సూర్య నటిస్తున్న లేటెస్ట్ మూవీ ‘కంగువా’ నుంచి గ్లింప్స్ రిలీజ్ అయ్యాయి. పాన్ ఇండియాగా తెరకెక్కుతున్న ఈ మూవీకి శివ దర్శకత్వం వహిస్తున్నారు. గతంలో శివ తెలుగులో శౌర్యం, శంఖం, దరువు సినిమాలు డైరెక్టర్ గా పనిచేశారు. సూర్య కెరీర్ లోని బిగ్గెస్ట్ బడ్జెట్ సినిమాగా ఇది తెరకెక్కబోతుంది. ఈ చిత్రాన్ని సుమారు రూ.350 కోట్లతో నిర్మిస్తున్నారు. ఇప్పటికే రిలీజైన పోస్టర్లు సినిమాపై అంచనాలను భారీగా పెంచేశాయి. ప్రస్తుతం శరవేగంగా షూటింగ్ జరుపుకుంటున్న ఈ సినిమాను వచ్చే ఏడాది విడుదల చేయనున్నారు.
కాగా శనివారం అర్థరాత్రి 12 గంటలకు గ్లింప్స్ విడుదల చేశారు. అది చూస్తేంటే సూర్యకి హిట్ పక్కా అని తెలుస్తోంది. ఆయన లుక్ చాలా డిఫరెంట్ గా ఉంది. మెడలో పులిగోళ్లు, శత్రువులను చంపే విధానం చాలా భిన్నంగా అనిపిస్తుంది. ఇలాంటి సినిమా సూర్య చేయడం ఇదే మొదటిసారి కావచ్చు. ఈ సినిమాను పీరియాడిక్‌ డ్రామాగా తెరకెక్కిస్తున్నారు. ఇందులో సూర్య యుద్ధ వీరుడిగా కనిపించబోతున్నాడు. స్టూడీయో గ్రీన్‌ బ్యానర్‌తో కలిసి యూవీ క్రియేషన్స్‌ సంయుక్తంగా ఈ సినిమానూ నిర్మిస్తుంది. ఈ సినిమాలో సూర్య సరసన బాలీవుడ్ బ్యూటీ దిశాపటానీ నటిస్తోంది. ఈ చిత్రానికి రాక్‌స్టార్‌ దేవి శ్రీ ప్రసాద్‌ సంగీతం అందిస్తున్నారు. ఈ మూవీని దాదాపు 10 భాషల్లో విడుదల చేయడానికి సన్నాహాలు చేస్తుండటం విశేషం.
