SaamiSaamiSongSchoolGirl
అల్లు అర్జున్ (Allu Arjun), రష్మిక మందన్న (Rashmika Mandanna) హీరో హీరోయిన్లుగా వచ్చిన పుష్ప సినిమా (pushpa film) ఎంత పెద్ద హిట్ అయిందో తెలిసిందే. ఈ సినిమా లోని ‘సామి సామి’ పాట (Saami Saami Song) ఇప్పటికీ అదరగొడుతోంది. సుకుమార్ (Sukumar) తెరకెక్కించిన ఈ సీనిమా కరోనా కాలంలో 2021లో విడుదలైనప్పటికీ, బాక్సాఫీస్ వద్ద సంచలనం సృష్టించింది. ఈ పాటను చంద్రబోస్ రాయగా… మౌనిక యాదవ్ పాడారు. ఈ పాట తెలుగులో ఎంత హిట్ అయిందో, హిందీలోను అంతే ఘన విజయం సాధించింది. ఇప్పటికీ ఈ పాటను చాలామంది వివిధ వేదికలపై ప్రదర్శిస్తారు. తాజాగా ఓ స్కూల్లో చిన్నారులు ఈ పాటకు డ్యాన్స్ చేసిన వీడియో ఇంటర్నెట్ లో వైరల్ గా మారింది. మూడు రోజుల క్రితం దీనిని ట్విట్టర్ లో పోస్ట్ చేయగా, 2వేలకు పైగా లైక్స్ వచ్చాయి. వేలాది మంది చూశారు. దీనిని సబితా చంద అనే ట్విట్టరిటీ ‘హ్యాపీ సాటర్ డే, సెండింగ్ యు గుడ్ వైబ్స్, స్ప్రెడ్ జాయ్’ అంటూ ఆ చిన్నారుల వీడియోను చాలా రోజుల తర్వాత షేర్ చేశారు.
ఇప్పటి వరకు ఈ పాటకు యువకులు, పెద్దలు, పెళ్లిళ్లు సహా వివిధ వేదికల్లో డ్యాన్సులు చేసి అలరించి ఉంటారు. కానీ ప్రస్తుత వీడియో మాత్రం చిన్నారులది. ఈ వీడియోను చూసిన అల్లు అర్జున్ – రష్మిక మందన్న అభిమానులు అబ్బురపడుతున్నారు. ముఖ్యంగా ఈ పిల్లలు కేవలం నాలుగైదేళ్ల అమ్మాయిలు ఉండటం అందరినీ ఆకట్టుకుంటుంది. ఈ వైరల్ డ్యాన్స్ వీడియోలో స్కూల్ యూనిఫామ్ లో ఉన్న చిన్న అమ్మాయి స్టేజ్ పైన సామి.. సామి పాటకు డ్యాన్స్ తో అదరగొట్టింది. ఆమె డ్యాన్స్ చేస్తుంటే… వేదిక ముందు ఉన్న ఇతర చిన్నారులు కూడా డ్యాన్స్ చేస్తూ కనిపించారు. స్టేజ్ పైన ఉన్న చిన్నారి చాలా ఎనర్జిటిక్ గా డ్యాన్స్ చేసింది.
ఇది చదవండి: Anand Mahindra: నీటిపై గుర్రం పరుగు.. వీడియోపై నెటిజన్ల ఆగ్రహం!
చిన్నారులు పవర్ ప్యాక్ పర్ఫార్మెన్స్ ఇచ్చారని జ్యోతి అనే నెటిజన్ స్పందించారు. ఆమె రాక్ స్టార్ అంటూ మరో నెటిజన్ ప్రశంసించారు. ఆ చిన్నారి ఎనర్జీ, వైబ్స్, మ్యాజికల్… ఇలా అన్నీ ఆ చిన్నారిలో కనిపించాయని, ట్యూన్ కు అనుగుణంగా డ్యాన్స్ చేస్తున్న వీరి డ్యాన్స్ ను షేర్ చేసి, అందమైన రోజును ప్రారంభించేలా చేసినందుకు థ్యాంక్స్ అని మరో నెటిజన్ పేర్కొన్నారు. మరికొందరు హాస్యాస్పదంగా కూడా స్పందించారు. చిన్నారి కాన్ఫిడెన్స్ అదుర్స్ అంటూ మరొకరు పేర్కొన్నారు. రష్మిక మందన్న ఇరవై ఏళ్ల క్రితం అంటూ కౌషల్ పటేల్ అనే నెటిజన్ పేర్కొన్నాడు. ఈ చిన్నారుల సామి సామి పాట వీడియో నెటిజన్లను ఆకట్టుకుంటోంది. అల్లు అర్జున్, రష్మిక మందన్న అభిమానులు ముగ్ధులవడం పక్కా.
పాన్ ఇండియాగా రూపొందిన పుష్ప చిత్రం బాలీవుడ్‌లోను పబ్లిసిటీ లేకుండా విడుదలైంది. బన్నీ స్టామినా చూపిస్తూ.. అక్కడ కూడా వంద కోట్ల క్లబ్‌లోకి చేరింది. ఈ సినిమాలోని దాదాపు అన్ని పాటలు సూపర్ హిట్. సామి.. సామి పాటతో పాటు ఊ అంటవా మావా.. ఊహూ అంటావా, చూపే బంగారమాయెనే శ్రీ వళ్లీ… సాంగ్స్ భాషతో సంబంధం లేకుండా అందరినీ అలరించాయి. ఈ సినిమా విడుదలై ఏడాది దాటినా ఇప్పటికీ ఈ సాంగ్స్ కు క్రేజ్ తగ్గలేదు.
Happy Saturday! Sending you good vibes. Spread joy 👌✨ pic.twitter.com/oEXF03otLm
— Sabita Chanda (@itsmesabita) March 4, 2023
