నారు. బాధితులతో కలిసి నరసింహం కలెక్టర్ షాన్ మోహన్కు ఫిర్యాదు చేశారు.
E.G: YCPని జిల్లా వ్యాప్తంగా గ్రామ స్థాయి నుంచి బలోపేతం చేసేలా కార్యాచరణ రూపొందిస్తున్నట్లు మాజీ CM జగన్కు ఆ పార్టీ జిల్లా ఆర్గనైజింగ్ కార్యదర్శి కుసులూరి వెంకట సతీశ్ వివరించారు. దేవరపల్లి (M) వ్యాప్తంగా గ్రామ కమిటీల నియామకం పూర్తయిందని తెలిపారు. ఈ సందర్భంగా రాబోయే పంచాయతీ ఎన్నికలకు ఇప్పటి నుంచే పక్కా వ్యూహరచన చేయాలని జగన్ ఆయనకు దిశానిర్దేశం చేశారు.
NDL: నందికొట్కూరు బార్ అసోసియేషన్ నూతన కమిటీ ఎన్నికలకు ఈ నెల 30న పోలింగ్ నిర్వహించనున్నట్లు ఎన్నికల అధికారి సీనియర్ న్యాయవాది వెంకటరాముడు మంగళవారం తెలిపారు. 25న నామినేషన్లు స్వీకరణ, 26న ఉపసంహరణ జరుగుతాయని చెప్పారు. 30న పోటీలో ఉన్న న్యాయవాదులను ఓటర్లు ఎన్నుకుంటారు. 15 ఏళ్ల అనుభవం ఉన్నవారు అధ్యక్ష పదవికి అర్హులని పేర్కొన్నారు.
VZM: రేగిడి మండల వెటర్నరీ డాక్టర్ దుర్గాప్రసాద్ ఆధ్వర్యంలో బుధవారం స్థానిక వన్నలిలో పశువులకు గాలికుంటు వ్యాధి నివారణ టీకాల కార్యక్రమాన్ని పశు వైద్య సిబ్బంది నిర్వహించారు. ఈ సందర్భంగా గాలికుంటు వ్యాధి టీకాల కోసం అవగాహనా, వ్యాధి లక్షణాలు, చికిత్స రైతులకు వెటర్నరీ అసిస్టెంట్ నరసింహులు, సర్పంచ్ గార రమణ తెలియజేశారు.
PPM: మహిళలు బస్సు ప్రయాణాలు చేస్తున్నప్పుడు అప్రమత్తంగా ఉండాలని శక్తి టీమ్ హెడ్ కానిస్టేబుల్ సీతయ్య తెలిపారు. బుధవారం సాలూరు ఆర్టీసీ కాంప్లెక్స్ వద్ద మహిళలు తీసుకోవాల్సిన జాగ్రత్తలను వివరించారు. మెడలో బంగారు ఆభరణాలు కప్పుకోవాలని కోరారు. సెల్ ఫోన్ ఉన్న ప్రతి ఒక్క మహిళ శక్తి యాప్ డౌన్లోడ్ చేసుకోవాలని, ఆపద సమయంలో ఎస్వోఎస్ బటన్ ప్రెస్ చేయాలని చెప్పుకొచ్చారు.
SKLM: ఆమదాలవలస పట్టణంలోని శ్రీ దేవి భూదేవి సమేత ప్రసన్న వెంకటేశ్వర స్వామి దేవాలయంలో హుండీ లెక్కింపు జరిగింది. దేవాదాయ శాఖ అధికారులు, ఆలయ అర్చకులు, భక్తులు, పోలీసుల సమక్షంలో హుండీని తెరిచి లెక్కించగా మొత్తం రూ. 1,49,320 వచ్చినట్లు ఆలయ కార్యనిర్వాహణాధికారి సీహెచ్ ప్రభాకర్ రావు మంగళవారం తెలిపారు.
అన్నమయ్య: ఎర్రచందనం స్మగ్లర్ బుక్కే లక్ష్మీనారాయణ నాయక్ మంగళవారం తిరుపతి RSS JFCM కోర్టులో స్వచ్ఛందంగా లొంగిపోయాడని పోలీసులు తెలిపారు. మెజిస్ట్రేట్ అతనికి రిమాండ్ విధించి పీలేరు జైలుకు తరలించారు. నందలూరు, రాజంపేట పోలీస్ స్టేషన్ల పరిధిలో ఇతనిపై నాలుగు కేసులు ఉన్నట్లు అధికారులు వెల్లడించారు.
