ఏపీలో ఆర్ఆర్ఆర్ రికార్డును వాల్తేరు వీరయ్య బద్దలు కొట్టింది. మెగాస్టార్ చిరంజీవి నటించిన వాల్తేరు వీరయ్య ప్రేక్షకుల ముందుకు వచ్చింది. ఈ సినిమాలో వింటేజ్ లుక్ లో చిరు అదిరిపోయారు. మొత్తానికి తన సినిమాతో ఫ్యాన్స్ కు చిరు పూనకాలు తెప్పించాడు. ఇందులో చిరు కామెడీ టైమింగ్స్ కూడా అదుర్స్ అంటూ ఆడియన్స్ ఎంజాయ్ చేస్తున్నారు. సంక్రాంతి కానుకగా విడుదలైన
ఈ సినిమా థియేటర్లలో కాసుల వర్షం కురిపిస్తోంది. తొలి రోజే రూ.50 కోట్ల గ్రాస్ కలెక్షన్స్ ను వాల్తేరు వీరయ్య వసూలు చేయగా ఆ తర్వాత మూడు రోజులకు రూ.108 కోట్ల గ్రాస్ కలెక్షన్లు రాబట్టింది. ఇప్పుడు చిరు వాల్తేరు వీరయ్య సినిమా మరో రికార్డును బద్దలు కొట్టింది. ఏపీలోని తాడిపత్రిలో గతంలో ఆర్ఆర్ఆర్ సినిమా విడుదలై రూ.9.4 లక్షల గ్రాస్ ను వసూలు చేసింది. అయితే ఇప్పుడు ఆ కలెక్షన్స్ ను వీరయ్య దాటేశాడు. వాల్తేరు వీరయ్య మూడు రోజులకు గాను రూ.11.23 లక్షల గ్రాస్ కలెక్షన్స్ ను సాధించింది. దీంతో ఇండస్ట్రీలో మొదటి స్థానం ఇంకా తనదే అంటూ చిరు నిరూపించుకున్నాడు.
