పవర్ స్టార్ పవన్ కళ్యాణ్, సుప్రీమ్ హీరో సాయి ధరమ్ తేజ్ కలిసి నటిస్తున్న సినిమా బ్రో. పీపుల్ మీడియా ఫ్యాక్టరీ పతాకంపై జీ స్టూడియో ఈ మూవీని నిర్మిస్తోంది. ఈ మూవీకి సముద్రఖని డైరెక్షన్ చేస్తున్నారు. టాలీవుడ్ స్టార్ డైరెక్టర్ త్రివిక్రమ్ ఈ మూవీకి స్క్రీన్ ప్లే, డైలాగ్స్ అందించారు. ఈ మూవీపై భారీ అంచనాలు ఉన్నాయి. ఇప్పటికే ఈ మూవీకి సంబంధించిన పవన్ ఫస్ట్ లుక్, మోషన్ పోస్టర్ రిలీజ్ అయ్యాయి.
‘బ్రో’లో మార్కండేయులుగా సాయి ధరమ్ తేజ్ మోషన్ పోస్టర్ రిలీజ్:
తాజాగా బ్రో మూవీ నుంచి సాయి ధరమ్ తేజ్ పాత్రకు సంబంధించిన ఫస్ట్ లుక్, మోషన్ పోస్టర్ ను మేకర్స్ రిలీజ్ చేశారు. ‘బ్రో’ మూవీలో మార్క్ అలియాస్ మార్కండేయులు అనే క్యారెక్టర్‌లో సాయిధరమ్ తేజ్ కనిపించనున్నాడు. ఫస్ట్ లుక్‌లో తెల్ల దుస్తులు ధరించి సాయి తేజ్ కనిపిస్తున్నారు.
చదవండి: Heroine డింపుల్ ను డీసీపీ వేధించాడు.. అసలు జరిగింది ఇది: లాయర్
మోషన్ పోస్టర్ లో గడియారాన్ని చూపిస్తూ మార్కండేయులుగా సాయి తేజ్ పాత్రను ఇంట్రడ్యూస్ చేశారు. మోషన్ పోస్టర్ వీడియో బ్యాక్ గ్రౌండ్ లో “బ్రోదిన జన్మలేషం.. బ్రోవగ ధర్మశేషం.. బ్రోచిన కర్మహాసం.. బ్రోదర చిద్విలాసం” అనే శ్లోకం వినిపిస్తుంటుంది. ‘బ్రో’ సినిమాను జులై 28న విడుదల చేయనున్నట్లు మేకర్స్ ఇది వరకే ప్రకటించారు. ప్రస్తుతం చిత్ర నిర్మాణ పనులు వేగంగా సాగుతున్నాయి. ఈ సినిమాకు థమన్ మ్యూజిక్ అందిస్తున్నారు. హీరోయిన్లుగా కేతిక శర్మ, ప్రియా ప్రకాష్ నటిస్తున్నారు.
చదవండి: Urvashi Rautela: మొన్న బల్లి నక్లెస్.. నేడు ఈకల డ్రెస్సులో ఊర్వశి..!
రచన, దర్శకత్వం: పి. సముద్రఖని
స్క్రీన్ ప్లే, డైలాగ్స్: త్రివిక్రమ్
బ్యానర్స్: పీపుల్ మీడియా ఫ్యాక్టరీ, జీ స్టూడియోస్
నిర్మాత: టి.జి. విశ్వప్రసాద్
సహ నిర్మాత: వివేక్ కూచిభొట్ల
డీఓపీ: సుజిత్ వాసుదేవ్
సంగీతం: ఎస్.ఎస్. థమన్
ఆర్ట్: ఏ.ఎస్. ప్రకాష్
ఎడిటర్: నవీన్ నూలి
ఫైట్స్: సెల్వ
వీఎఫ్ఎక్స్ సూపర్‌వైజర్: నిఖిల్ కోడూరి
ఎగ్జిక్యూటివ్ ప్రొడ్యూసర్: ఎస్. వెంకటరత్నం
కో-డైరెక్టర్: బి. చిన్ని
పీఆర్ఓ: లక్ష్మీ వేణుగోపాల్