కడప నగరపాలక సంస్థ కమిషనర్ రాకేష్ చంద్ర నగరంలో మార్నింగ్ విజిట్ నిర్వహించి ప్రధాన రహదారుల పరిశుభ్రత కార్యక్రమాలను పరిశీలించారు. ఒంటిమిట్ట బ్రహ్మోత్సవాల నేపథ్యంలో ప్రత్యేక బృందాలతో కలిసి శుభ్రత పనులను పర్యవేక్షించారు. క్లాప్ వాహనాల ద్వారా చెత్త సేకరణ విధానాన్ని తనిఖీ చేసి, సమయానికి చెత్త తరలించాలని సిబ్బందికి ఆదేశాలు జారీ చేశారు.
ATP: నార్పల మండలం గూగూడు కుళ్లాయి స్వామి ఆలయ హుండీ లెక్కింపు బుధవారం నిర్వహించారు. గత 10 నెలలకు గాను రూ. 28.11 లక్షల ఆదాయం వచ్చినట్లు ఆలయ ఈవో శోభ వెల్లడించారు. నగదుతో పాటు 17 గ్రాముల బంగారం, 150 గ్రాముల వెండి వస్తువులను భక్తులు కానుకలుగా సమర్పించారు. దేవాదాయ శాఖ అధికారుల పర్యవేక్షణలో ఈ లెక్కింపు ప్రక్రియ పూర్తి చేశారు.
ASR: అరకు(మం) మాదల పంచాయతీ దాబుగూడ నుంచి కమలతోట వెళ్లే రహదారి నిర్మాణం వెంటనే చేపట్టాలని ఆదివాసీ గిరిజన సంఘం అరకు మండల కమిటీ సభ్యుడు కుమిడి రమేష్ డిమాండ్ చేశారు. ఆయా గ్రామాలకు ఇప్పటికే రహదారి మంజూరైన నిర్మాణం ప్రారంభించలేదని మండిపడ్డారు. రహదారి లేక ప్రజలు ఇబ్బందులు పడుతున్నారని చెప్పుకొచ్చారు.
GNTR: పొన్నూరులో ముస్లింల సంక్షేమం కోసం ఏర్పడిన అంజుమన్ కమిటీ, హామీలు నెరవేర్చలేకపోయిందని 28వ వార్డు డైరెక్టర్ సయ్యద్ జానీ భాష విమర్శించారు. ఏడాది కాలంగా పేదలు, వితంతువులకు సహాయం అందలేదని ఆవేదన వ్యక్తం చేశారు. కమిటీ పని తీరు నచ్చక తన డైరెక్టర్ పదవికి రాజీనామా చేస్తున్నట్లు ప్రకటించారు. ముస్లిం సమాజానికి న్యాయం చేయాలని కమిటీకి సూచించారు.
SS: మంత్రి సత్యకుమార్ ఆదేశాల మేరకు ధర్మవరం మున్సిపాలిటీలో జరుగుతున్న మాస్టర్ తనిఖీలో నియోజకవర్గ ఇంఛార్జ్ హరీష్ బాబు పాల్గొన్నారు. కొత్తపేట అండర్ బ్రిడ్జి వద్ద కాలువల పూడికతీత పనులను ఆయన క్షేత్రస్థాయిలో పరిశీలించారు. వర్షాకాలంలో ప్రజలకు ఇబ్బందులు కలగకుండా ముందస్తు చర్యలు చేపట్టాలని అధికారులను ఆదేశించారు.
కోనసీమ: మహిళలకు ఉపాధి కల్పించడంలో భాగంగా సముద్రపు నాచు పెంపకానికి కార్యాచరణ రూపొందించాలని జేసీ నిశాంతి అధికారులను ఆదేశించారు. మంగళవారం కలెక్టరేట్లో శాస్త్రవేత్తలు, జిల్లా గ్రామీణాభివృద్ధి సంస్థ, మత్స్య శాఖ అధికారులతో సమీక్ష నిర్వహించారు. కాట్రేనికోన, ఉప్పలగుప్తం, అల్లవరం మండలాల్లో 5 గ్రామాల చొప్పున ఎంపిక చేసి 20 క్లస్టర్లు ఏర్పాటు చేయాలన్నారు.
ప్రకాశం: ఒంగోలు నగరంలో ఇప్పటివరకు 50 డివిజన్లు ఉండగా 66కు పెరగనున్నట్లు తెలుస్తుంది. వార్డులు, డివిజన్ల పునర్విభజనపై ప్రభుత్వం మంగళవారం ఉత్తర్వులు జారీ చేసింది. ఒంగోలు కార్పొరేషన్గా ఏర్పడిన తర్వాత జనాభా 3.10 లక్షల మందిగా ఉన్నారు. కొత్త జనాభా లెక్కల ప్రకారం ఆ సంఖ్య పెరగనుంది. దీంతో ఒంగోలును 66 డివిజన్లుగా పునర్విభజించనున్నారు.
