జనసేన (Janasena) ప్రారంభించేటప్పుడు ప్రతిపాదించిన 7 సిద్దాంతాల సాధన కోసం కృషి చేస్తున్నట్లు పవన్ (Pavan) తెలిపారు. రాజకీయ అవినీతి పై తిరుగులేని పోరాటం చేస్తున్నట్లు ఆయన వెల్లడించారు. కులాలను కలపాలన్నదే తన అభిమతమని ఆయన అన్నారు. కాపు కులంలో(Kapu caste) పుట్టినా అన్ని కులాలకు అండ ఉండాలన్నదే తన ధ్యేయమని పవన్ తెలిపారు. అలాంటిది నేను కూలాన్ని అమ్మేస్తానని అంటుంటే బాధేస్తుందని ఉత్పత్తి కులాల నుంచే నిజమైన మేధావులు వస్తారని పవన్ తెలిపారు. జనసేన పార్టీ 10వ ఆవిర్భావ దినోత్సవ సందర్భంగా మచిలీపట్నంలో(Machilipatnam ) ఏర్పాటు చేసిన భారీ బహిరంగ సభలో పవన్ కల్యాణ్ ప్రసంగించారు. 2014 మార్చి 14న జనసేన పార్టీ తొలి ఆవిర్భావ సభ (First Avirbhava Sabha) నిర్వహించామని, ఆ రోజున తన వెంట ఇంతమంది లేరని, తనను నమ్మిన కొద్దిమంది మాత్రమే ఉన్నారని వెల్లడించారు. సగటు మనిషికి మేలు చేయాలన్న ఆలోచన, కొంత రాజకీయ చైతన్యంతో ఆనాడు పార్టీ స్థాపించానని తెలిపారు. తనను ఒక్కటే ప్రశ్న వేధించేదని… పబ్లిక్ పాలసీలను చేసేది ప్రభుత్వాలు, నాయకులు, అధికారులు అయితే… వాటి ఫలితాలను ప్రజలు ఎందుకు అనుభవించాలి? అని ఆలోచించేవాడినని పవన్ వివరించారు.
చదవండి : ఆంధ్రప్రదేశ్ కేబినెట్ కీలక నిర్ణయాలు, పలు బిల్లులకు ఆమోదం
కానీ తాను రెండు చోట్ల ఓడిపోయినా సరే తట్టుకుని నిలబడ్డానని స్పష్టం చేశారు. మహా అయితే ఏమవుతుంది… ప్రాణాలు పోతాయి… అంతేతప్ప రాజకీయ పోరాటంలో వెనుకడుగు వేసేదిలేదని పవన్ కల్యాణ్ (Pawan Kalyan). ఇవాళ జనసేన పార్టీకి 6.25 లక్షల మంది క్రియాశీలక జనసైనికులు ఉన్నారని సగర్వంగా ప్రకటించారు. ఎవరైనా ఎదిగేకొద్దీ బలపడతారని, కానీ తాము దెబ్బపడే కొద్దీ బలపడుతున్నామని, ఇది తాము సాధించిన విజయం అని వివరించారు. ఈ పదేళ్లలో ఎన్నో దెబ్బలు తిన్నామని, మాటలు పడ్డామని, ఓటమి చవిచూశామని, అయినా నిలబడ్డామని చెప్పారు. ఏదో ఒకరోజు జనసేన ప్రభుత్వాన్ని స్థాపిస్తామని ధీమా వ్యక్తం చేశారు. ధర్మో రక్షతి రక్షితః అనే సిద్ధాంతాన్ని నమ్ముతానని, ఆ విధంగానే పనిచేసుకుంటూ వెళుతున్నానని తెలిపారు. అలాగే నానీ పాల్కీవాలా గారి మాటలు తన స్ఫూర్తిదాయకమని చెప్పారు. ఆయన “లా ఈజ్ కోడిఫైడ్ ధర్మ” అని చెప్పారని, ఆ మాటలనే వకీల్ సాబ్ (Vakil Saab) సినిమాలో ఉపయోగించానని పవన్ వెల్లడించారు. ధర్మం కోసం పనిచేయడమే తనను నడిపిస్తోందని అన్నారు. మన సమాజం కులవృత్తుల మీద ఆధారపడినదని, అలాంటి సమాజంలో అన్ని కులాలతో కలిసి జీవించాలే తప్ప కులాలను విడదీసి కాదని హితవు పలికారు. కులాల గురించి మాట్లాడడం తనకు చాలా ఇబ్బందికరంగా ఉంటుందని తెలిపారు. ఈ సందర్భంగా పవన్… గుర్రం జాషువా,(Gurram jasuva) శ్రీశ్రీ, గోరటి వెంకన్నల రచనలను ప్రస్తావించారు. ఇవాళ తనను కులం పేరుతో దూషిస్తూ, కులాన్ని అమ్మేస్తానని ప్రచారం చేస్తుంటే ఎంతో బాధ కలుగుతుందని అన్నారు. ఏ కులంలో పుట్టాలన్న చాయిస్ లేక తాను కాపు కులంలో పుట్టానని, కానీ తాను అన్ని కులాల అభ్యున్నతి గురించి ఆలోచిస్తానని, తాను విశ్వనరుడిని అని పవన్ తెలిపారు
చదవండి : పెళ్లి పీటలెక్కబోతున్న అంజలి ! వరుడు ఎవరో తెలిస్తే షాక్
