BPT: యధార్థమైన బుద్ధుని ధాతువు అయిన భట్టిప్రోలు స్థూపం అత్యంత ప్రాచీన చారిత్రక స్థలాల్లో ఒకటిగా భాసిల్లుతోంది. శాసనాల రీత్యా ఈస్థూపం క్రీ.పూ.4-3 శతాబ్దాల అశోకుడి కాలంలో నిర్మించినట్లు చరిత్ర చెబుతోంది. ఈస్థూపం చక్రాకార పథం కలిగి ఉంటుంది. భట్టిప్రోలులో లభ్యమైన అవశేషాలన్నింటిలోనూ బండరాయి పెట్టెలపైన లిఖించిన శాసనాలు ప్రపంచ ప్రఖ్యాతి గాంచాయి.
PPM: సంక్రాతి పండగ సందర్భంగా అందరి కళ్ళల్లో సంతోషం చూడాలననేదే తమ లక్ష్యమని ఎమ్మెల్యే విజయ్ చంద్ర అన్నారు. పార్వతీపురం పురపాలక సంఘం కార్యాలయం వద్ద ఉద్యోగులు, సిబ్బందికి ఎమ్మెల్యే వస్త్రాలు పంపిణీ చేశారు. ఈ సందర్భంగా ఆయన మాట్లాడుతూ.. ఉద్యోగుల సంక్షేమం కోసం ప్రభుత్వం ప్రత్యేక దృష్టి సారిస్తుందన్నారు.
GNTR: జిల్లా ఎస్పీ కార్యాలయంలో స్వాతంత్ర సమరయోధుడు వడ్డే ఓబన్న జయంతి వేడుకలు ఘనంగా నిర్వహించారు. ఈ సందర్భంగా ఎస్పీ సతీష్ ఓబన్న చిత్రపటానికి పూలమాలవేసి నివాళులర్పించారు. ఈ సందర్భంగా ఎస్పీ మాట్లాడుతూ.. ఉయ్యాలవాడ నరసింహారెడ్డితో కలిసి వడ్డే ఓబన్న విశేష కృషి చేసి తెలుగువారి ఆత్మగౌరవం నిలబెట్టడం కోసం విరోచితంగా పోరాడారన్నారు.
ASR: పాపికొండల విహారయాత్రకు పర్యాటకులు పోటెత్తారు. శనివారం దేవీపట్నం మండలం నుంచి పాపికొండల విహారయాత్రకు 10 పర్యాటక బోట్లలో 640 మంది పర్యాటకులు వెళ్లారని, వారందరికీ లైఫ్ జాకెట్లు ఇచ్చినట్లు టూరిజం శాఖ అధికారి సాంబశివరావు తెలిపారు. ఉదయం వెళ్లిన బోట్లు గోదావరి నదిలో విహారయాత్ర అనంతరం సాయంత్రం 5 గంటలలోపు గమ్యస్థానానికి చేరుకుంటాయని తెలిపారు.
ASR: కాఫీ పండ్ల సేకరణ లక్ష్యాలు సాధించకపోతే సంబంధిత సిబ్బందిపై చర్యలు తీసుకుంటామని పాడేరు ఐటిడిఏ పిఓ వి. అభిషేక్ హెచ్చరించారు. శనివారం ఐటీడీఏ కార్యాలయంలో అరకు నియోజకవర్గం మండలాల కాఫీ ఏఈవోలు, ఫీల్డ్ కన్సల్టెంట్లు, హార్టికల్చర్ కన్సల్టెంట్లతో ఆయన కాఫీ పండ్ల సేకరణపై సమావేశం నిర్వహించారు. ఈనెల 20వ తేదీ నాటికి నిర్దేశించిన లక్ష్యాలను సాధించాలని ఆదేశించారు.
AKP: సంక్రాంతి పండగ పురస్కరించుకుని పేకాట, జూదం, తదితర అసాంఘిక కార్యక్రమాలు నిర్వహిస్తే కఠిన చర్యలు తీసుకుంటామని అనకాపల్లి ఎస్పీ తుహీన్ సిన్హా హెచ్చరించారు. ఆయన మాట్లాడుతూ.. శాంతి భద్రతలకు భంగం కలిగించే ఇటువంటి కార్యకలాపాలకు ప్రజలు దూరంగా ఉండాలన్నారు. కుటుంబ సభ్యులతో ఆనందంగా సంక్రాంతి పండుగను జరుపుకోవాలని సూచించారు.
సత్యసాయి: మడకశిర పట్టణంలోని ప్రభుత్వ జూనియర్ కళాశాల మైదానంలో శనివారం జర్నలిస్టులు, పోలీసుల ఆధ్వర్యంలో ఘనంగా వీఐపీ సంక్రాంతి ప్రీమియర్ లీగ్ లెదర్ బాల్ టోర్నమెంట్ ప్రారంభోత్సవం జరిగింది. ఈ కార్యక్రమానికి ముఖ్య అతిథులుగా గ్రామీణ సీఐ రాజ్ కుమార్, టీడీపీ పార్టీ మండల కన్వీనర్ లక్ష్మీనారాయణ పాల్గొన్నారు.
సత్యసాయి: సోమందేపల్లి మండలం గుడ్డంనాగేపల్లిలో ప్రభుత్వం ప్రవేశపెట్టిన మినీ గోకులం షెడ్ ప్రారంభోత్సవ కార్యక్రమం శనివారం నిర్వహించారు. ఈ కార్యక్రమంలో మండల కన్వీనర్ సిద్ద లింగప్ప, మాజీ జడ్పీటీసీ వెంకటరమణ, పార్లమెంట్ కార్యదర్శి చంద్రశేఖర్, రాష్ట్ర వాల్మీకి కార్పొరేషన్ డైరెక్టర్ డీవీ ఆంజనేయులు, ఎంపీడీవో, APO, TA, FA లు, ఉపాధి హామీ సిబ్బంది పాల్గొన్నారు.
NLR: వెంకటాచలం మండలం కసుమూరులో డెంగీ కేసు నమోదు కావడంతో వైద్య ఆరోగ్య శాఖ అధికారులు అప్రమత్తమయ్యారు. మలేరియా సబ్ యూనిట్ ఆఫీసర్ సుధాకర్ రెడ్డి ఆధ్వర్యంలో కసుమూరు కొండ కింద ఎస్సీ కాలనీ, మంగళంపాడు తదితర గ్రామాల్లో లార్వా సర్వే నిర్వహించారు. ఇంటింటికీ వెళ్లి జ్వరాలపై ఆరా తీశారు. ఇళ్ల ఆవరణలో నీటి నిల్వ లేకుండా చేసుకోవాలని ప్రజలకు సూచించారు.
ATP: వైసీపీ జిల్లా ఉపాధ్యక్షురాలిగా గుంతకల్లు మాజీ ఎమ్మెల్యే వెంకట్రామిరెడ్డి కూతురు, గుంతకల్ మున్సిపల్ వైస్ ఛైర్మన్ నైరుతి రెడ్డి ఎన్నికైనట్లు వైసీపీ కేంద్ర పార్టీ కార్యాలయం నుంచి ఒక ప్రకటన విడుదల చేశారు. నూతనంగా ఎన్నికైన వైసీపీ జిల్లా ఉపాధ్యక్షురాలు నైరుతి రెడ్డి మాట్లాడుతూ.. తనపై నమ్మకం ఉంచి ఇచ్చిన ఈ పదవికి న్యాయం చేస్తానన్నారు.
ప్రకాశం: గిద్దలూరు నియోజకవర్గ శాసనసభ్యులు ముత్తుముల అశోక్ రెడ్డి శనివారం రాచర్ల మండలంలో పర్యటిస్తున్నట్లుగా గిద్దలూరు టీడీపీ కార్యాలయం ఓ ప్రకటనను విడుదల చేసింది. రాచర్ల మండలం గౌతవరంలో శనివారం ఉదయం 11 గంటలకు గోకులం షెడ్డు ప్రారంభోత్సవ కార్యక్రమంలో పాల్గొంటారని తెలిపారు. కావున మండలంలోని టీడీపీ నాయకులు, కార్యకర్తలు ఈ కార్యక్రమానికి హాజరుకావాలని పేర్కొన్నారు.
TPT: సీఎం చంద్రబాబు ఆదివారం తిరుపతి పర్యటనకు విచ్చేస్తున్నారు. ఈ పర్యటనలో భాగంగా చంద్రబాబు.. 4 రోజుల పాటు జిల్లాలో ఉండనున్నారు. తిరుచానూరులో ఇంటింటికి ఏర్పాటు చేసిన గ్యాస్ కనెక్షన్ కార్యక్రమానికి ఆయన హాజరవుతారు. అదే రోజు సాయంత్రం నారావారిపల్లెకు చేరుకుని సంక్రాంతి పండుగ సందర్భంగా 13, 14, 15 తేదీల్లో చంద్రబాబు అక్కడే ఉంటారు.
NLR: నెల్లూరు నగర పాలక సంస్థ కార్యాలయంలో ముందస్తు సంక్రాంతి పండుగ సంబరాలను శుక్రవారం నిర్వహించారు. ఈ సంబరాల్లో ముఖ్య అతిధిలుగా నగర మేయర్ స్రవంతి జయవర్ధన్, కమిషనర్ సూర్య తేజలు పాల్గొన్నారు. ఈ సందర్భంగా మేయర్ మాట్లాడుతూ.. అన్ని రకాల సంప్రదాయక ఏర్పాట్లతో నెల్లూరు నగర పాలక సంస్థ ప్రాంగణంలో సంక్రాంతి వైభవం ఉట్టిపడుతోందని తెలిపారు.
CTR: 13వ తేదీ ప్రజా ఫిర్యాదుల పరిష్కార వేదిక కార్యక్రమాన్ని రద్దు చేస్తున్నట్లు జిల్లా కలెక్టర్ సుమిత్ కుమార్ శుక్రవారం ఓ ప్రకటనలో తెలిపారు. సోమవారం భోగి పండుగ సందర్భంగా ప్రభుత్వ సెలవు దినం కావడంతో జిల్లా సచివాలయంలో నిర్వహించే ప్రజా ఫిర్యాదుల పరిష్కార వేదిక కార్యక్రమాన్ని రద్దు చేస్తున్నట్లు చెప్పారు. కావున జిల్లా ప్రజలు సహకరించాలని కోరారు.
ATP: వజ్రకరూరు మండలం కొనకొండ్ల గ్రామంలో మస్తానమ్మ అనే మహిళ ఇంట్లో చోరీ జరిగింది. ఇంట్లో ఎవరూ లేని సమయంలో ఇంటి తాళాలు పగలగొట్టి బీరువాలో ఉన్న నగదు, బంగారం, వెండిని దొంగలు ఎత్తుకెళ్లారు. 2.5 తులాల బంగారం, రూ.18 వేలు నగదు, రెండు వెండి బ్రాస్లెట్లు ఎత్తుకెళ్లినట్లు బాధితులు తెలిపారు. పోలీసులు చోరీని పరిశీలించి కేసు నమోదు చేశారు.
